新一天

放左個幾月長假, 今日第一日返新工~ 預早一個鐘出門口, 早左半個鐘返到~

暫時未多野做住, 一路做住同以前差唔多既工作, 一路聽倒似熟唔熟既聲音, 好掛住以前既同事。

除左相熟既戰友, 對於其他共事五年既同事, 熟悉既笑聲, 亂up野, 互相取笑既歡樂, 都令我懷念。

黎到新環境, 似乎一切都相當唔錯, 只係工作時間比較長, 但實質返工時間仲未知。

第一次失業, 第一次面對別離…失業同失戀似乎真係有共通之處…

始終相處左咁耐, 點都會唔捨得…

被放棄既時候, 難免懷疑自己價值；雖然有信心, 但係始終會感到徬徨…

好好彩, 唔駛一個月就搵倒新工, 亦o係我出發前接獲通知, 令我可以安心去旅行!

o係新既地方, 要重新學習待人接物之道。我唸, 呢樣先係我最需要學習既技能。