蒸三色蛋

其實好耐好耐以前, o岩o岩開始學煮飯o個陣就收集左呢個譜，不過一直未整過～今晚冇咩想整，不如試下呢味～買幾隻咸蛋皮蛋就可以開工～

睇左幾個譜，我跟呢個係咁既～

做法：首先將鹹蛋皮蛋各１隻烚熟切粒，打２隻蛋調味，將３種蛋倒入已鋪保鮮紙既方形耐熱器皿中小火蒸熟，放涼切片即成。

我好慣性地加左１份水去發蛋…驚切唔倒又矮身，於是又加多２隻蛋。調味方面落左紹酒、雞粉同少少糖，最後加左少少生粉水。

結果大家見倒呢幅相其實個心唔熟…但個邊已經有少少發脹…咁應該點呀…？

另外有ｄ譜就教唔駛烚左先，鹹蛋黃＋皮蛋切粒，鹹蛋白就同雞蛋一齊發，唔駛落鹽調味。不過要烚呢個譜就話驚皮蛋係溏心切o個陣唔美觀，所以烚一烚。

食評：幾得意～不過因為唔熟翻叮既關係質感當然唔多好：ｐ