又一個忙碌的周末

同事話星期一德國會有消息公報, EURO會升, 星期六去左生生兌EURO, 點知得50蚊貨, 要星期三去攞, 1:10.45

之後行左陣沙田就去BF屋企食飯, 呢2日都食左好多野, 大解放咁…都話唔磅架啦, 一磅重左輕左都會放縱…

星期日仲忙, 一早同佢姑姐去左買金, 金價超高…11720…分別買左2隻龍鳳鐲,(係2隻而唔係一對XD) OVER 晒BUDGET好唔好意思…我叫佢送一隻另一隻阿媽俾錢我買當阿媽送佢又唔制, 依家我地碌左卡, 只係收左佢一隻錢, 打算另一隻唔收, 唔知過唔過倒關XD 真係好拿利呀…試勻六福, 周生生同周大福, 周大福門口齋睇已經冇野O岩冇試到, 試左一間周生生, 有隻新款幾好睇可以平時戴~跟住去埋我心儀既六福, 不過呢間分店款又唔多冇我之前睇中既幼身鐲, 不過最大問題係有個好唔掂既姐姐仔…就算有O岩都唔想幫襯佢~
最後去返另一間周生生, 呢間多款D喎~原來係旗鑑店~~ 仲有之前O係六福睇中O個對既合併版(遲DPOST相介), 同埋之前O係第一間周生生睇中既幼少少既版本, 於是就買左呢2隻喇~ 結果係買左1隻龍鳳鐲同一隻龍鐲XD開頭都唔知揀龍定鳳, BF話鳳啦, 我又覺得怪怪咁, 姑姐話買龍啦, 你係鳳, 掛住佢嘛~(中喎XD就咁話啦~)埋單真係好金…
咁就行左一個鐘, 跟住BF返工我自己睇下衫同行下花墟

買左幾件衫同一對返工鞋, 呢D唔係重點, O係花墟拎住我之前SAVE低既花球周圍搵, 間間講既野都唔同, 有D話係柒色會整污糟件婚紗建議我揀其他, 我話其他色都OK最緊要靚, 不過見我藍衫藍袋又咬定我係鍾意藍色架喇XD其實真係冇所謂; 有D話係飛燕草不過六月冇, 有D話係呢DO個D, 有一間就叫我SEND張大相俾佢睇真D(好有HEART)不過話就算有都會好貴, 有一間話張相睇唔真冇把握既我地唔做(GOOD!不過跟住就唔理我)

買唔成鮮花球就去返繽紛揀絲花整個另一個絲花球~~呢度揀左好耐好耐~~

跟住就返屋企, 趕天黑之前去跑步, 休息下, 食埋飯, 十點幾開工整嫁女餅俾阿媽星期一派俾D老人家, 第一次整咁大份(21個), 估唔到同BF2個人整成3個鐘…整到點幾…好忙碌既一日…

好耐冇試過2點幾訓…