肥豬號。微笑。傻笑

今日似乎好開心呢 ^^

Shakey's Pizza Again for 頭頭's Birthday ~

勁呀~ 為左慶祝頭頭(同寶寶)一歲大壽~ 我地一家大細去左大埔中心既shakey's pizza~ 之前新開都黎食過一次lunch~ 上次游完水經過夜晚7點都冇人, 好驚佢執! 執之前一定要黎食一次好勁既龍蝦pizza呀!!!(頭頭流晒口水喇~)

好~首先黎一個凱撒沙律先啦~ daddy前日講起好耐冇食過沙律~就點左呢個加我至愛煙三文魚~:D~~~~~~ 寶寶睇到眼定定呢~ 好味~ ^0^ ($4X+$15)

跟住就到呢個主角出場喇~

2個都流晒口水呢~:D~~~~~~~~

好味呀~ daddy至愛既薄批~ 用嫩好美味既龍蝦~ 生生地既紫洋蔥~ 芝士~ yummy~~~推介呀~^0^ 我同daddy一人3件KO左~($20X)

最後到呢個食過翻尋味既豬肋骨~~~~ 上次lunch已經食過一次~ 冇得彈~個汁勁正! 我食左一件大一件細~ ($58)

多得頭頭帶挈而有得出黎食大餐既大佬B同細佬佬扭扭~XD

等食中既2位壽星與媽媽~^0^

好想影低呢度本MENU~因為D相真係好靚好吸引~~ 樣樣都好想食呀~ 下次生日飯推介黎呢度呢~ 小BLOG聚都可以 ^^

daddy話仔仔(大佬B)生日(730)要搞得再大D XD今次食左龍蝦下次要食鮑魚~~我話食雜菜湯XDDDDDD

楓糖戚風 for 頭頭&寶寶

本來星期日唸住整, 不過執屋執左成日, daddy話等埋佢一齊整 ^0^ 於是去爺爺度食完飯返黎就開工整左呢個蛋糕俾頭頭同寶寶~ ^0^

mammy打蛋白, 打蛋, daddy篩粉, 磅材料~ ^0^

今次直接用楓糖加落去d蛋白度打, 打起黎怪怪的, 於是蛋黃用返砂糖打, 到最後混合時都係怪怪咁, 有d蛋白, 又好似好稀咁…好在最後都焗得好高~不過呢個模個底都係難甩。

放涼甩模之後, 今日放工再煮杰d楓糖淋上面, 又煮d焦糖, 加d朱古力星星同薄荷葉裝飾~ 仲有d核突朱古力字伴碟 ^^"

本來整左個朱古力皇冠仔, 不過2次都斷…算…

食飽飽返黎, daddy本來話俾面頭頭食少少~ 點知食完又添食完又添XD佢話呢個好好味, 比其他戚風好味, 因為夠甜, 就算冇焦糖都夠甜~ 本來佢係唔鍾意就咁食冇CREAM既蛋糕架~:P

我都食左件~ 今日爆晒qouta喇~ 聽日要做2組運動至得喇 ^^"

好難甩既模…

 

寶貝生日

今日係我個寶貝頭頭(大B頭)同寶寶一歲生日^333^

舊年今日o係海洋公園接佢地返黎~自始頭頭就成為一個幸福小寶寶喇~^0^

唔知點解頭頭深得媽媽歡心^0^ 又乖又純品, 蠢蠢地~hehe~ 唔似得哥哥咁招積(daddy話哥哥似mammy~~所以深得daddy歡心^0^ 而頭頭就似daddy~所以mammy咁錫~XD)

頭頭黎左一年只係出過2次街咋~ 第一次去左又一城~第二次就係今晚喇~^0^

本來之前去台灣都有唸過帶佢去架~ 不過DADDY驚我賴低左佢…^^"

除左頭頭之外, 今日亦都係寶寶生日~ 佢係DADDY睇中架~本來都唔覺得D熊貓公仔得意~不過呢隻B特別得意架~ 仲唔係間間SHOP有得賣~ 我地由一邊行返去另一邊先搵倒咋~ ^0^

我地屋企有3人門派~分別係豬~企鵝同熊熊~ 而熊熊係豬同企鵝既朋友~不過企鵝係最得寵既呢~~~ 平時得佢地有街街去架咋~~

呢支特大多多係DADDY買俾頭頭既生日禮物黎架~ 平時哥哥最鍾意飲益多多~ 而佢飲多多既時間最得媽媽歡心~ 因為平時得得戚戚, 飲多多既時候最似BB架~XD 而為左襯返頭頭既身形, 要買返支特大裝先襯 ^0^ 大家都虎視眈眈呢~ XD

唔捱餓！唔過勞！

我既其中兩個好重要既減肥宗旨

唔捱餓!

唔過勞！

＊　　　＊　　　＊　　　＊　　　＊　　　＊　　　＊　　　＊　　　＊

基本上次次減肥都好快, 尤其開頭落磅落得好快, 三圍都修得好快

方法離不開適量運動同注意飲食

運動主要做帶氧, 最方便既有跑步同游水, 有時會o係屋企踩stepper, 每次30-40分鐘, 一星期最少3次, 今次由7月2開始到依家就每日都有運動, 近日加左幾十下situp同拉筋咁。

飲食方面就少食多餐, 早午晚之餘, 餐與餐之間仲會食生果/梳打餅, 總之唔會俾自己見餓, 因為正餐唔似非減肥時期食得好豐富(例如成個飯盒咁, 真係唔駛食tea都唔會餓/唔會口痕), 所以要加2餐小食俾自己~

如果要運動更加會o係運動前後食少少餅, 飲盒鈣思寶或者一塊生命麥包~總之就唔會餓

＊　　　＊　　　＊　　　＊　　　＊　　　＊　　　＊　　　＊　　　＊

依家同前年減肥食既野都差唔多, 早餐主要食麥皮, 上次鍾意用雞粉沖, 依家多數用脫脂奶粉, 上次有時落3湯匙有時落5湯匙, 今次如果朝早晨運前食左野就食3匙, 冇既話就5匙, 另加3匙(奶粉匙)奶粉。

午餐係最豐富既一餐, 會有少少肉, 可能係之前o個晚既送, 或者係肉丸, 餃子咁, 開頭減食多少少唔怕, 可能到後期平台期就要再清少少, 墨丸豬肉丸餃子呢d都唔食得, 不過依家我連腸仔都照食, 其實都係高脂食品。多菜, 可能會有一盒仔菜或者一條青瓜咁, 再加個米粉/河粉/麵/通粉, 全部都係不經油炸, 連河粉都係壽桃牌包裝話冇油既(但係食完個兜都係有少少油…可疑!)。 我食呢d即食粉麵全部都只落粉唔落醬/油, 除左怕肥, 亦覺得好食d。 幾種粉麵入面, 以通粉最飽肚, 有成330kcal; 河/麵就200尾-300頭, 粉絲好似200頭, 不過就最易餓, 米粉好似百尾。 有時可能會帶少少飯咁就唔煮麵。

晚餐多數煲雜菜湯或者烚菜, 專員入黎食就煮碟少油有肉送, 食少少, 多菜。夜晚唔食澱粉質。

小食--早午間多數食生果, 多數係橙/蘋果/梨/火龍果/木瓜(夜晚可能會食西瓜), 放工先運動就會運動前後食麥包/餅, 如果晨運就出發前飲盒大豆膠原蛋白鈣思寶+一包4塊80kcal五穀餅~跟住返工再食麥皮~

＊　　　＊　　　＊　　　＊　　　＊　　　＊　　　＊　　　＊　　　＊

除左唔捱餓之外，運動亦限一日一組帶氧。上星期試過一日裡面又行樓梯(5x層)又跑步或者游水，支力到死，為左唔想過勞，（一組都已經好支力好眼訓）決定限定自己每日只做一組，咁先可以持之以恆。

＊　　　＊　　　＊　　　＊　　　＊　　　＊　　　＊　　　＊　　　＊

唔知係咪游得水多，呢排免費又勁多人游，ｄ水唔多乾淨，覺得皮膚差左，額頭出粒粒。唔鍾意敷mask既我勤力左好多, 呢2個星期已經敷左3次~對上一次已經係幾個月前XD平時一年都係敷2次倒架咋~~

依家游完水一定會帶埋野洗面同搽野先離開泳池~

路邊

下班路上的小花

享受每一天

有時候會想，人生的意義是什麼？是高中課本上那一課？是每天營營役役的工作？是生兒育女供書教學？

今天回家路上，涼風送爽，走在林蔭道上，聽著鋼琴版傷信。

會心微笑

這就是人生的意義

人生苦短，不為甚麼

活在當下

享受每一天 ^~^

＊　　　＊　　　＊　　　＊　　　＊　　　＊　　　＊　　　＊　　　＊

我總是給人很寫意的感覺，最近有人說很羨慕我的工作，其實我認為是人生態度不同，讀書時代已給人很悠閒的感覺，明明我走得那麼急XD 自小媽媽就老說我不知壓力為何物 :P

＊　　　＊　　　＊　　　＊　　　＊　　　＊　　　＊　　　＊　　　＊

今次照片沒有特別處理，反樸歸真　^^

芒果o者喱

屋企仲有2個芒果, 唔食就唔要得~本來想整芒果布甸, 結果整左呢樣比布甸更簡單既芒果jellyXD

落左半包粉(45g) 114g熱水+114g冰(真係極快凝固!!) 仲有2個芒果切粒XD 真係成杯芒果呀~ 整左3杯~ ^0^

甘筍青瓜炒肉片+冬菇苦瓜煮豆腐

買左豬柳, 切片老抽魚露糖粟粉醃好, 易潔鑊加少少水半煎煮, 之後加水, 落青瓜甘筍加蓋煮熟, 乾乾地水時加左D薑酒, 最後加粟粉水埋薄芡(專員鍾意有D汁 ^^)

苦瓜冬菇水煮熟, 細火炆一炆, 收水後加以蠔油鮑魚汁糖同水調好既水煮, 加埋豆腐煮一陣, 最後又係加粟粉水收杰個汁~搞掂~

(今次重手左落左好多鮑魚汁T^T唔清怡喇…)

三絲炒雞柳+白灼唐生菜

水代油炒既

雞先用老抽生抽糖紹酒粟粉略醃, 蟹柳青瓜甘筍切絲, 加水落易潔鑊炒熟, 加三絲同炒即成。

問專員得唔得, 佢話"得呀~" 我話用水炒架~冇油架~^0^

我既主食, 唐生菜~依家要成$6斤!!好貴!!之前買$3/2斤家嘛!!

瘦"身"。眼訓

(攝於尋朝游完早水^^)

次次個身都瘦得好快, 手腳係咪遲D先瘦架…?

今次都唔例外，個身瘦得好快，手腳毫無進展，又話帶氧減脂係減全身既 >_<

＊　　　＊　　　＊　　　＊　　　＊　　　＊　　　＊　　　＊　　　＊

另外近來每次做完運動都好眼訓好支力，尋朝游完早水放工眼訓到返屋企食左Ｄ西瓜上左陣網就訓左，七點幾訓到今朝六點幾起身跑步。

不過訓醒第二朝又回覆精神，直至做完運動…今日十點幾已經開始眼訓… Z.Z

如果放工先運動就夜晚先眼訓

朝早vs黃昏

今朝6點起身, 7點倒去到泳池, 真係比放工多人

(原來6點幾街市係未開檔架*0*)

 

聽講8點好多人上水, 果然要等沖涼, 不過都係等一個, 沖完8點4, o岩o岩好返到公司9點~

攝於游完水上班路上

＊　　　＊　　　＊　　　＊　　　＊　　　＊　　　＊　　　＊　　　＊

 

相比尋日放工放晏左, 5:35先落水, 游到6:15, 過左6點冇咩人, 個池好鬆動, 好好游, 不過就沖唔倒涼喇, 每格都排2個, 醃住返屋企

離開泳池時

 

相比好似放工游舒服d, 返屋企沖都問題不大

最怕麻煩

出黎玩都係求開心JE, 酒逢知己千杯少

其實唔想黎就唔好報名, 最唔鍾意一句" 我都唔想黎架, 都係因為XXX先黎咋~"或者"俾面阿邊個先黎咋"

我希望每個出席既人都係心甘情願咁黎, 開開心心咁走

唔怕人少, 人少都可以好開心, 最緊要每個人都投入參與, 可能有其他原因令你報名, 但係劈頭一句"我都唔想黎架"我就絕對唔歡迎囉。

遲下會再confirm 726blog聚, 我希望confirm得黎既都係真心既朋友

PS 未confirm即係仲有機會考慮, confirm左就唔好改喇, 不過如果有苦衷我都會體諒, 完全自願性質 ^^

 

呢度搞過既大小聚會大大話話都十幾次, 目的好簡單, 只係想一班o岩玩既朋友一齊出黎聚下開心下

最怕麻煩…

減肥7月

我發覺我年年7月都減肥, 前年3月開始不過7月最積極, 舊年就搞左齊齊減肥大行動XD 今年又係7月, 免費游水

渡江泳。水中MP3

頭先o係泳池有人話我游得好快, 叫我參加渡江泳*0*

今日游到第4定第6個時唔記得數…到左第23個時睇下時間好似快左, 就加返2個塘啦,搞到游黎游去都好似21222122咁, 覺得時間過得好慢, 點知去到第26個感覺倒隔離有人同我鬥快, 之後仲轉埋自由式XD 幾好~有人同你差唔多先會游得起勁, 快少少或者慢少少都係~^0^

夠數我就停低拉筋啦, 突然有人同我話"你游得好快喎"
我都唔知點應佢好, 答左佢"係咩?" …"多謝" ^^"
佢話見我游左好多個塘, 我話30個, 佢話30個蛙式都KEEP倒咁既速度
跟住問我有冇參加渡江泳, 話大埔每年9月10月都有, 2千幾人一齊游好開心
問佢游幾遠, 佢話大約2千幾米, 即係四十幾個塘, "你游倒架~"
佢話慢慢游唔緊要, 佢地咁慢都係游個幾鐘游完, 快O個D游自由式三十幾分鐘
(自由式咪支力死@@)
佢叫我上網睇下, 我都有D興趣
阿媽細個都有玩呢D, 係既話就要買O個部水中MP3喇XD
有冇人參加過或者有興趣一齊^0^

speedo 水中mp3 http://hk.f2.page.auctions.yahoo.com/hk/auction/b8323347

以後都唔游夜水

今日洗池, 7:30開, 去到已經排隊排到百幾二百米遠…排左3個字倒先入到去, 泳池門口打晒蛇餅
好似細個返大陸咁…= =
入到去游O個陣好似搏命咁, 唔係你死就我亡…踩倒人好多腳, 又要左閃右避
好喇八個字就走人, 唸住冇咩人啦…點知沖涼一樣FULL晒…好在唔係等左好耐…

總結
以後都唔會游夜水, 最多星期一唔游
O岩O岩先知原來洗池係十點後既事, 暑假可以游早水

幾年冇游過夜水, 今次印象太差…

忍唔住上左磅

仲話一個月/有人話瘦左/條瘦身牛o岩身先磅

唉…
頭先問一向最早發現我瘦左既daddy仔有冇覺得我瘦左, 佢話差唔多…T^T
跟住問我磅數有冇輕到, 我話冇磅呀…都冇瘦到唔磅得
不過唔忿氣, 明明度落係有瘦到, 於是忍唔住上左磅
輕左4磅幾…
要落力d先得!
bmi 20.1

http://www.hk-doctor.com/tool/html/BMI_Calculator.htm BMI計算機

＊　　　＊　　　＊　　　＊　　　＊　　　＊　　　＊　　　＊　　　＊

影左泳衣照，俾一張你地睇下啦ＸＤ

留個紀錄，第時對比返，下個月再影！

換好晒衫準備出門口先黎行雷，停左好耐再打去問都係未開…嗚…

 

朱古力海綿蛋糕(最成功一次)暨焦糖古力雙層mousse cake

今次主要想介紹下個海綿蛋糕底, 係咁多次整朱古力蛋糕底最好既一次~效果同原味差唔多呢 ^0^ 之前整驚可可粉蛋糕都好易沉, 阿sir話可可粉既特性, 今次同低粉一齊篩多幾次, 真係好好多喎 *0* 唔會死實實~!

之後用左黎整呢個蛋糕

上層用左85%黑朱太苦>< 下層係之前都整過俾同事既焦糖mousse, 今次用返白蘭地終於唔會一 陣酒精味喇XD daddy話2層夾埋食冇問題, 我就覺得朱古力太苦>_<

愛心大豆膠原蛋白

早2日睇電視見倒好吸引~ 尋晚daddy就買左1 pack俾我喇~ \^333^/

1X年體重走勢+減肥前2

今日著少Ｄ緊少少影返幅減肥前，其實少少偷步，減左１個星期先影：Ｐ

度左尺寸，依然冇上磅，直至有人話我瘦左或者起碼一個月後，又或者條瘦身牛仔褲合返身先磅～（今朝試過著得落*0* 不過左脾好緊!!= =)

呢張好似影得好瘦XD

對腳真係令人苦惱…就算之前瘦廿磅大小腿都係粗…只係比依家幼半至一寸 T^T

手臂鬆晒… 我以前手臂一向勁粗勁好肉, 前年減肥都冇特登減手臂, 不過就多數俾人話手臂幼, 依家又肥返, 不過未至於打回原形。

呢幅係06年8月5日113.X磅既相, 同依家差十幾磅

＊　　　＊　　　＊　　　＊　　　＊　　　＊　　　＊　　　＊　　　＊

早2日keepfit group o個便有人話中學階段肥左40磅, 我都差唔多! 六年班o個陣157cm, 98磅, 中一160cm已經110磅, 中二164cm125磅, 到左會考165cm倒第一次140!!! 其實期間都有減下, 中二已經開始減, 4日減8磅, 幾年間都係咁上上落落, 之後133試過食藥減到109, 入左ied之後第二次去返140, 跟住yr2病左順便減肥去返131, 緊接住暑假做gym減到118, hall mates話我成個唔同晒, 跟住一路keep住12x, 06年由124去到128又開始減, 點知針磅128原來=電子磅133…4個月減到112, keep左幾個月開始整餅, 早排又去返131.x, 今年減左幾次, 每次都係2星期倒貨仔就放棄左, 今次開始前大約129.x 到正式開始都冇磅過lu~

＊　　　＊　　　＊　　　＊　　　＊　　　＊　　　＊　　　＊　　　＊

今日返8-5, 跟住仲要出去食飯, 冇時間運動, 於是又係行樓梯

55層