婚檢+打針

尋日發生左幾個第一次!

第一次做婚檢(應該唔會有第二次XD)亦係第一次檢身

第一次驗尿...
好哩hea…我地聽倒要留尿2個O係度對望, 一齊話冇貨XD勁灌水XDDDDDDDDD

第一次做抹片檢查
一去到第一件事就做抹片, 男友就去左抽血
第一次O係陌生人面前除褲…原來超薄抹片係咁既…
上次婚展JOIN O個陣個男友話超薄冇咁痛, 不過個姑娘就話過程一樣, 係之後既化驗過程唔同, 超薄會準D咁, 不過今次幫我CHECK既資深護士就話係冇咁痛既, 不過我都覺得有D痛喎…比起之後既抽血同打針都係呢下最痛呢

第一次打流感針
一向覺得打左都係會感冒, 今次係送既就打啦~
姑娘話打完要飲多d水, 唔係可能會有少少流感病癥, 不過我冇咩反應, 都有飲水不過比平時少(出左街)但係冇任何不適

第一次打子宮頸癌針
右手打完流感針, 跟住就到左手打子宮頸癌針, 其實唔知有幾有用, 同事姑姐做護士話冇用, 不過又冇副作用, 我地就覺得最緊要冇害, 有冇用都係其次
今次揀左卉妍康, 其實一早都係鍾意呢隻多d, 椰菜花o個d都只係性病唔會死人, 都係專注d防癌緊要d
聽講打完會好痺, 又可能會發燒等, 我就冇咩不適, 係尋晚右上臂唔係好發倒力

第二次抽血
姑娘問我有大抽過血, 捐血就捐過4次(n年前…), 抽血都係第二次
中學時有人黎學校幫我地抽血驗地中海貧血, 所以我一早已經知自己冇, 今次其實可以join平plan($680)不過都係check多次穩陣d於是join左$1280個plan

依家等報告, 大約一星期反可以睇報告, 不過男友想等埋第二針先一次過返去唔駛去多次喎, 但係我有d心急喎…

另外發覺今次冇同我地量血壓同check色盲色弱呢~~
仲有營養咨詢都冇呢~下次問返先~
仲有仲有XD 今次度左高~~ 甚少機會正式度高, 今次想個相信係比較準, 167cm, 即係同我報fancl個身高一樣~而唔係165定168咁喇~~

感受
同之前o係jm中得返黎既資料一樣, 呢度既姑娘好好, 好nice好溫柔~^^ 我地揀野都係以服務行先, 由影相既masalili, 化妝既samantha, 到今次婚檢既毅力都係~果然冇揀錯~