叫我袁太^^v

今日係我地拍拖7周年紀念, 亦係我成日袁太既日子~^0^ 各位快D恭喜袁生娶倒個入得廚房出得廳堂既靚老婆XDDDD

呢個時間我地正o係尖沙咀註冊, 
跟住下晝會同一班朋友o係cafe短聚, 晚上家人食飯, 希望可以簡簡單單開開心心咁渡過呢一日~^^ 我要影好多好多相~

 

對於呢個新稱號感覺新奇^^ 自此我個名前面會多加一個姓氏, 一個屬於你同我地將來既小寶寶既姓氏。

籌備左年幾既大日子終於來臨, 今日除左係呢年幾所做既功課頒發畢業證書既大日子, 更重要既係一段新生活既開始。呢一日重要, 往後既日子更重要。

希望今日蒞臨既親朋好友都能夠感受倒我地既喜悅, 多謝各位既祝福。^^

 

從今開始, 每朝起身睜開眼會見倒你, 放工又會見倒你。我同肥豬妹妹, 幾個"仔仔女女"會煮好飯等你返屋企。唔會掛住網, 多d陪你睇電視溫馨下~^^
轉眼過左七年風平浪靜既日子, o係未來既歲月, 無論禍福悲喜, 我地都要手拖手一齊走過。有我o係身邊, 你會快快樂樂肥肥白白;
有你悉心照顧, 我可以繼續大安旨意論論盡盡^^

老公~我愛你^333^

大家留意, 下晝3點會有成長片段同CAFE同步播放~~^0^