結婚4個多月了, 外表有明顯變化, 看得出的幸福…><
大家都說婚後發福很正常, 鬆懈了, 不需要再KEEP了, 也是幸福的表現…
其實我知道自己一向易肥易瘦, 不減就會肥…
自婚前2星期開始便沒有再減, 我一向為食又大食, (減肥期間卻可以吃得很少)所以上落20磅是等閒事…
4個多月已經復胖13磅…怎麼搞的…之前一直是在8-10磅, 最近在澳門酒店上磅13磅了…十級可怕…>_<
最最可怕的是…我不知怎樣健康地減…由14歲開始減肥, 年資已有十多年, 一直以為自己少食多餐, 清淡飲食, 適量運動減得很健康, 可是近年每次減肥便很容易病, 經期又亂…但只要停止減肥便又回復正常, 你說怎麼辦…?
對於想生龍仔的我實在不減胡亂減肥…
朋友說生完再減, 或者餵哺母乳會令我自然瘦, 不過4個月已經十幾磅…2年後會是何境地呢…><
由於我的特殊體質, 我家的內外上下衣服均有不同尺寸=.= 早幾個月買的褲已經不敢試上身了…婚前買的旗袍連想都不敢想…(當時已是剛剛好)蜜月時已胖了不少, 因此那時候買的背心, 一次也沒有穿過…嗚…我不要這樣…
愛美又貪吃，只有勤做運動了。可是上個月太忙，新工作放工回家已經晚上七時，比從前晚了兩個小時…天已黑了…又要買送煮飯，出去跑步會不會太危險？游水又太冷，stepper又好像太沒效果，不過無論如何也不可以再讓情況惡化下去！
現在拍照都看到自己臉圓圓…才剛踏入秋天…
:(
可以想像，將來懷有寶寶，我一定是一個胖媽媽…
生完先再減啦, 到時湊仔辛苦又一定會瘦架~
ReplyDelete[版主回覆11/02/2010 13:53:00]我好驚變肥師奶呀~~~依家已經肥左13磅...唔係一個小數目啊…
ME2~ME2=...=''
ReplyDelete我結完婚之後真係肥左好多....加上返工又係坐係到...搞到個肚腩好鬼大.....
我日日都同自己講我要減肥啦~可惜邊食邊講減肥呢=...=
唉~~~~~~~~~~~~~
[版主回覆11/02/2010 13:53:00]我尋日先去左買零食…=.=
不過你本身都高~望落去都唔會太肥...我就,......
ReplyDelete[版主回覆11/02/2010 15:38:00]對手粗到呢…
我去完台中影相番來才一個星期，都己經重了8磅呀
ReplyDelete[版主回覆11/02/2010 15:38:00]@@ 咁快!
我都係喇 , 而家比朋友笑 “ 一見你倆個就知你地幸福滿瀉喇 !”
ReplyDelete[版主回覆11/02/2010 16:08:00]咁誇張~係咪唔係指身形呀~~
梗係講我地的身形 “ 發福 ” 唔少喇 !
ReplyDelete所以我已經立心 “ 幸福依舊但要食得健康 ”
[版主回覆11/02/2010 16:20:00]你有冇上磅呀?
我依家冇咩做一路食零食…救命呀…都係飲多d水啦…不過已經飲左接近2L
你有無睇我剛去飲D相, 我都超橫呀而家...打橫發展... actually都好似好一排無見你post近照呢!!
ReplyDelete[版主回覆11/02/2010 16:40:00]做咩個個都咁講XD
其實我生日都影左好多相架, 不過仲O係度機度
依家上唔倒FB拎唔倒相呀…我FB有放相架^^
我想瘦身但唔要瘦面
ReplyDelete[版主回覆11/02/2010 17:08:00]我度度都要瘦呀…
睇你FACEBOOK既相又唔覺你肥左好多喎!! 肥左少少就有喇~~~
ReplyDelete相信每個婚後女人都會咁la......唔會變肥師奶既...肥少少幸福d 咁嘛!!
[版主回覆11/02/2010 18:02:00]我生日O個日HIGHTEA影左張超肥手臂相要執完先敢POST…T.T
不過我想要減得適可而止，始終生BB，我地本身的質地好重要~
ReplyDelete[版主回覆11/02/2010 19:41:00]係呀所以依家只有愈來愈肥…
你都唔算肥...
ReplyDelete[版主回覆11/03/2010 01:41:00]比上次見你又肥左喇…
我聽d朋友講, 生完BB係一個好机會俾你瘦身, 如果坐月坐得好, 之後收身會快d, 人都會精神d, 我有d朋友生完BB收身後, 重"正"過做女個時...Don't worry !
ReplyDelete[版主回覆11/03/2010 09:18:00]但係阿媽話坐月好易肥…>< 都唔知點為之坐得好
你有無試過唐xx 個宇宙飲食法? 都OK ga.
ReplyDelete[版主回覆11/03/2010 09:18:00]十年前試過, 不過我覺得同食少D冇咩分別, 如果跟得足又好難, 冇咩野係淨蛋白質/淨澱粉
我30號係澳門見到你ar~~^^
ReplyDelete[版主回覆11/03/2010 09:54:00]係!!? 咁你都認得?? 你去影相定玩呀?
我都好大鑊..唔夠2個月都肥咗6磅...硬係冇以前咁的起心肝減...
ReplyDelete[版主回覆11/03/2010 13:44:00]6磅好快減返啦~~13磅啊我~~嗚…結婚O個陣已經唔係最FIT…依家仲愈來愈肥又唔敢亂減…:(
見你FB果張相都唔覺你肥左呀, 唔好咁緊張啦~ Relex ~~
ReplyDelete[版主回覆11/03/2010 13:44:00]我冇緊張呀…仲係咁食添=.= 數字上確確實實係肥左13磅呀>0<
我都係！！！ 體重係人生高峰呀～～ 老公日日都話我食好多野！！好慘呀～ 咁肚餓咪食野 lor.... 有咩問題 wor... 再咁食法，我老公唔要我喇～
ReplyDelete[版主回覆11/03/2010 15:06:00]我唔餓都搵野食=0= 老公成日問我會唔會食左佢…不過我婚前已經係咁XD一唔減肥就勁食…><
但係老公又叫我唔好減喎~~有時見我夜晚嗌飽都問我係咪減肥, 好似要偷偷地減咁…XD
我想食少D零食, 減得健康D, 不過最大問題係我一向覺得自己減得好健康, 但都好似唔係咁既…
我婚後都肥咗好多... 肥到一個我唔敢再焗麵包焗蛋糕的地步. 真係一月到九月都無焗過... 係 J 好想食咖哩包所以我近兩個星期又再焗嘢. 不過我只係敢食少少. 如果想生仔真係唔好胡亂減肥啊. (反正懷孕的十個月都會肥, 生完先減啦~)
ReplyDelete[版主回覆11/03/2010 16:50:00]其實搓包會瘦手臂喎~~我都唸住得閒搓包減減佢XD 最緊要唔好食…XD 老公都話佢鍾意食包XD叫我整~~
我最弊係~唔整…都食…XDDDD
呢排又成日食馬卡龍…幾乎每一爐都要試…>0<
嗚…我屋企本身已經有唔同SIZE既衫褲, 我唔想要再買D再大件D架~~!
哈~我都係.肥左好多.
ReplyDelete不過我今個月14號仲要擺酒,我都無減,仲肥左
我諗我地既老公都希望我地開心健康.而吾係著重外表
[版主回覆11/05/2010 10:34:00]係…不過我自己其實好介意…><
佢話唔明點解D人肥會冇自信…我話, 核突囉><
~我都開始暴食喇~點算~見到野食真係忍吾到呀........想KEEP 但~又比藉口自己....
ReplyDelete[版主回覆11/06/2010 01:11:00]放肆一排先啦XD