星期日一位大學同學結婚, 雖然我地同班只係2年既事, 畢業後亦好少見面, 不過唔知點解對佢好有好感覺得佢好靚女~
當年佢亦有出席我同我先生相識既新聞組活動，識倒佢當時既男朋友。分手後知道佢一度擔心嫁唔出, 轉眼黎到今日, 佢亦同拍拖3年既男朋友結婚喇~
上次見面正正係我婚禮。
7個月後既聽日我將會同另一位同學舊谷(newsgroup)友一齊出席佢既婚禮, 為佢做左幾款曲奇, 希望佢喜歡啦~^^
我最鍾意係呢一款~^^
祝你地恩愛白頭，幸福美滿！
曲奇詳見
利是封已經印好喇~50大50小~
仲有8日過年, 要入利是~曬相~執屋!
其實仲未病好…究竟訓覺好, 還是準備過年好呢…
好耐冇煮飯, 唔係病就要開工, 唔食叫外賣, 出街食, 食即食野就係老公煮…好似好耐冇煮過飯, 但係每日唸食咩就好頭痕…早餐食咩呢?午餐食咩呢?晚餐買咩送呢?或者出街食咩呢…都係一個難題…減肥O個時反而冇咩揀冇咁煩:P
平時早餐都係食麥皮, 依家食晒未買, 呢3日都係梳打餅+奶
午餐食左2日水餃麵/通, 今日嗌左飯盒…
今晚食咩仲未唸倒…
話說之前up極都up唔倒, 交涉左幾日, 結果都係要重新做過…
大家如果join左, 千祈唔好裝佢隻碟既軟件, 要上官網d/l個update版…我就係裝左舊版, upload唔倒, 又冇得輸出…戇居居做多次…
e-mail去問教左我幾個方法, 連線搞過, d相搞過, 原來都唔關事…
最終重新d/l軟件, 重新排版, 好在cap左圖, 都係照返原本排左個排多次, 用多一晚咁…
重做都係upload唔倒, 好在有得輸出, 用ftp upload, 今次終於收倒~
19號upload, 20號覆我話收倒, 21號確認, 問埋佢過年前收唔收倒佢話冇問題, 希望真係順順利利收倒相簿帶返鄉下啦~
結婚到依家都未見過外婆, 相都冇得佢睇, 今次同老公返去過年點都要帶俾佢睇:p
除左呢本相簿, 亦打算曬d4R俾佢留念, 不過婚後7個月仲未曬過相…其實…連禮物都未執…^^"
1月2日50個mini fondant cupcake~for 劉生劉太
1月4日 for tata未來奶奶birthday~
1月8日for carmen 兄弟姊妹gathering
1月10日for jodie's wedding
1月16日 for nat and eric's wedding
1月18日 for louisa & po's wedding
1月21日for NOR's BTB gathering
1月21日for lingjo's fd's birthday
1月21日photo stamp for ms muimui(相片後補)
1月21日突擊試食
1月22日for cha's party
1月23日for 老公's親戚團年~
這次真的收爐了吧?要好好大掃除及預備過年了~ 利是封還未完成呢~^^"
呢個係最似我bd o個set既cupcake tower~
彩色macaron, 粉黃buttercream, 粉藍白水玉杯~
做既時候完全有回到未嫁時既感覺!^^
好高興認識你nat~^^ 多謝你百分百既信任~ 我地下次要出黎闊太high tea ^^
完成埋今日既交收之前, 虎年就此收爐喇~
之前唸過整賀年禮盒, 亦有舊同事o係未有sample同價錢下話要3盒, 可惜由於太多野要做既關係, 都係放棄喇。
仲有唔夠2星期就過年, 利是封仲未印好(裁左), 相簿印緊(合照未整), 睇見間屋真係好想大掃除, 長期處於搬屋前後狀態唔係辦法, 最過份係我d結婚禮物同物資仲係原封不動…^^"
屋企d書愈來愈多, 係時候執下個書架, 雜物房亂過乜, 依家連個廳都變埋雜物房…
雖然大年唔o係香港亦冇人黎拜年, 不過都唔可以亂成咁…
正當決定收爐之際, 又病左…=.=
話說11月比較清閒病左一輪…仲話病得著時, 如果係12月病就死…點知依家正話收爐, 又黎…原本唸住聽日去打針家嘛…病左又唔打得…仲加埋牙痛添! 聽日去睇左牙先…
今個星期日老公家做節, 過年前會照舊同老公行年宵~初一同老公親戚飲茶, 初二返我鄉下~結婚咁耐都未見過婆婆呢~
老公一年一度既大假, 用左幾日返鄉下之後, 返黎應該會去o個個原定聖誕開又遲遲未開既嘉年華~跟住攤抖幾日~好好enjoy下新婚生活~^^
咁快黎到7個月, 仲有5個月就一周年! 日子真係過得好快~~~~
1月19日呢一日, 病左…
早上開始喉嚨痛…唉…每次病都係先喉嚨痛…同一晚仲開始打乞嚏同咳…應該係我早一日朝早沖左個熱水涼出門口好熱, 對外面既溫度估計錯誤著少左衫, 加上大病既同事返左黎坐我隔離所以中招…=.= 尋晚(20/1)仲開始鼻塞…
晚上要開工, 冇特別慶祝, 連煮飯或者出去食既時間都冇, 要老公返黎煮飯~
煮左佢撚手既煎餃, 仲煎左印度烤餅, 開罐咖哩雞點烤餅~煮左個菜咁~食飽飽仲同海綿仔一齊洗碗~^^ 而我就繼續開工!
話說我婚後轉左工, 黎到新公司我冇同人講我結左婚, 雖然日日戴住戒指, 不過估倒同事應該唔會留意/聯想倒。
今日講起某d野洩漏左口風~呢位同事同上次另一盒同事知道後一樣好大反應話你咁細個結左婚喇?*0* 開頭仲要以為我講笑XD 仲話不過都應該畢左業啦可~
我話畢左業好耐喇^^
佢以為我第二年出黎做野XD
其實我個樣一向唔係特別細, 但就好多人估唔倒我結左婚~^^
成日覺得依家D女仔2, 3字頭其實好難分, 有朋友大我2年生左個女, 個樣似18, 有人13歲時俾人以為31…但聽倒同事低估左我既年紀都係令人會心微笑既~^^
細個有同學估我大一年架, 但其實我細個個樣都唔係特別大; 成日覺得細個個樣老成, 大左反而唔會老:P 好似ISABELLA咁, 依家個樣同佢13歲時其實一樣~XD
之前份工有位同事既老公又係話我咁細個結婚, 估細左我5, 6年~哈哈~
點都好~ 都係一件開心事~^^
好耐之前已經打算餵母乳, 不過有同事嚇我話唔係咁易, 會損會剩咁…又聽講有母乳用奶嘴。依家好似大部分媽媽都支持母乳, 反而老一輩可能會覺得奶粉有益D。
為了讓嬰兒健康地成長，家長總會搜羅各種天然的食材。母乳一直被譽為最佳之選，無論對嬰兒的發育，抑或是母親的健康，同樣是百利而無一害。
過去數十年來，香港有研究指出餵哺母乳能減低患乳癌 、卵巢癌 及尿道炎的機會。由於餵哺母乳會令到母親的排卵期及月經延後，從而減低患貧血的機會。
母乳所含有的成份多達100多種，當中包括具抗細菌、抗病毒功能的免疫蛋白及因子，亦含有荷爾蒙和特殊生長因子，鐵和鈣含量較高。母乳成份天然，營養完整而豐富，容易消化及吸收，足以為初生嬰兒提供首6個月的所需營養，無需額外的補充劑或健康食品。
更重要的是，母乳所含豐富DHA及AA是嬰兒腦部發育的重要元素，同時能減少腸胃炎、食物過敏症及肚瀉等問題，更有效預防異位性皮膚炎 （俗稱濕疹 ）。對嬰兒長遠而言，母乳能夠減低患中耳炎、氣管炎、肺炎及腦膜炎等嚴重疾病的風險。接受母乳餵哺的嬰兒，其長大後患糖尿病 及淋巴瘤的機會較低。
部份家長擔心自己服藥會直接影響嬰兒的健康，事實上，藥物由母體的胃腸道吸收後，再經過血液循環，當中只有少於2%的藥物會經乳汁進入嬰兒的腸胃消化和吸收，屆時藥物的劑量只佔0.025%-1.5%，並不會對嬰兒造成不良的副作用。
香港中文大學 兒科學系
韓錦倫教授
自小愛酸梅湯
小學時最鍾意同同學去涼茶鋪買酸梅湯飲, 大個先知原來好多人唔飲, 包括我老公><
星期六送完貨行過街市, 買金桶牛油不成, 買左包酸梅湯材料包, 都係第一次自己煲~~
早排睇雜誌話冬天食滯左飲返d山楂開胃, 正中下懷…真係滯左好耐…
原來酸梅湯有麥芽~好大鄉里~^^"
說明話3公升煲成2公升, 勁酸>< 加左2塊半片糖都仲好酸, 加左好多好多水先o岩味…$12好抵飲…XD
我真係覺得好好飲~又冇出面咁甜, 可惜老公試左3次都係食左酸梅咁既口面…XD
上個月蠍係115, 小藍係49xx, 幸福王國唔記得, 總之好後
今個月大逆轉, 蠍跌到3xx, 小藍8xxx…都唔奇, 最奇係幸福王國居然上到3xxx, 仲高過小藍之前既49xx!
明明蠍呢度好少update, 又小藍up得最密, 點解會咁既?
究竟呢3個可信性、活躍道同權威性係如何衡量既呢?
Yahoo! BLOG排行根據以下三個重要屬性進行評分。評分的高低完全由系統的自動學習機制（Machine Learning）來決定的，我們藉由分析資料庫中所收集到的各項關於該Yahoo! BLOG的數據，來決定各Yahoo! BLOG的各項屬性的分數，而作為我們決定該Yahoo! BLOG在所有的Yahoo! BLOG中排名的依據。
1. 品質度
我們針對所索引的Yahoo! BLOG文章進行品質分析，評分的依據包括文章是否原創、轉貼或是廣告文，同時計算在一定時間內文章被其他網站所連結的數量等等…
2. 活躍度
系統會針對Yahoo! BLOG在一定時間內的更新狀態進行頻率統計，一般而言，Yahoo! BLOG的更新包括發佈新文章、文章回應等等…但我們目前僅針對發佈新文章的頻率進行評分。
3. 熱門度
Yahoo! BLOG的權威度是反映此Yahoo! BLOG中的文章，被其他網站或Yahoo! BLOG連結的熱門程度。
原來舊年今日係我第二次去cafe睇場~
1228就約左mm同shan上station3, 上個月我地去左食buffet慶祝一周年~ 原來舊年既今日我又約左阿shan去睇場~今次係ease house cafe~亦係最終落實招呼朋友既場地。
呢度間格肆正, 價錢又抵, 食物又唔錯~帶老公黎睇一次之後, 唸住去睇埋tst o個間, 點知去到冇人, 打電話去話有人包場先會有人…老公聽倒已經覺得好不安, 平時唔駛開門做生意, 到時唔記得左咪死! 咁我地就成班人企晒o係度…所以就算靚又近註冊處佢都唔考慮~就咁決定o係ease house搞喇~
呢次係我同阿shan第二次見面~跟住2月去masa影完相, 收倒第一校之後我地又急不及待出黎分享~~自己拎左d第一校去曬4RXD 除左219小隊之外仲約埋幾位前輩-- 大家姐同bonnie出黎~~再次黎到呢間cafe~
直到bd前仲有一次又係約埋masa既戰友, 今次都有十個八個~每次美少女廚神都會打折俾我地~~有時仲會請我地食甜品^0^
bd當日都好滿意, 好幫得手, 後來再約619黎唔倒既2位朋友返去食返餐~呢次已經係我最後一次去喇~
又黎準備系列^^
尋日收倒老公送既肥o都o都企鵝公仔~ 跟手睇倒張好得意既企鵝仔BB床~~
今日唸起就上網睇下D企鵝仔BB野~
就係佢喇~不過都幾貴, 要成3千大元~(仲唔知UP唔UPDATE!)
其實呢隻企鵝仔我地之前行街都見過好多次~ 當時老公仲對生小朋友有D抗拒, 但係我已經覺得好得意, 仲唸定第時生B都要返黎買! 後來先知原來佢係一個牌子, 應該唔會咁快冇得賣~
呢個可以俾老公咩仔仔用~^.^
好可愛既小褲褲呀~>3<
呢個好似係腳套~著住都開心D~
真係睇得好開心~~^0^ 救命…我已經成日當正自己有左…XD
同場加映
