西餅實習班(六)II~棋盤蛋糕+果仁朱古力

尋日練習左一次第一堂學既野, 今日上堂就可以問阿SIR喇

第一堂回顧

虎皮痴底--因為未涼透

虎皮唔現--阿sir叫我焗完戚風之後等一陣先焗虎皮, 等個爐熱d先<<我自己就估會唔會要5隻蛋黃先現, 最多之後再片開2片, 不過阿SIR話唔關事

忌廉餡起粒粒--加入奶時要用打蛋器快手攪勻, 唔係熟左就會起粒粒(唸起當年整蘿蔔糕…XD)

第二堂

好喇言歸正傳~ 今日先黎一個棋盤蛋糕~

呢個係阿SIR整俾我地試食既

同上堂一樣2人一組, 今次4組整朱古力蛋糕, 4組整清蛋糕~我O個組整清蛋糕~ 第一次整到咁多窿窿…阿SIR話攪粉可以攪耐D喎…= =太鬆散… 朱古力係另一組同學做既~綿密好多~

用紙畫圖則, 度好每個圈既闊度, 用圓規畫好, 沿邊cut, 中間唔好cut斷。

蛋糕切走表皮, 一開三, 再將紙樣放o係蛋糕片上, 一片一片用cutter cut開一圈圈, 再組合。

每層蛋糕之間抹甜忌廉

面層刎cream

放上格仔紙模, 篩上可可粉即成棋盤蛋糕喇~~(我呢個睇怕係全場最樣衰…張紙離開餅面篩…又篩咩左…= =灰…)

阿SIR話：其中一隻色既蛋糕可用mousse代替~

好快玩完呢個蛋糕, 之後整左

果仁朱古力

假力座溶, 杏仁片100'c焗15分鐘, 撈勻, 筆起一堆堆放於牛油紙上, 座溶白朱古力, o即出花紋, 最後綴上少許金箔~搞掂~!^0^ (呢個係示範多, 我只係筆左幾堆朱古力, 同埋o即左一舊白朱古力~跟住就o即唔出喇XDDDDD)

阿SIR話一般超市買O個D朱古力(即係平時食O個D要調溫, 假力就唔駛。我問佢煮食用同超市售即食有咩分別, 佢話冇分別。問佢係咪即食O個D加左D咩唔可以加熱, 佢都話唔係。

朱古力調溫

將一半朱古力座熱水加熱至50'C, 離火, 加入其餘朱古力, 攪拌降至32'C即可。

每人分倒一個4寸蛋糕同3粒朱古力~