看鋪狗狗

(轉貼相片)

大埔墟牛肉包隔離有檔報紙檔成日有隻大狗o係度看鋪!好搞笑XD 我第一次見倒都不禁回頭望多望, 後面2個師奶話「哎呀好叻呀隻狗, 識看鋪喎!*0*」
XDDDD
O岩O岩話俾同事聽佢都話佢要去睇, 好似人咁坐O係度擺左2隻手O係D雜誌上面四圍看XDDDD

大埔group d人話佢叫"o者o厘仔"XD

有人行埋去會吠, 叫佢主人埋黎XDDDD

好有型!

鮮果酥盒+葡撻

圓形係鍾sir教既, 最大o個個造型我想整好耐架喇, 之前睇麵包食譜見倒咁樣整酥皮麵包已經想試, 今次終於有機會, 平時我都好少整酥皮, 肥死:p

學左葡撻底要捲起再切片, 好似整中式酥餅咁; 之前都有聽同學講過, 但就第一次整。面頭火農火農係唔駛用火燒架, 只要焗o個陣用240度就得(平時d蛋撻用210)。

其實仲有杏仁條, 不過可能我d比同學薄, 火農晒唔post相喇~之前o係屋企都整過~

Panna Cotta

專員特別encore既意大利香草奶凍 ^^ 係之前整香芒杯既4倍份量~ 好似牛奶糖味~ ^^ 快靚正~(唔計雪XD)

Mango Delight

好耐冇整過甜品喇(唔計蛋糕)

見小魚整左而我又有呢本食譜, 咁o岩放工買左芒果, 又有cream就試下~

奶用左奶粉開, 冇落杏仁酒, 魚膠粉由於整得少求其落, 可能落唔夠又趕, 未雪硬就落上一層搞到唔靚…

專員: 三層都咁好味

不過特別encore左底層奶凍~^^~

[ 7007 ] 麵包製作精選實習(特別)班

[ 7007 ]

麵包製作精選實習(特別)班

本課程為一實習課程，由導師講解及示範，學員隨即在 堂上進行實習，並可親嚐自己的製成品。     教授的麵包款式包括：黑麥煙肉大蔥麵包、健康燕麥樹 枝麵包、日本黑糖紅豆蕃薯麵包、朱古力蛋糕豆沙方形麵包、 麻薯芝麻方包、麻薯丸子黑豆麵包、朱古力皮咖啡大理石麵 包、法式層酥麵包、杏仁糖糕果子麵包、意大利批薩、麵條、 蒜味蕃茄醬、羅勒松子香草醬、玉桂提子大圈包、炸蘋果麵 包或炸蘋果圈、牛油綠茶奶酥包、法式牛角仔餐包、意大利 薩莫蓮拿合桃雞湯包、鮮香草煙肉麵包、金沙芝士藍莓麵包、 芥味菠菜腸仔麵包等。   入學資格：曾修讀本中心『麵包製作精選實習中班』或             或具同等水平之人士   課    程：全期10課，每課3小時30分   費    用：全期1290元(包括實習材料費) 課程編號   開課日期           上課時間 NV77007    4月27日逢星期日    下午2:15-5:45

http://www.hkftustsc.org/course4/p01.htm

上期都想報, 今期又係得大埔一班, 時間晏左, 好唔好報呢? 不過唔減肥又唔係好想食包…減肥又唔係好o岩食包…點好呢?好耐冇整包包喇…我驚到時懶得去…:<唸清楚先!

交換MSN

邊位有MSN, 我未ADD你, 而又有興趣交換既請私人回覆 ^^ THX

優子姓名學

內在想法

*有自我個性，喜歡獨樹一格、與眾不同的 <<<以前強烈D
*交際手脕非常好，個性活躍，是個公關型高手
*對於有興趣的事很有研究精神 <<<冇錯!
*口才很好，說得話常常讓人覺得很有道理 <<<都係XD
*思緒常常用跳的，讓人搞不懂你在想什麼 <<唔知係咪我get倒既意思, 我係轉得好快, 轉左去好遠, 不過我唔知人地跟唔跟倒

外在行為

*不按牌裡出牌，經常令人跌破眼鏡
*相當調皮、可愛，常常是團體中的開心果
*相當具有同情心，是個性情中人
*比較愛享受，非常善待自己 <<<冇錯
*疑心病有點重，對於親蜜的人更是懷疑東懷疑西

你地認為呢?

 

另：感情分析(唔多準喎…)

*在男生群中很吃得開，常常是爭相追求的對象
*對於才華洋溢或工作專業能力強的男孩子特別欣賞
感情磁場上很容易遇到有錢的對象，有機會嫁入豪門
*在感情未穩定前不可輕易結婚，否則很容易變心 <<<廢話…
*對感情不會太執著，也很看得開，所以波折也比較少

Ugly Chocolate Cake for Kocat(食譜加入)

壽星指定既"唔靚既朱古力蛋糕"

本來唸住整香橙芝士餅, 不過壽星想食呢個~仲簡單d

不過唔夠白糖= = 轉左10g黃糖先醒起可以轉糖霜~

食譜：（六寸）
材料：
黑朱古力113g, 無鹽牛油56g, 蛋黃50g, 糖22g, 鹽0.5g, 蛋白75g, 砂糖53g

做法：
1. 牛油紙包好蛋糕模, 預熱焗爐190度備用；
2. 座溶淡牛油和朱古力拌勻；
3. 蛋黃混和23g糖及鹽，打起至淺黃色忌廉狀；
4. 將朱古力漿倒入蛋黃漿拌勻；
5. 蛋白+53g糖打至硬性發泡：
6. 以拌切法分3次把蛋白加入朱古力中攪勻成朱古力蛋糕漿(可先用手動打蛋器拌勻，最後用刮刀拌勻；
7. 把蛋糕漿倒入餅模中抹平，175'C焗35-40分鐘，取出放涼（不用倒扣）。（即使插入竹籤發覺有少許濕也不要緊。）

由於沒有麵粉作承托，蛋糕中央下陷，表面裂開屬正常現象。據聞還要修腰呢～！^^

Truffle Cake for 小飛飛

第一個過盤時跌左T口T…好在整多左tuffle, 又焗緊蛋糕底, 仲有淋面剩…喇喇聲整過>_< 遲大到!!仲要daddy幫手送貨 >0<

迷你版for daddy仔 ^^

扭扭新衫衫

有袖既衫仔@哈爾濱黎既細佬佬-扭扭B \^0^/

三兄弟著惶溫暖牌大合照 ^0^

又黎手工蛋卷

用返之前個譜, 不過今次全部材料一齊用電動打蛋器打勻, 條邊有少少蜂巢, 不過整體黎講都係平滑蛋卷…

今晚合力泡製蛋卷~

已經係第四盒喇~ 今次用好細好細火, 幾十秒煎一條~

唔火農得黎又脆 ^皿^

 

0223~二月之星BLOG聚

打邊爐--靚仔推介沙角村大排檔
地點：馬鐵沙田圍站等
時間：7:00pm

1. 蠍
2. 高小魚 
3. 米卡路 
4.  小飛飛+3
8. sweet Irene 
9.  catfood.com 
10. martinmak睿:[音:銳]
11. 小刁愛煮 
12. 丁屎 
13. 卓卓

CONFIRM的會加上

狗形蛋糕

以為係7寸大…帶左個8寸盒去…點知原來用平時一樣大…搞到個碟o係剎車時撞左埋一邊= =睇住佢成個patpat跌左落黎…嗚… 本來唸住係個頭跌, 都好彩…

同學話你個盒透明, 睇住佢跌落黎咪好傷心囉! 睇住佢個patpat撞跌o個一刻, 真係=口=|||

男友話因為我今日打左肥豬patpat, 所以狗狗甩左個patpat…異口同聲: 「好在你(我)冇打佢個頭咋!」XDDDD, 報應呀…><

回程途中已經o係車上撞甩左條尾同patpat><嗚…顧得個頭黎顧唔倒後面 T^T

就係預左會甩, 所以上堂已經影定相XD 下面2幅有尾尾既就係上堂影~

 

俾我會由尾尾開始食返上頭, 不過尋日男友一黎就要食佢鼻鼻, 冇左個鼻見倒入面層海綿蛋糕XD我勁笑XDDDD一路嗌「好慘呀XDDDDDDDD」「但係你好開心喎XD」跟住第二口我就食面面, 哎呀~~~「好慘呀XDDDDDDDDDDD」

可愛

http://www.spca.org.hk/upload/dog_screenclean.swf 狗仔幫你清潔隻 Mon 

http://www.spca.org.hk/upload/cat_screenclean.swf 貓貓幫妳抹 Mon

手工蛋卷

我好鍾意食既~~

原來一d都唔簡單, 要試好多次

尋日整左2轉, 第2轉好左好多喇, 今日食都仲脆, 唔可以太細火, 唔係唔脆, 太大火又易火農…

唔駛用易潔模都唔駛掃油架~ d蛋漿本身有嘛~

我的名人相似圖片

The 5th St. Valentine&#39;s Day

難忘那六個字　難忘的旅程　難忘的禮物

感謝你為我做的一切, 對我無微不至的照顧

我愛你 ^3^

昨天做的，希望你喜歡 ^^"

到附近的泰菜晚膳，步行只需五分鐘 ^^ 不加價也不用等位^0^
幾乎每次都會點的泰式海鮮、吃過1, 2次的香葉炒飯、椰汁青咖哩牛腩、第一次點的椰汁西蘭花~最後來一杯三色冰^0^ 四送一湯~滿足又寫意。

出發前焗出朱古力蛋糕, 回家剛好出爐 ^0^

我們的第五個情人節 ^3^

St. Valentine&#39;s Cake(附食譜)

前晚先返香港, 尋日執野洗衫同整禮物, 冇煮到大餐^^"

出門口前整左個簡單朱古力蛋糕, o岩晒唔鍾意有生果o係蛋糕既佢^-^

今次一邊有腰一邊冇, 唔知同心型有冇關係呢?

入左爐就出門口去附近一間泰國餐廳食野, 返黎o岩o岩好食得^0^

朱古力113g+牛油5xg座溶, 蛋白3隻+糖約52g打起, 蛋黃3隻+約22g糖打至忌廉狀, 蛋黃加入朱古力及牛油溶液中拌勻, 分次以切拌法拌入蛋白, 倒入面鋪牛油紙的蛋糕模中, 175'C焗45分鐘即成。

年初七@蝦r邊

終於要返香港喇…嗚…再見喇哈爾濱~~再見喇假期~~>3<

check out時o係酒店大堂影既哈爾濱日報

呢日搭3:20分飛機飛深圳, 上網查過先知原來要o係瀋陽落一落機, 成9點45先到深圳@@

哈爾濱候機室

扭扭在機場

恨左好耐既皇冠 ^^ 尋晚臨訓既驚喜 ^.^ 攝於哈爾濱機場

扭扭在飛機上

呢程機係3程裡面最貴, 之前深圳飛北京都係8xx, 北京飛哈爾濱只係6xx, 而呢次哈爾濱飛深圳要成2xxx! 不過搭既就係最細最嘈既機…仲有班好嘈既東莞團遊客…領隊上唔倒車上機, call爆佢電話…領隊話: 我要等所有人(團友)上晒機先可以行嘛!!

扭扭在瀋陽

再黎唔好睇不過都幾好食既飛機餐

呢個係所謂既魚肉…原來係魚蛋…見去程食左牛, 回程就試下魚, 估唔到d魚蛋又幾好食喎*0*

食飽飽仲有咁多時間, 訓唔倒咁多, 於是把握時間打blog :p 雖然冇得上網, 不過day3同一半day5既遊記都係呢段時間打架^^

去到深圳機場堂哥黎接機, 送左我地去落馬州

第一次去呢度…黎到10:40…原來已經冇火車…又冇旅遊巴返大埔…好在等到11點就有的士入, 仲有小巴, 我地問過大約100左右就打的返黎, 好支力喇…:p 旅行搭慣長途的士去機場, 今次都唔爭在啦~:p 的士大佬都有問過我地行條可能會貴少少不過快d既路好冇, 結果冇收到我地行李費~大約113埋單~

就咁~完成晒今次既旅程lu~ ^0^

年初六@蝦r邊

今日係O係哈爾濱既最後一日, 由於治安唔好, 附近除左個教堂又冇咩俄羅斯特色, 所以今日都冇咩特別地方去。

再去多次哈爾濱最有特色既聖索菲亞大教堂~大家覺唔覺我帶左幾件羽絨呢XD呢件最大件最厚, 原本係DADDY仔著架(但其實本身又係我個喎XD)不過佢黎左咁多日都冇著過羽絨, 所以我就著埋佢唔好SIDE XD

搬家

黎左5日, 2間酒店都冇浴缸好失落, 之前仲特登出九龍塘揀左好耐買左幾包泡泡浴…DADDY就唸倒一個節目~就係去搵一浴缸!XD
佢尋晚沖完涼出黎提出呢個鬼主意~哈哈, 食完晚後就去左中央大街頭既Holiday Inn問,問得好清楚係可以泡澡既浴缸!6xx蚊晚~考慮左一晚,決定最後一日既活動係--「搬家」!第一間就有!!真係好!^0^

daddy話6xx蚊當浸個溫泉,恨左2年既我其實尋晚個心已經有一半飛左過去XD
今日訓醒, 喇喇臨執野搬家~出去食完野就去CHECK IN~之後行返過去搬行李 ^0^

老上號

去返第一日黎到既第一間「老上號」!一來D野都幾好食又平, 二來睇落比較乾淨, 於是再黎一次~

食飽飽之後返左酒店浸"溫泉"^0^~~終於一嘗素願~~ 之後出左去行中央大街,買下手信,不過已經入黑:P去左好多旅遊書都有介紹既華梅西餐廳食飯~

路上時常有街頭煙花~見唔見倒呀~?

華梅西餐廳

好鬼多人, 等左都有半個鐘, 不過服務冇書講到咁差, 仲主動搬我地移檯。不過野食就一般, 其實我只係見佢出名先去試下, 又冇咩地方去咁, DADDY就估佢質素同佢鋪頭樓下間「俄羅斯餐廳」差唔多, 結果一如所料 ^^ 佢話個羊肉好味~我就覺得D蝦唔錯 ^^ 牛扒就…好似飯盒O個質素…

環境方面, 我地坐地下O個層冇咩特別, 但原來上面幾華麗

不過就得樓下有卡位~
飽飽之後先買倒最後既手信(另一套套娃)跟住就返歸LU~ 返去休息下又浸"溫泉":P

黎左幾日都冇食到咩特色野, 好似唔知去邊度搵好, 又冇北京感覺咁安全, 可能一黎到就差D"賴"野…
冇雪既哈爾濱冇咩特色, 只有有雪既部分先好玩~所以O係松花江玩冰最開心~O係太陽島最靚~ 極地館睇企鵝最得意~ 兆麒公園睇冰燈冰雕最新奇 ^0^
不過短期內都唔會再黎喇~

出年要去一個熱D既地方~出門口前唔駛再係咁著係咁著, 返到酒店唔駛再除除除除除:P
返到黎香港o係街唔再覺得凍, 不過o係室內就好唔慣冇暖氣><

day7仲有少少野講既~請密切期待 ^^