買婚紗

擁有婚紗？
話說我從來冇唸過我可以買屬於自己既婚紗, 因為我一直以為婚紗係要十萬八萬一件…= =

直至舊年有朋友話我知佢o係婚紗展買左8件婚紗晚裝!!@@ 我先知原來婚紗都唔係咁貴…

初遇SF
跟住上網搵資料, 首先發現既就係satis factory! 當時仲未知咩係vintage 婚紗, 睇見有人買左件6千幾既婚紗就覺得好平! (比起十萬…XD)後來先知朋友o個8件大約都係1k@

北上造/買婚紗
然後今年新年有同學o係半島擺酒, 佢件婚紗係o係廣州造既, 帶圖俾上面師傅造, 睇過相幾ok啊, 都係千幾蚊~ 於是我就打算北上喇! 不過未減肥, 所以遲遲未起行, 安排左十月生日上去~開始積極減肥(冇錯! 其實我2月已經開始減:p 不過中間好hea, 由o個時起計已經減左15磅:p)後來唸唸下訂造可能要上去幾次, 如果有現成買左即改等2個鐘有得拎都唔錯~

THE ONE!&第一件EG~
到左8月有jm o係mee-wedding買左件婚紗! 仲係我鍾意o個款!!於是佢第二日就帶左我上去~ 買左1wg1eg :p (去之前其實冇唸過會買…因為係我第一次睇婚紗第一次試婚紗…不過實在太抵…尤其件eg…wg又幾可愛喎…咁就買左我既the one:p

但係著黎著去都覺得似大肚裙…於是又心思思想搵下有冇d修身d既wg, 所以都係唸住上廣州行一轉唔係唔心息^^"

第一件VINTAGE GOWN
尋日睇blog, 又俾cheerie毒左, 上網買左一件vintage eg :p 之前都只係搵過vintage wg, 上星期亦同同事上過sf, 唸住試下自己o岩唔o岩呢種style, 買唔倒影張相都好丫, 點知摸門釘…無獨有偶, 咁又俾我遇倒一件平靚正vintage eg, 而且eg似乎俾米白wg 易carry少少, 希望快d收倒貨, 更加希望著得好睇啦><

依家繼續積極修身!! 準備月尾北上!!! 不過未唸定要a line定直身好!

題外話：
唔好見我冇打減肥日記以為我已經放棄, 其實放棄左1, 2星期之後依家已經重新振作喇XD 下星期去飲係第一個挑戰~跟住月尾試衫都希望可以瘦D, 十月/十一月去奇華特唔想俾蔡太寸又要fit D, 到11月尾又要影相喇~ 所以呢段時間絕對唔可以好似之前咁發放縱架!!加油加油!!.\/.