師奶仔生活

分享下我既師奶仔生活

尋日講過放工去買定幾日送, 講下我尋日買左d咩啦~

肉: 免治豬肉1pack, 急凍雞柳一大袋, 急凍雞下脾3隻, 急凍春雞一隻, 急凍梅頭豬扒1pack

菜: 番茄幾個, 翠玉瓜2條, 雞脾菇一隻, 唐生菜一兜, 小棠菜一兜, 勝瓜幾條

尋晚煮左: 蠔油雞脾菇翠瓜炒雞柳、台式肉燥飯、灼唐生菜、白飯

老公返黎時我仲煮緊肉燥飯, 於是叫佢幫手烚菜~

今晚仲有肉燥剩, 原先打算煮番茄洋蔥豬扒, 豆腐小棠菜湯, 煎龍利柳, 再醃定隻雞聽晚焗, 但剩左肉燥, 可能唔煮豬扒住, 放返上凍櫃先。

買定左既急凍肉類可以早一晚放落下格解凍, 或者早2日解凍再早一晚醃, 好似春雞呢d。

聽晚就可以整埋隻春雞, 炒勝瓜, 睇下豬扒仲整唔整, 或者可能今晚唔煮魚住, 煮左豬扒先, 咁就唔駛聽晚咁多肉, 但係今晚就會變左2碟豬。

 

尋晚煮既時候忽然決定o係雞柳中加入翠玉瓜, 原來買定幾日送都幾好, 多d配搭:p

今晚可能要去買豆腐蒜頭, 不過開始病, 睇下有冇精神先…