炒粒粒(西芹雞柳龍利柳)

變種自西芹炒雞柳, 加入原想唸住豉汁蒸, 後來發覺原來得好少既龍利柳同炒。

做法：
1. 雞柳、龍利柳解凍抹乾切粒，龍利柳以古月粉略醃，雞粒與魚粒一同以老抽生抽紹酒粟粉麻油略醃；
2. 西芹切粒飛水（我冇飛到結果同Ｄ肉一齊煮左好鬼耐＝＝）；
3. 炒雞粒及魚粒，加入西芹粒同炒，以少許雞粉調味，（如西芹冇飛水可加水加蓋焗一陣）熟透即可上碟。

食評：龍利柳好食過雞柳，一來為左減肥用左雞柳棄用雞脾肉已經冇咁滑，二來為左等Ｄ西芥淋Ｄ，Ｄ雞煮耐左…下次可能以龍利柳為主。其實我覺得炒龍利柳幾好食架～鍾意炒多過煎，試過蒸都係麻麻，蒸都係新鮮魚好Ｄ（不過鱈魚蒸都唔錯）。