年初一@卑煎

差唔多2年冇去過旅行喇~ 今日大年初一, 一早就出門口~

行程
6:30起身
7:50出門口
8:30去到羅湖
9:00倒去到科學館站, 華聯大廈搭機場巴330, 40分鐘以內就到寶安機場
check-in完之後去kcf食左個早餐, 食左香港冇既鱈魚包同魚堡~

等到11:20先入閘上機

11:50起機, 經歷唔倒呢一刻, 因為我已經訓著左XD係咪好得人驚呢XDDDD
12點幾食飛機餐, 唔好睇佢咁既樣, 又幾好食喎, 不過個包未食

2:30倒到北京, 一落機就感受倒呢邊既天氣~ daddy係安心晒~之前一路驚唔凍~~點知到左夜晚凍到呢~~

3:30羅齊野上3號車出北京站
4:10倒就到, 跟住唸住打的返酒店, 點知個司機話前面轉個彎就到, 行左一段時間又問下人終於黎到~
5點幾6點就出去行夜市, 王府井大街同商場~行到8點幾返酒店

酒店
酒店check-in最騎哩…姐姐仔未見過回鄉證…daddy仔o個本好快搞掂…我本舊野佢唔識…我話同o個張卡一樣, 佢仲問我有冇o個張…之前仲問我點解冇今次入境既蓋印…= =

最失望既事出現喇… 入到房…呢度又冇浴缸>口< 我尋日仲特登放工出又一城買泡泡浴嘛!!!

普通話讀音
打去服務台問又唔識讀個缸字…讀左jiang1>< 依家知道係gang1喇…講開讀錯野…機場問點去王府井, 個姐姐仔讀jian3, 咁我又跟佢讀啦之後問路, 點知聽倒d人同廣播好似讀jing3…跟住睇路牌真係jing3 仲有o係商場買甜筒, 佢叫蛋卷, 我讀左第4聲…原來係第3聲…丫仲有o係小食街買爆肚, 我讀du4, 但聽倒老細讀du3喎, 究竟點讀呢~ 真係學倒好多野…咁疼皮特別記得…

王府井大街
放低行李之後, 去左半街之隔既王府井大街行~ 第一站去左王府井小食街, 幾條短街組成, 主要賣串燒、爆肚、炸醬麵、仲有香港瀨尿牛丸。近街口既串燒要5蚊串, 最入2檔只需1蚊, 我地先後食左羊肉牛肉里脊肉雞心魷魚($3)餐肉腸各一串~ 好味, 不過全部醃料一樣XD 仲食左呢度既聞香豆腐, 鹹魚味

, $4/4件仔都唔平,

最好味係入面o個檔土耳其羊肉餅, 好多人買, 出面o個檔冷清好多, $5件。食左少少之後就去左東華門夜市, 呢度再食爆肚, 好多檔都有賣, 我地揀左檔$10碗既, 辣到食唔出原味…其實應該係羊柏葉黎, 爐打滾($5)同艾窩窩($5)都係呢度既特色野, 糯米茲咁, 冇餡既地方冇味, 勁飽肚…山東煎餅好多芽菜, daddy仔唔鍾意, 俾晒我食XD 夾饃好味, 個包脆脆地, 有D肉土耳其羊肉餅, 都係大約$5; 狗不理包子, $8/5個, 細細個幾好味~梨茶, $5大大杯, 味道一般, 康師傅珍珠奶茶$6, 稀得黎又唔淡既, 味道OK, 但珍硃好pat…唔得!

另外仲去左行食品店, 2間都係入到去對住門口既唔係食品…有套娃、萬花筒、可用2萬次既火柴XD幾得意, 入面仲有D一包包有獨立包裝擺明係做手信既地道野食, 例如一包仔入面有3粒既冰糖胡蘆XD 幾想買~ 暫時買左D野飲, 其中一支山楂汁, 蓋用錫紙包住, 住唔到入面係要用罐頭刀開既…= =依家冇得飲… 仲買左幾包返大陸必買既可比克薯片~最初係EDISON做代言人, 我地叫佢陳冠希薯片, 點知之後轉左周杰倫, 直至依家~ 買左未試過既雞味同牛味~仲買左之前見YAMAHA推介既荔枝味同芒果味薯片~呵呵呵~^0^

最後行東方新天地O個陣買左蛋卷~其實即係軟雪糕, 不過個樣好可愛架~ 終於感受倒零度以下食雪糕既滋味~ 又唔係真係太凍~可能O岩O岩O係暖氣地方出黎~

O係天主教東堂影相時最凍, daddy都要o係教堂門口搵個角度加衣~!! 經濟今晚之後, 知道聽日要點著喇~~

8點幾返到黎攤透下就敷mask~ 今日塊面痛左成日…其實我未黎已經爆擦…好在之前買定幾包mask上黎做咋~~用開既olay total effect又用晒, 想轉又唔知轉邊隻好, 呢隻已經用左幾年, 一直都係用佢, 幾好又驚轉第二隻唔得… 結果上到黎都係去屈記買左, 平過香港成50蚊! 同埋呢便d屈臣氏多野賣好多!! olay仲有沐浴露~~好多我未見過既野, 明明香港都有呢d牌子, 但就冇呢d款~

(以上係A430既相, D5D o個d仲未過機)

打左成2個鐘blog, daddy訓到豬咁XD 今晚都係唔出去早D訓喇XD