12月之星@寶哥味館

今個月開始由公開blog聚轉左私下約食飯~人冇舊年咁多, 不過又比早幾個月多返d, 熟d玩得放d, 作為搞手要顧慮既野亦少左, 輕鬆左 ^^

我個口…含住舊食物…= =

好耐冇出黎既阿茵同米卡路今次再次出席, 仲有只有星期日先出席倒既王子~

決定星期日搞真係為左就你架王子~XD以後都唔知幾時先有機會再搞星期日聚, 本來都考慮過14號, 不過就返阿茵考試, 加上舊年都係28號, 咁就揀返28號啦~ 多謝米生漏夜返澳門都黎食飯~仲有小刁病左唔食得都送伴手禮黎~仲有媽媽既韓國手信~差D漏左AMY姐既豆沙餅同UNCLE既風鈴~~~

有阿茵O係度既BLOG聚真係多好多歡樂, 簡單黎講係癲好多~

今晚連媽媽都玩埋(家嫂)一份~~XD UNCLE遲大到, 原來係為左執相~ 不過有手信俾我算你啦XD

佢地呢家人真係充滿歡樂…睇下家嫂幾動人~~~

幾位冇禮物既生日之星真係唔好意思~丁屎份禮物實在太易買喇XD冇收埋野O係你地個袋係咪好失望呢XD第日再見倒我O個陣又摷下, 可能有驚喜架XDDDDDD

米卡路每次出黎都坐到咁遠~冇機會同你講野XD今年又冇影合照喇~記住你爭我一餐呀

呢個時間王子已經先行一步趕下場喇~~影唔倒相呀~~~

估唔估倒佢地D手指扮緊咩…

切蛋糕喇~

今次用左原味戚風做底, 唔好浪費左d蛋黃。中間切開左三層搽左cream, 不過切開o個陣先知原來咁薄:p

上次試左和牛, 今次試下黑豚肉, 本來呢幾日食得咁肥膩想嗌海鮮, 不過丁屎又話麻麻, 所以轉左黑豚。長條形o個d好乾, 大薄片呢隻最好食。試左魚湯底, 食唔出咩味, 都係上次個海底椰正~