幸福vs減肥

原來幸福既女人，係唔需要減肥架。

一向認為，如果一個女仔二百幾磅，都識倒男朋友，o個個男人一定好愛佢！眼見都唔少呢ｄ例子。

 

一個女人好肥好肥，佢老公好瘦（好多時都係咁），恩恩愛愛，好錫佢，相識時已經係咁肥。

另一個識佢男友時好肥，依家減左好多，男友叫佢唔駛減，一樣咁錫佢。

一個肥妹仔（唔係好肥）男友唔俾佢減，怕佢辛苦。

一個肥肥地又唔係好肥，但你唔會覺得佢係靚女ｏ個種，同男友拍左都有十年喇，對方又係好瘦，個女仔一直俾人佔上風既感覺。

 

其實眼緣都幾緊要，好多時話如果你肥左一樣咁愛你，但係識你時如果你已經二百幾磅未必會對你有興趣（同整容或是甩頭髮一樣道理，不過呢種情況似乎係女對男多…）但如果個男人識你時已經係咁肥而又愛上你，咁佢可能真係好愛好愛你，至少愛既更多係內在而唔只於外表（唔排除有人係偏好肥美型既…）。

06年最積極既一次減肥過程中出過一篇文章係講男友唔鍾意我減肥（當時減到瘦依家十幾廿磅），就算依家肥返咁多佢都覺得幾好丫。好耐之前問過佢如果我肥到欣宜咁佢會點，佢第一次答我陪我減，第二次答：「你都唔會，你咁貪靚」XD

如果識你時已經肥，耐左嫌棄，咁根本呢Ｄ都唔算得上係咩幸福。

當然唔係話幸福既女人就可以放肆，只要同相識時差距不遠，根本唔需要刻意減肥。