新年小目標回顧

08年就黎過, 記起自己1月4日定左3個目標, 唸黎唸去都爭一個, 原來係早訓…:P

到底今年成績如何呢?

1. 早訓

一時時啦, 有時10點幾11點就訓, 有時又2點幾先訓, 不過總括黎講少左2點幾訓, 尤其近排12點幾已經好眼訓就走去訓, 而且少左整包餅, 唔駛等出爐隨時訓得。

2. 減返十磅(先), 著返舊年條瘦身牛牛 (其實…我冇話幾時開始喎…都未決定…只係今年既小目標JE~ 唸住搵一個月黎減呢十磅, 不過仲未唸定幾時開始, 話晒都係冬天)

暑假曾經著得返, 睇相都覺得有D瘦, 不過磅數又實在只係差幾磅, 自從8月PK之後又肥返, 依家又要減…曾經重過又輕過, 依家打回原形…

3. 盡整TONY WONG食譜中既蛋糕

只係整返之前整過既UGLY CHO, TRUFFLE CAKE, 3月整過AMERICAN CHEESE CAKE, 跟住好似都冇跟佢整過喇:P 其實整體都整少左蛋糕, 就算整都係整返之前整過既多…其他食譜都少整左, 今年學人整下手作, 暑假又學人種野, 少左整野食。

出年有咩目標呢?

1. 減肥(都係o個十磅啦:p)

呢樣真係唔講得少, 點解我暑假會減倒呢~?話說有次去泳池見倒個女人著左件橙色BIKINI著得好好睇, 就激起左我既決心~雖然野食係好吸引, 對於我咁為食既人黎講, 食野真係好幸福~之但係如果肥到褲都唔o岩著既地步, 實在不得不犧牲一下, 挽回一d自信…:p而減完之後一定要keep住, 一個月減返一個星期咁。

2. 健康生活--運動+早訓

除左為左減肥之外, 開始覺得keep住一星期3, 4日運動對健康有益都係重要既, 其實我向來都唔係熱愛運動既人, 唔減肥都唔願郁:p 依家唸住減唔減肥節唔節食都好, 運動都要盡量做。

早訓唔駛解釋啦~

3. 未唸倒