咖哩雞

之前食過阿媽既咖哩雞出奇地好味~ 阿媽又拎左條香茅俾我~於是尋晚試下整~

好似冇阿媽煮得咁好味…:<

跟住包咖哩粉上既說明, 加左香茅, 洋蔥, 辣椒, 椰漿, 薑同咖哩粉, 落左D雞粉同糖調味, 問過阿媽話佢冇落糖不過就落左魚露, 我又落返D, 仲加左好多香茅粉

煎煎雞脾肉同雞胸肉, 再煎煎薯仔, 之後用壓力煲炆左幾個字, 幾水下, 用D汁煮淋茄子, 再撈埋一齊就上檯

落左4件雞扒, 一包雞柳, 3個薯仔, 2條茄子…都咪話唔多:P 除左呢度之外仲有一盒留起左。

食評：落左2條辣椒仔覺得太辣撈起左, 最後食又好似唔夠辣…一.一　專員問點解冇汁… 我好似次次煮咖哩都冇汁…有汁又太稀… 下次加少少生粉水先:P