上星期氣管炎, 轉左醫生換左藥終於冇咁辛苦。斷西藥o個晚煲左鱷魚肉湯, 好多朋友推介, 對氣管好, 即管試下。
同事叫我試左蛤x湯先…太肉酸…唔敢試 >.<
去公司附近藥房買, 連藥材包$120劑…好貴…=0=
買多夠豬展返屋企就煲, 好好味喎~~ 醫師叫我6碗水煲埋2碗! 咪超濃? 我煲左一煲好好飲再翻煲都好濃! 一粒鹽都冇落已經好好味~ 不過略嫌桂圓甜左d
第二晚買多舊肉, 加d桂圓淮山又煲多煲, 食得既渣都食埋~ 依家放工終於唔駛等車可以行山路返屋企喇~ ^0^
2星期冇運動…希望下星期可以開始返啦^0^
依家剩返d痰, 飲緊橙樹清痰, 又係好好味XD
前日業主俾左2兩鱷魚肉我, 多過上次買既材料包入面既鱷魚肉好多>< 佢話特價只係50蚊咋!!
打算買D川貝, 海底椰煲, 大家知唔知大約幾錢呀? 費事俾人搵笨:P
川貝在中藥材店買要成80 ~ 140 兩不等, 如果在海味店買, 會平D架.....海味店即係賣冬菇, 海味果D......
ReplyDelete[版主回覆10/24/2009 10:41:00]哇~真係好貴~ 等我去問下先^^
咁你覺得我煲湯120蚊貴唔貴呢?有冇俾人搵笨? 不過我唔知有D咩材料…見倒就有淮山杞子川貝桂圓仲有D唔知咩參同2款黑色既藥材, 一軟一硬…其餘o個d唔識形容喇…都幾多野, 不過鱷魚肉唔多, 川貝應該都唔多
川貝最少要買幾多架?一次用幾多?
唔該晒你呀 ^0^ 咁快覆我真係好^0^
包埋鱷魚肉$120在藥材舖都唔算貴, 如果你自己煲, 基本上用無花果/桂圓 淮山,杞子, 川貝, 果皮(一個)清潤的東西 都OK架喇, 因為最有功效係D鱷魚肉MA. 川貝我就一兩 <分2次(病癒)> <分3次(保健)> 在海味舖$3X ~ $80兩都有交易. 上次在海味舖, 佢仲教我分真假添.......如果好似意米咁有條坑, 就唔係靚及可能假, 如果在條坑度有一粒野(好似米咁)可以搣出來, 果D就係最靚&真. 唔使客氣, 好多時我 XO冬天就會氣管炎(因為佢抽煙呀) 看幾次醫生都唔好, 我就會煲比佢飲架啦.
ReplyDelete[版主回覆10/24/2009 11:21:00]睇下搵唔搵倒識呢D既同事陪我去買先~
佢係軟定硬架?今次都有D煲完好似薏米咁既野…
海味鋪真係平好多喎!!
係呢氣管炎係咪好難清架…? 我想希望可以跑步呀, 早幾日行路都氣喘…
未煲之前係硬, 煲左係會軟的, 唔使擔心....... 有鱷魚肉湯幫助, 我諗再多一個星期就會好, 千萬不要吃橙及凍野喎 祝你早日康復
ReplyDelete[版主回覆10/24/2009 11:48:00]冇食喇唔敢喇^^" 不過仲有食甜野…可能咁未清倒d痰:p
多謝你呀^0^
要快d好番呀
ReplyDelete[版主回覆10/24/2009 11:50:00]多謝你呀 ^^
祝你早日康復,身體健康
ReplyDelete[版主回覆10/25/2009 14:42:00]多謝你^^
橙樹真係清到痰架咩?我清極都清唔到-_-"要飲幾多包先見效呀?
ReplyDelete[版主回覆10/25/2009 14:42:00]d人話得架
我飲左2日
未清晒, 不過透氣情況好左
叻喎!識煲鱷魚肉...
ReplyDelete[版主回覆10/25/2009 22:33:00]聽講對氣管好, 去藥房執左個湯包就返黎煲喇^^"
鱷魚肉應該係好貴 o架，寧願俾貴錢買正貨都好過平少少買假 嘢啦！聽講醫哮喘好得 o添呀！ 川貝， 諗起都苦到喊！
ReplyDelete小心身體呀！祝妳早日康復。
[版主回覆10/28/2009 15:29:00]問題係佢鱷魚肉只係$45, 湯包入面既份量仲唔知有冇$45咁多, 所以驚俾人厄
川貝苦架? 不過煲湯好好飲啊^0^
好似真係幾好, 我依家好返晒喇^0^
我記得細個果陣時，媽咪都有燉過川貝俾我食，即使落埋蜜糖都苦到反胃呀！
ReplyDelete