紅綾食譜(8個份量)
油皮:固體菜油 15g, 低粉70g, 糖漿15g, 水30g, 色素少許
酥油: 低粉90g, 固體菜油55g
餡: 蓮蓉300g
做法:
油皮及酥油各自拌勻搓成柔軟麵糰分成8份, 將油皮麵糰按扁, 包著酥油, 用木棒碌長, 捲起, 轉90度擀薄, 左右向中間褶成3層, 按壓成酥皮, 包餡搓圓, 180度焗25-30分鐘。
為左下個月既婚禮, 整左3次嫁女餅派俾女家長輩。上圖呢次係男友幫手一齊整^^ 夜晚10點整到半夜點幾…><
男友幫手印
焗緊喇~~21個焗左2爐大約一個鐘。
出爐喇~呢4個應該係最靚仔~ 上次自己整都冇咁靚:P
入盒喇~ D盒就係上次O係台灣訂返黎O個D^^
開口印左我地既LOGO壓印~^.^
其實之前都試左白綾, 皮蛋酥, 雞蛋糕同合桃酥, 不過白綾個五仁餡整得唔好, 皮蛋酥買唔倒豆蓉要自己整太麻煩又唔擺得, 雞蛋糕整完似西餅唔似唐餅…合桃酥又有梳打粉味…:P 於是只係剩低蛋黃蓮蓉黃綾同蛋黃豆沙紅綾…^^"
至愛皮蛋酥~~
好有心思呀
ReplyDelete一定好好味
[版主回覆05/25/2010 15:11:00]多謝你呀~RE得好快呀!!
你要求好高噃!!
ReplyDelete我覺得已經好靚啦 !!
[版主回覆05/25/2010 15:11:00]揀左D靚仔少少既放出黎^^"
恭喜晒呢~ 話說我媽咪剛剛收到你的嫁女餅呢 整得超靚，謝謝:)
ReplyDelete[版主回覆05/25/2010 22:32:00]*0* 原來係你~~多謝你呀^^ 你點搵倒我架~?
禮餅收就收得多, 但係親自整既禮餅真係未收過~ 你地真係好有心思呀~~ 雖然我唔識你, 但係我都感受到你地既婚禮充滿愛同幸福~~
ReplyDelete祝你地新婚快樂, 白頭到老~~
[版主回覆05/25/2010 22:35:00]好多謝你呀^^ 因為我覺得餅卡好似冇咩用, 平時收埋收埋都係一疊擺O係度, 我地又唔擺酒, 又唔跟習慣, 所以都冇買餅卡, 就整幾盒嫁女餅俾長輩同鄰居^^
逛食譜的網誌時 看到你的網誌 看了一段時間 才知道是妳:)
ReplyDelete[版主回覆05/25/2010 23:06:00]你個BLOG冇野既~ 快D分享下D野食啦^^
你地真係好有心啊！連禮餅都係自己做！仲要係好靚添呀！
ReplyDelete[版主回覆05/26/2010 10:26:00]多謝你呀 ^0^
好有心思呀......預祝你倆白頭到老....永結同心....yeah...
ReplyDelete[版主回覆05/26/2010 10:26:00]多謝你呀 ^0^
雞蛋糕似鬆餅. haha
ReplyDelete[版主回覆05/26/2010 10:25:00]邊種鬆餅?
嘩~好欣賞妳地好有心機, 連嫁女餅都親自整, 各位長輩收到一定甜入口呢
ReplyDelete恭喜你地~祝白頭到老, 永結同心
[版主回覆05/26/2010 15:32:00]多謝你呀, 希望唔好失禮就好…^^"
好勁呀你~~!!! 賣相好得!!
ReplyDelete[版主回覆05/26/2010 15:31:00]多謝你呀^^ 一DD咋…XD
勵害呀你！！有冇打算轉行買下呢啲呢!!! 我結婚都冇你咁好心思呀!!!比足你滿分呀!!!
ReplyDelete[版主回覆05/26/2010 18:08:00]呢D唔好賺架…整4個鐘先24個… 多謝你呀 ^^
恭喜你倆白頭偕老， 永結同心 。 自家製嫁女餅真係好有心思呀， 收到嘅親朋好友一定非常開心。
ReplyDelete[版主回覆05/26/2010 18:39:00]希望啦^^ 多謝你呀~~
好叻架妳, 自己嫁自家做嫁女餅,好幸福呀, 祝永遠都幸福。
ReplyDelete[版主回覆05/26/2010 18:32:00]多謝你呀 ^.^ 不過有人話唔好自己做, 未來老爺聽左幾次都笑我…
唔好自己做嘅意思可能係唔想新娘咁操勞, 如果自己開餅店咁點計呀,自己做D 自己食, 送人嗰D 買, 費事未來老爺可能唔鍾意, 咁自己唔駛操勞,都好架, 妳可以做回禮餅(飲酒)。
ReplyDelete[版主回覆05/26/2010 19:57:00]我已經送晒喇~XD我地唔擺酒, 數量唔多, 回禮都會自己整, 幾十份咁, 但唔係唐餅^^
送咗出去,即係可以嫁得出啦, 咁就唔好唸, 做個靚靚新娘啦, 唸得多唔靚架。自己做餅的事只要唸住我唔信哩D 野就得。(記住呀, 妳地會白頭到老, 相親相愛)
ReplyDelete[版主回覆05/26/2010 21:29:00]其實我信就唔會整XD 多謝你呀^0^
好叻呀！乜都識整。祝妳們白頭偕老
ReplyDelete[版主回覆05/26/2010 22:26:00]好耐冇見喇^^ 多謝你呀^0^
唔信最好, 根本就冇哩d 野。
ReplyDelete[版主回覆05/26/2010 22:26:00]我地日都冇擇^^
冇擇咪冇擇 law, 法例冇講一定要擇日，自己開心就得。
ReplyDelete[版主回覆05/26/2010 22:45:00]我意思係我地都唔介意呢D野, 所以冇擇日, 過大禮係買自己鍾意既野用自己鍾意既形式XD咩都冇跟足
你好叻呀!!我係嫁咗先開始學煮嘢食!! 預祝你们婚姻美滿,永遠相親相愛!!
ReplyDelete[版主回覆05/26/2010 22:46:00]多謝你呀^^ 我係拍拖開始學煮野架, 佢話想食煮家飯喎…^^"
同妳講野, 妳好似有心事咁, 係咪好似我當年咁有婚前恐懼, 多多野唸。
ReplyDelete[版主回覆05/26/2010 22:46:00]啊? 唔係呀~我仲未識緊張XD冇咩特別, 我地又唔係擺酒, 唔駛做SHOW, 唔係好大壓力^^ 你當年點樣婚前恐懼呀?
多多野唸上上下下左左右右前前後後都唸，好似唔知點咁law，冇了方向咁 law。
ReplyDelete[版主回覆05/27/2010 00:54:00]冇喎XD 可能我婚前婚後轉變不大
妳十分叻女呀! 妳連結婚的禮餅都可以咁有心思親自焗制! 恭祝你倆白頭到老, 永結同心!
ReplyDelete[版主回覆05/27/2010 00:55:00]多謝你呀 ^^
娶着你真係幸福囉!!
ReplyDelete[版主回覆05/27/2010 00:56:00]多謝你^.^
嘩! 你咁夜仲唔瞓!! 你就快要做新娘子啦!! 早D休息呵!! 祝你們白頭到老, 永结同心!!
ReplyDelete[版主回覆05/27/2010 10:08:00]我7月已經立志要早訓…上個月好d12點幾訓, 依家真係要的起心肝早d訓喇>_< 多謝你呀^0^
冇就好啦, 得到咁多人嘅真心祝賀, 妳一定會得到幸福, 因妳名字叫幸福蠍。
ReplyDelete[版主回覆05/27/2010 10:07:00]hehe~多謝你呀
妳自己整嫁女餅咁叻呀，仲好掂 o添呀，十足十街賣果 啲！
ReplyDelete[版主回覆05/27/2010 10:08:00]hehe多謝呀~其實我覺得好食過恒x, 之前expo買過一次實在太唔得喇…>_<
我想問吓妳用開邊隻焗爐。有相睇更好。
ReplyDelete[版主回覆05/27/2010 10:10:00]呢部 呀~
我唔係你長輩但都想食你的皮蛋酥
ReplyDelete[版主回覆05/27/2010 10:07:00]多謝你呀~^^ 不過皮蛋酥就難d喇, 冇得買豆蓉, 自己整麻煩之餘又用唔晒…上次掉左一大包呀…>_<
妳好棒呀,嫁女餅也能自己做.在這預祝妳新婚快樂.
ReplyDelete[版主回覆05/27/2010 14:44:00]多謝你呀^^ 好在只要少量~~^^
恭喜~恭喜,永遠開心,以前有看您的大作,是高手一名,現在開BLOG重逢,很開心呀!不要太累 TALK CARE
ReplyDelete[版主回覆05/28/2010 08:02:00]多謝多謝^^最近有返D整餅癮, 婚後可能會重新開爐^^(不過其實6月都要為WEDDING整幾次餅:P) 但係到時又會肥肥肥喇><最近少整餅, BF都瘦左…XD
整得好靚吖. 你係出面學定係自己在家試下試下咁? 有冇食譜呢? :)
ReplyDelete[版主回覆06/04/2010 19:59:00]冇出去學呀~上網有d圖教褶中或酥餅皮, 同埋有fd 教過我 紅綾食譜 (8個份量) 油皮:固體菜油
15g, 低粉70g, 糖漿15g, 水30g, 色素少許 酥油:
低粉90g, 固體菜油55g 餡: 蓮蓉300g 做法: 油皮及酥油各自拌勻搓成柔軟麵糰分成8份, 將油皮麵糰按扁,
包著酥油,
用木棒碌長, 捲起, 轉90度擀薄, 左右向中間褶成3層, 按壓成酥皮, 包餡搓圓, 180度焗25-30分鐘。
好勁喎.... 嫁女餅都自己整.... 叻叻叻叻 x 1000
ReplyDelete[版主回覆06/04/2010 19:57:00]多謝多謝^.^
恭喜您呀~ 祝百年好合，永結同心
ReplyDelete[版主回覆06/04/2010 19:57:00]多謝你呀^0^
好感動, 自己親手整既嫁女餅~
ReplyDelete[版主回覆06/07/2010 01:49:00]真的嗎~?^^
你好有心思呀 話咁快你的大日子就到啦 祝幸福蠍幸福快樂 會有咩節目
ReplyDelete[版主回覆06/07/2010 01:49:00]多謝呀師奶師太~^0^承你貴言~~
恭喜呀, 您男友好幸福呀, 聚到個咁有心思嘅老婆
ReplyDelete[版主回覆06/07/2010 01:48:00]多謝多謝^^ 唔知佢覺唔覺呢~:P
真心祝賀妳幸福恭喜 ~ 恭喜 , 整得好靚吖 . So sweet! And thank you for your share.
ReplyDelete[版主回覆06/09/2010 16:16:00]多謝多謝^.^
我睇第一張o既時候仲以為係買返o黎o架!! 再睇落去先知係你自己做, 真係好勁呀!!!
ReplyDelete[版主回覆06/11/2010 00:30:00]hehe~多謝你啊~^^"
好靓
ReplyDelete