及時。壓力

話說上星期開始病, 到依家都未好返晒, 呢幾日都係痰多間中咳下咁, 尋晚唔理咁多去左打邊邊~(開心開心)~^0^

十一月好清閒, 唸住可以跑下步減下肥, 點知又病左, 上樓梯都索氣, 平時都行慢左, 點跑…

十二月有5日要交貨, 主要係macaron, 都有d chiffon連cupcakes, 蛋糕還好, 一整大數量既馬卡龍, 壓力又出現… ^^"  今次一星期內要整二百幾個, 另加蛋糕cupcake, 壓力不比300個馬卡龍o個次小:p希望今次順順利利~天氣涼d乾爽d應該會順利d, 可惜上次買爐不成…唔係就可以同個又大火力又均勻既爐拍住上~ 不過, 依家都可以同KA拍住檔先~^^ 遲下返貨一定要買埋佢!! 相信速度高左, 我壓力會冇咁大~^^

今次個病真係黎得合時, 自從上年打左流感針後一直冇病, 結婚冇病, 失業冇病, 蜜月冇病, 返新工冇病, 趕工冇病~終於黎到清閒既日子先病, 都算好彩~雖然冇時間做運動, 但都好感恩^^

清閒既11月雖然病左冇做運動, 但就煮多左好多餐晚飯~

媽媽返左大陸, 婚後四個半月正式接管返個廚房~(阿媽o係度人就懶, 唔駛唸食咩你話幾好~:p)呢個月煮左好多餐~ 影左相, 但連過機既時間都冇, 過左機, 又冇時間執, 又冇時間post:p太多相要放~搵日一次過post返晒先~

依家好得7788, 係時間安排下下個月既工作日程, 要好好分配時間, 不過老公12月又要食返飯盒喇…同埋要做返洗碗部總管…真係辛苦晒…><

聽日book左去九龍酒店食tea buffet, 係婚前買洗頭水送既coupon, 同事食過話好得, 生日因為睇小豬食唔成自助山~ 上星期去大飽口福又晏左冇咩食, 希望聽日唔好令我失望~

後日約左一班jm BBQ~ 聖誕又買左飛去迪迪尼~(我地2個都從未去過!)之後食多餐自助餐XD唸起都興奮~!

因此

12月要努力工作! 加油加油!!.\/.