教職員XMAS PARTY食物

大致上準備好聽日PARTY既食物喇~ 好多好多野想整~ 結果同計劃一樣整左4樣~ 不過依家焗緊既既6寸戚風冇盒裝= =

 

放學返黎第一樣整既當然係STOLLEN－－第二次整，加左乾果之後好濕就造形入爐，結果表面好多氣孔又扁達達…　掃唔倒牛油要焗焗下先掃，表皮好似略厚

跟住就整mousse cake－－開頭唸住整雙層，一層白朱古力一層士多啤梨，不過唸唸下又好似白色靚ｄ唔整士多啤梨啦，點知ｄ白朱溶唔倒，好杰…掉左…想整原味，加左ｄ奶粉…整整下又加左ｄ新鮮士多啤梨醬同街買既紅桑子醬，亂咁黎…＝＝d mousse有士多啤梨肉, 又杰又唔滑= =

再黎樹頭蛋糕－－尋晚整左條朱古力士多啤梨夾心卷, 今日上埋脆皮朱古力同裝飾就完成~

最黎整埋a moon既xmas chiffon~ 依家放涼緊, 搞左6個鐘…

 

後記：

今日第一時間試食自己d野先~ 果然係個mousse cake唔係好得…仲以為太多魚膠粉, 點知唔多實淨…好樣衰, 食落都麻麻地, 不過有幾個同事讚呢個蛋糕= =其他反而冇咩人講起

stollen同chiffon好多人以為一樣…

樹頭蛋糕外表最吸引, 所以多人要

最後剩左幾片chiffon同一片stollen

其他：

除左自己整o個d, 當然要試下同事d野食啦~ 除左我之外仲有一個ny cheese cake, 幾好味 不過面頭冇我至愛既sour cream >< 都好快沽清~ 想整但未整過既芝麻卷, 同事囡囡主力, 芝麻磨粉整既菲林卷,不得不提既有印尼千層糕!!! 好食過我上次上堂學既十倍!!軟架~ 質感好似普通蛋糕咁~ 十個勁! 仲有佢既黃薑炒飯同咖哩都好有專業水準! 不過我最鍾意既係手撕雞!!!!! 食到唔停得口! 另外仲有宮保雞丁, 齋, 芒果布甸, 壽司同埋一d特色印度食品~ 樣樣都好味~

到會方面食左元綠同元氣壽司各一件, 仲有沙律, 麻麻地…其餘仲有好多野我都冇咩興趣, 都係同事整o個d好食好多!!