工聯月餅班（附食譜）

今日上左今期第一堂烹飪班, 其實亦係我第一次o係工聯學整野食~之前只係學過畫畫, 打鼓, yoga同樂理之類。

雖然材料已經事先準備好, 只係略略搓餅皮, 不過阿sir就教左好多技巧, 例如蓮茸包蛋黃, 皮包餡, 皮餡比例, 焗o個陣幾時同點解掃蛋液, 幾時出爐, 用咩火等~

仲加送冰皮月餅示範, 餅皮即造即試食, 同埋一人一個迷你冰皮帶返屋企~

我仲問左好多問題, 除左有關月餅, 仲問左搓麵包係咪最多搓十五分鐘啦~中西包時間上係咪有分別啦~要包酥油黎褶同就咁用牛油粒黎褶既酥皮有咩分別之類~阿sir都好樂意解答~ 我一來要等d餅凍, 二來有野想問, 結果全場最遲一個學生走 ^^"

原來阿sir都有o係nv教麵包班, 可惜就唔o岩時間…唔係我都想跟佢學, 佢聽見我「哎呀」就話冇所謂, 邊個教都一樣, 唔知觀塘邊個教呢? 唔知阿sir點呢~?

整左2個雙黃白蓮茸月餅

4個半黃白蓮茸迷你月餅

幾塊小餅(本來係吸魚魚, 不過頭幾個吸完d魚鱗塞滿晒餅皮…)

另外有件幾不幸既事…係某位同學既不幸…同時更加係阿sir既不幸…

有一位同學既餅皮焗唔上色(上圖淺色o個d), 阿sir一睇就知係落少左梘水, (焗之前都覺佢好淺色 因為大o個2個排我隔離所以留意倒, 以為我搓得差所以唔白) 唔知係助手阿姐預備定係阿sir自己預備, 總之都係無心之失, 阿sir話可以換佢整o個幾個, 不過俾著係我就唔換, 話晒都係自己整, 都幾特別丫:p 不過o個位同學相信都會幾唔開心…尤其是如果係第一次出黎學整野食既話打擊好大…

總括而言, 今堂上得好開心~期待下星期既麵包班同西餅班 ^^ (不過上烹飪班難免會食多左= =)

食評：阿sir既棗蓉冰皮月餅好好食呀~>0<~

食譜－－(約4個大月餅份, 今次整左2大4小)

餅皮材料：低粉100g、糖漿75g、花生油22g、麻油5g、梘水2g、乳化劑1g(作用是不需等1日才能包、防腐、回油由十天減至三天)

餡材料：鹹蛋黃6隻、白蓮茸650g、米酒適量(噴黃蛋用)

做法：
1. 糖漿、花生油、麻油、梘水、乳化劑一同攪拌均勻(至奶白色，可用打蛋器＋攪麵棍)。加入篩好的低粉，用摺疊法搓勻，靜置20分鐘，分每粒15克。
2. 鹹蛋黃去蛋白放烤盤上，噴上米酒(或玫瑰露酒)焗3-5分鐘(阿sir話180'C焗10分鐘)，冷卻後一開二。
3. 白蓮茸搓勻，分每粒50g、包入鹹蛋黃，餅皮壓薄，包入蓮茸餡，收緊口。撲手粉碌碌餅皮，在月餅模上壓緊，在桌面敲兩三下，取出月餅生胚。放烤盤上輕輕噴水，180'C入爐，下層用錫紙包鐵架隔火（不能只開上火，效果不一樣）焗至微黃，掃一層蛋液，再焗至金黃院。冷卻。月餅經三天回油即可食用。