家人食飯vs擺酒

一早決定唔擺酒, 搞搞下同擺酒好似冇咩分別, 只係唔請自己朋友…
重申一次唔擺酒原因:
1. 唔想人地破費送禮, 如果擺酒,就算你請明唔改做禮人地都唔好意思;
2. 唔想搞俾面派對, 請o個個驚請漏唔俾面, 黎o個個唔好意思唔黎…最後只係益左間酒樓…
如果唔擺酒都要5圍, 咁不如擺酒啦, 只差在請埋自己朋友…將cafe d賓客group埋夜晚。

原本今晚約左2位jm去心水cafe睇場兼試食, 點知俾人包左場, 想搵後補都唔知邊間好...早book又驚佢執...分2場又要趕頭趕命, 2-6去cafe, 夜晚最早7點去酒樓, 如果只係家人食飯其實ok, 食餐飯咪2個鐘, 依家咁又搞到11點…之前又要早d去敬茶影相…

之前唸過如果擺酒我好想去大舞台, 個場好靚, 衫可以著返之前影相買落o個d, 攝影攝錄book左, 化妝可以upgrade pkg大約加4k, 不過就算擺酒我地人數都唔會多, 男家照舊5圍, 女家最多1圍, 朋友大約5圍, 共11圍, 價錢大約66000。減原定cafe約12000+食飯約25000, 大約俾多3萬再加tips唔知要俾幾多, 不過只係酒樓俾少份cafe…而且有人情收返。時間上會鬆動d, 朝早註冊完可以去影下相再去酒樓, 再唔係俾多少少下晝註冊仲可以訓晏d:p。如果o係呢個場擺我唸老豆都ok, 又近男家港島區親友。

如果係擺就係時候要book喇…唔擺就可以1月/3月先book酒樓cafe, 好煩, 點好點好。

作為一位來賓, 你會想去cafe定去飲呢?


o岩o岩同男友商量, 佢比我更堅持唔擺酒! 原先唸住打去大舞臺問下, 依家可以慳返!
最新發展係佢同未來老爺講只係請食團年飯o個d親戚+堂姑姐, 大約3, 4圍, 咁就可以照我地原定計劃進行。