流浪到長洲

昨日再次出走

一心唸住去離島, 不過太晏出門, 大澳太遠太轉折, 於是搭左307過海先, 去到碼頭再決定。

選擇有南丫島, 長洲, 愉景灣同柏麗灣

本來都想去挪亞方舟行下, 不過雷暴警告部分設施關閉。愉景灣又驚冇海灘, 南丫島班船晏過長洲, 於是上左入長洲既船, 當時仲有1個字開船, 上船時已經4:10。

攝於船上

搭左成個鐘, 終於到喇~回程一定要搭快船…

第一次黎呢度影相, 入去行左個圈

隔離有呢d咁得意既壁畫

跟住同豆豆去左沙灘~ 我地今日既其中一個目的~ 不過呢度d沙勁吉…前日蝴蝶灣d沙舒服好多…

今次浸得深過上次XD 同埋今次D水凍D

從東堤入, 另一邊出, 一出就見倒呢間雜誌成日介紹既日本人故鄉茶寮, 試左有名既紅豆餅, 紅豆餡明顯係自家制, 味道唔似吉之島買倒o個d, 反而似我自己整o個d, 唔多甜, 淡淡地, 食倒紅豆味咁, 不過唔吸引我再食多次 ^^"

$4@故鄉茶寮

之後周圍行下, 又出返碼頭睇日落

行行下見倒雞屎藤又試下~

跟住就開始搵師妹甜品, 搵左一輪終於搵倒, 不過我折返去買左呢寸薯片先~

揀左甘梅味, 冇。檸檬味呢? 都冇… 問佢有咩推介, 佢話紫菜芝士烤肉最多人揀, 試下芝士, 都係冇芝士味…不過幾好味, 但就貴左D, $18@

一出碼頭向左行就見倒。原先落船都想試, 不過太多人。

跟住就去搵返師妹喇~

之前聽講呢度每次有客人嗌火焰雪山都會拉簾, 今次就冇, 不過同我熄左燈~又幫我影相^^

入面其實係雲呢拿同朱古力雪糕, 上面打左層唔甜既蛋白霜加D士多啤梨。

焗雪山我整過, 不過食過今次先知原來火焰係先準備一杯點左火既RUM酒黎到之後淋上去~學倒野~不過呢樣試唔倒真張~ 下次試下佢其他甜品。

店員推介: 心太軟(我麻麻), 焗梳乎里同焦糖燉蛋(太簡單), 仲有呢個火焰雪山

甜品整體黎講唔貴, 比起出面食, CAKE都係廿蚊件倒

$28@, 冇火焰就$24@, 睇倒牆身既雜誌訪問, 之前只係賣緊$18咋~~~

店員好好咁叫我聞下D酒香, 跟住吹熄D火, 可能掛住影相…蛋白火農左一忽…