同生肖運程同樣~愛情運都係咁好~^0^ 唔同既係~其他野都一樣咁好~\>0</yeahyeahyeah~!
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
巨蟹座
各位巨蟹朋友真係恭喜晒！大吉星木星響０８年會大駕光臨你的伴侶宮，帶來最大的驚喜就係唔結婚都會同居！響０８年，除了５月中至９月中呢段時間會麻麻地之外，全年同情人的關係都甜蜜到痺，最適合結束長跑拉埋天窗，諗諗佢啦！０８年要最要注意的地方，係凶星土星會響你的第3宮出現，受到影響的範圍有：一係同好朋友、兄弟姐妹甚至係左鄰右里好容易發生爭執，口角不過唔會動武，就算係對方唔著都要好好忍讓下；另外一個影響就係容易禍從口出，即刻成日講錯說話！響呢一年都係少說話多做事，座右銘係「多講多錯，唔講錯少ｄ」！基本上，０８年都係平平穩穩冇咩大危機出現！放心啦！
事業運～
０８年事業運平平，故言之冇風浪，不過亦冇乜新突破，較為麻麻的時間會係火星逆行的１月同木星逆行的５月中至９月中，其他日子都冇咩特別事要注意，整體來講，下半年會比上半年優勝！
金錢運～
輪到財運方面，正財同偏財都冇乜大問題，只要響投資時唔好自己衝動行事亂投資，聽下其他人的意見就冇事；唯獨係橫財運就認真麻麻，尤其係１月尾至２月中，好易信錯貼士搭沉船，一係就唔見飛，唔好響呢方有咩寄望啦！
戀愛運～
頭先講，０８年戀愛運好到不得了，拍緊拖的朋友可以拉埋天窗，同honey關係好到痺！至於未有著落的巨蟹人，除了年頭１月冇乜起色之外其他日子只要肯主動出擊，包你一定有收獲！
天蠍座
響０８年大吉星木星會進入你的溝通宮，代表你響呢一年裡面把靠把口都夠晒，最大的得益當然係本身做傳媒工作的天蠍人啦！其次係靠把口搵食的好似保險呀、地產經紀呀、教書呀咁都會有好好的發展！各位天蠍作者，記得加把勁寫多幾本書啦！至於其他唔屬於呢個行業的朋友呢，唔駛愁，其實呢個宮亦都掌管大家的人際關係運，響０８年裡面，同好朋友、同事、隔離鄰舍同你的關係會好好，仲會成為你的貴人添！至於壓力星土星呢，響０８年會停留響你的社交宮，代表你響０８年社交生活會受阻，輕則就係少了同班朋友仔出來聯誼，重則就係去到邊都畀人排斥！響０８年你的主星火星只會響１月逆行，所以其它日子都會順順利利！
事業運～
０８年事業運屬於中上上！無論係落手落腳的工作運，同埋你老細同同事對你的睇法的事業運都好好，唯一麻煩較多的時間係１月，其它日子都冇乜大事件！可以放心去幹！
金錢運～
正財運冇咩有問題，反而畏花ｄ精神響橫財運同偏財運方面：先講橫財運，響１月容易因為自己的衝動而損手，千祈咪貪心！到５月尾至６月中又容易收錯貼士損手，都係果句－千祈咪貪心！至於偏財運呢，響７月至１１月容易因外圍因素而受到影響，小心啦！
戀愛運～
拍緊拖的天蠍人，因為掌管戀愛的主星金星全年冇出現逆行，同情人關係甜蜜，可以互相扶持至於未拍拖的天蠍人，大部分時間的戀愛運都係好好好，唯一要留意的係響７月至１１月期間，好容易因為其他人多事的關係攪衰你的戀情！
EE~~~我係巨蟹坐架喎~~~~
ReplyDelete[版主回覆12/10/2007 22:47:00]恭喜恭喜~你幾時生日呀
e~~~咁老師你几時拉埋天窗啊~~~
ReplyDelete[版主回覆12/11/2007 12:22:00]搵日啦~
=3="我都係一隻蟹黎的XD..
ReplyDelete[版主回覆12/11/2007 12:22:00]恭喜晒~~
我7月份生日架~~~
ReplyDelete仲係牛魔王年出世.....
[版主回覆12/11/2007 22:53:00]你幾多號生日呀?
愛情運好的話係就好嚕 ! 希望快啲搵返個 Mr. Right
ReplyDelete[版主回覆12/11/2007 22:53:00]加油~
蠍,點解冇左我~~雙子座既?
ReplyDelete[版主回覆12/11/2007 22:53:00]你唔發覺呢個POST得天蠍同巨蟹咩?XD
吓~~咁我下年會點呀!大師~~
ReplyDelete[版主回覆12/11/2007 23:15:00]雙子座 ０８年大吉星木星會進入各位雙子人的橫財宮，除了５月中至９月中呢段期間因為逆行之外，全年其他的日子手氣都相當唔錯，而且仲會有好多貴人帶來唔同的好消息畀你，可以話輪住塞錢入你袋！如果之前有人爭你錢未還，記得趁住出年追返ｄ爛債返來！至於大凶星土星響０８年會落在你的家庭宮，最基本帶來的麻煩事就係為你同屋企人的關係帶來負面影響，同屋企人的關係會變得較為緊張，尤其響１月土星又逆行再加埋你粒主星水星都逆行，真係兩個手掌拍拍響，所以要多ｄ忍讓下啦！另外家庭宮亦包括埋住屋，因此連帶０８年置業運都麻麻地，有意買樓賣樓甚至租樓的雙子人都要提高警覺，小心ｄ精靈ｄ，仲有係平日出門口記得閂好門窗，檢查下水喉同爐頭啦！最後各位雙子人的水星０８年會響１月尾至２月中、５月尾至６月中同埋９月尾至１０月中逆行，響呢３段期間心情都會受到影響變得唔多好！ 事業運～大致上08年的事業運都冇咩大災難，最大的影響都係來自大氣候，好似因為天王星響7月頭至11月會響你的事業宮度逆行，任職的公司會出現大規模的改變，對你或多或少都會造成影響，避都避唔到；至於工作運呢，就冇乜大問題，可以放心繼續努力啦！ 金錢運～講到財運，正財收入大致上冇乜事項要注意，反而係投資運同埋橫財運就要留意！首先係投資方面，因為水星會響９月尾至１０月中響你的投資宮逆行，好易因為訊息出錯而招致損失，記得要多ｄ留意簽署文件又或者利用互聯網時要加倍留神啦！至於橫財運呢，本來有吉星木星照住會好運到爆，不過響５月中至９月中會木星會逆行，所以小心會成一場歡喜一場空呀！ 戀愛運～浪開心過渡；單身的朋友都會有情緣出現，不過咪開心得滯，事關響９月尾至１０月中，你自己的主星水星會響戀愛宮逆行，好易因為言語發生誤會，一係就表錯情攪到好瘀，一就講錯說話攪衰單萌芽中的戀情，提防啦！
ths master scorpion.
ReplyDelete[版主回覆12/12/2007 01:10:00]XD
恭喜你地~~SWEETSWEET
ReplyDelete我托到福有得睇巨蟹座，hehehe
唯一要留意的係響７月至１１月期間，好容易因為其他人多事的關係攪衰你的戀情！
ReplyDelete~~千祈唔好有衰人啊................
[版主回覆02/20/2008 13:52:00]^^ 多謝你呀