麵包初班I~鹹方包、芝麻包、蒜蓉包

今晚終於上左第一堂麵包班, 好難搓…比平時O係屋企更難…

今堂學左：
搓包
1. 搓包時用腰力少用手腕力。
2. 搓包最好少於20分鐘, 否則太乾, 加水都冇用(但之前月餅堂阿sir就話機搓就唔好多過15分鐘, 手搓就耐d都唔怕)。
3. 鹽最後落, 唔係太早出根個包會太硬, 平時我只係最後落油, 其餘材料都係一次過落。
4. 躂粉既作用係睇下筋性出左未。

造形
5. 倒轉方包模睇下底下2個小孔有冇俾麵包填滿, 填滿左即係發得夠, 可以焗喇。
6. 芝麻卷碌尖一邊先擀薄成三角形, 都要擀得幾薄先捲。

7. 學左單手同雙手搓圓麵糰既手勢。

8. 褶豬仔包造形。

發酵
9. 包保鮮紙發酵時, 放杯熱水o係旁邊(唔係放o係同一張保鮮紙入面)我一路以為係放o係同一張保鮮紙下先有用, 不過我冬天通常放蒸籠發。
10. 新鮮酵母就算培養埋其他菌都唔怕, 焗爐高溫夠殺菌, 不過阿sir話新鮮酵母唔係好食d。
11. 阿SIR話方包發酵得夠唔夠就睇模底3個窿窿填滿未, 見倒3點白色粉糰就即係發得夠~

造形後剛入模

餡料
12. 蒜茸焗完變青一係因為用機攪過, 一係有生水, 所以都係手切好~

13. 學識用蒜頭、牛油、pizza芝士、麵包糠、雞粉、芝士粉整蒜蓉醬~不過唔同出面, 真係有一粒粒蒜頭既~試過就咁食d未加芝士既蒜蓉牛油粒都好好味~不過生蒜好辣:p

鋪蒜蓉牛油芝士餡

另外：
1. o個度都幾凍, 唸住整麵包既地方應該唔會凍得去邊, 估唔到男同學都凍到嗌救命, 好在我有帶外套。(唔知會唔會係難搓既原因之一)。
2. 阿sir用既酵母同我係同一牌子~法國燕子牌~
3. 阿sir又請我地食冰皮月餅~我食左2個迷你, 一個蓮蓉一個綠豆茸, 不過豆蓉唔夠滑, 蓮蓉好食d。個皮就好好食~佢話係自己溝粉既~

4. 阿sir話整包可以減肥XD
5. 男同學搓包果然好D。
6. 有個方包發完爆開左, 俾阿sir話呢個就係唔聽佢講自己創造既後果…幾驚係我…我用左褶法, 其實佢都有教, 就係好似豬仔包咁褶完之後放入模, 我以為我唔記得開口向下…@@ 好在…原來隔離o個個先係我既~~

7. 芝麻鹹卷係阿sir整既…反而amy o個個先係我整XD

我次次都卷得比較長…2邊又唔尖…
8. 整號角包同牛油千層o個個星期應該返唔倒…好似好好玩…
9. 今次自己只係搓左方包, 其餘係阿sir幫我地搓, 佢話第一堂唔想花咁多時間搓包, 其實我個方包都未搓滑就夠鐘…
10. 阿sir請食超軟熟大方包
11. 我係13號~

駛唔駛咁o岩…相no.都係13號呀~*0*

阿sir用左我個包包做甩模示範

食評
蒜茸包同芝麻包都俾我落堂後行去搭車時ＫＯ左～新鮮熱辣好美味~不過芝麻都係冇超群咁香
方包今日食左, 真係好白~~比之前用麵包機整既無糖無油法包更淡@@

點解人地D centre一人有2個蒜茸包同芝麻卷…我地得一個架…><