商戶評分-婚紗(廣州婚紗街)

舊年我既single birthday祝左老公同我上廣州婚紗街, 即日來回, 目標只係睇婚紗~聽講上面過千已經好靚~

試左3間, 4件

第一間o係街頭既大商場地庫, 婚紗好靚, 試左魚尾同A-line各一, 終於有試婚紗既感覺, 有地台有打燈, 可能因為咁特別震撼, 不過A-LINE O個件普通D, 魚尾老公就話唔FIT身所以麻麻, 都有D心動, 到返香港都仲有掛住呢間, 尤其個頭紗, 好多花瓣印象好深刻。大約3K幾一件包頭紗, 散買要6百幾。冇揀佢係因為覺得咁震撼既功勞歸功於頭紗, 打燈同地台而唔係件婚紗。

第二間白色婚紗(其餘都係象牙色), 加上白燈, 又懶得幫我縛帶…冇咩好感…8XX人仔, O係婚紗街中間一間細地鋪。

第三間o係街既另一邊行人天橋o個邊, 我同老公都鍾意, 呢樣令我加分。一直認為婚紗要老公都鍾意先得。試左上身效果都唔錯, 最好就係縛帶, 肥左瘦左都唔駛改。送頭紗同手套, 頭紗冇用過, bd戴左手套。
廣州行收鑊(婚紗)

返到屋企試, 硬係覺得有d唔妥, 老公話可能係太多花, 於是自行改裝。新WG改裝後

正面

坐低

行緊

背面(其實我一直冇留意有冇拖尾…究竟係邊個幫我鋪好呢?我都唔記得 ^^")

背面close up

正面close up

一向冇留意閃唔閃拖唔拖尾 ^^" 我對閃冇特別喜好, 呢件好似有d釘珠, 最特別係有d立體花, 不過大部分俾我拆左…XD
背部縛帶冇用girdle用左用nu bra, 不過原來唔係好露背。原本縛帶位有塊好硬好厚既野, 我拆左, 但又開得太低, 於是自行加左塊白色色丁布。另外腰位有d唔fit所以起左褶…同埋d紗質地比較硬, 不過睇唔倒只有自己feel倒都冇咩所謂。著埋對3寸高跟鞋長到剛剛好~!我都係o岩o岩睇相至發現:p不過後面拖尾就o係cafe拖晒地喇…

買婚紗最大好處就係唔駛還…XD 原本唸住呢件出場機會少, 只有一日, 唸住帶去honeymoon影相, 不過實在太大舊又重…放棄左…帶左輕薄o個件…


生日廣州行(路線) 仲有落選婚紗廣州之旅~被遺棄的婚紗

photo來自唔同既朋友

有攝影師jan, 朋友martin, malaushan, carey, jenny同cheese~~