STATION3睇場

尋晚除左去迎囍之外, 其實之前約左2位同樣會o係219到masalili影相既blog友去cafe睇場。
原定去tst既three on the bunch既, 不過俾人包左場, 結果去左2nd choice 位於旺角既station3。
去之前再睇返近幾個月既開飯食評好似差左, 主要係話迫, 冇其他選擇之下都係去睇下啦, 唔試過唔知既~

6點幾上到去已經有一班人玩緊, 估唔到之後咁full, 成個場都有成4x人!

地方比之前睇既POM II大, 而且好多大窗好開揚, 日頭應該幾光猛。白色SOFA幾新淨, 睇落比3 ON THE BUNCH好坐。數過坐60人唔算太迫, 當然都唔會好闊落。"老細"話會幫我地排過sofa圍大圈中間放野食, 但係我地想像唔倒圍圈可以坐倒60人@@佢又冇sample相我地睇。

鍾意呢度有projector, 仲有2部電視, 仲有無線咪, karaoke, wii可以用。間隔肆肆正正, 但係想像我件魚尾婚紗o係度行又好似有d窄…

食物方面會不定期轉menu, 今期有意式芝士焗肉醬意粉, 芝士焗火腿吞拿魚長通粉, 西班牙鴨胸燴飯, 什果沙律, 瑞士香草雞翼, 香辣炸薯角, 香脆咖哩角, 日式炸餃子, 朱古力焦糖多士。
任飲方面有巨峰提子乳酸, 菠蘿橙汁,, 荔枝特飲, 金桔青檸, 青芒特飲(睇落幾吸引!)

呢個mune xmas dinner價錢$120@ , 6月tea time預平少少, 由$6x-$100不等, 可以俾個budget佢幫我唸。

時間為2-6pm, 可以預幾個字時間俾我地佈置, 可自備幾盤食物。