今日開始我成為袁太喇~^0^ 各位快D恭喜袁生娶倒個入得廚房出得廳堂既靚老婆XDDDD(講笑~^皿^)
呢個時間我地正o係尖沙咀註冊, , 跟住下晝會同一班朋友o係cafe短聚, 晚上家人食飯, 希望可以簡簡單單開開心心咁渡過呢一日~^^ 我要影好多好多相~
對於呢個新稱號感覺新奇^^ 自此我個名前面會多加一個姓氏, 一個屬於你同我地將來既小寶寶既姓氏。
籌備左年幾既大日子終於來臨, 今日除左係呢年幾所做既功課頒發畢業證書既大日子, 更重要既係一段新生活既開始。呢一日重要, 往後既日子更重要。
希望今日蒞臨既親朋好友都能夠感受倒我地既喜悅, 多謝各位既祝福。^^
從今開始, 每朝起身睜開眼會見倒你, 放工又會見倒你。我同肥豬妹妹, 幾個"仔仔女女"會煮好飯等你返屋企。唔好掛住網, 多d陪你睇電視溫馨下~^^ 轉眼過左七年風平浪靜既日子, o係未來既歲月, 無論禍福悲喜, 我地都要手拖手一齊走過。有我o係身邊, 你會快快樂樂肥肥白白; 有你悉心照顧, 我可以繼續大安旨意論論盡盡^^
老公~我愛你^333^
一陣下晝3點會有成長片段o係blog同cafe同步播放~ 敬請留意^0^
http://hk.myblog.yahoo.com/littleblue619 ^^
No comments:
Post a Comment