係咪整定我得一部爐用呀…嗚…
同上次部忠臣牌一樣, 上發熱線唔著…2部同樣係用左大約3年半壞, 其實以我用爐既程度都唔算快。
仲記得上次係焗焗下曲奇, 今次係焗焗下cupcake…
話說我有2部土豆35L, 新o個部係6月同事送, 早排入左廠, 最近先返, 但就太熱我仲未好控制倒…舊塏焗馬卡龍好好多, 點知咁就壞左… 嗚…
焗焗下發覺個爐溫計點解比個爐掣熱, 平時呢個爐冇咁熱架嘛, 跟住見倒下火好紅, 上發熱線就冇咩火, d cupcake又唔係好對路…於是試下淨開上火, 爐溫計真係愈來愈低溫…得返幾十度…但我已經開刑250度…唉…又要買過…
原本打算買ka架嘛…依家又要搵爐…
想換過部至少一樣大, 火力均勻d既, 最好可以同時焗幾層野。唔通真係要類似入牆式o個d先滿足倒我要求? 朋友介紹左部6k, 不過冇殼既(即係入牆), 可以放倒4個6寸蛋糕, 可以同時焗2層, 每日開6-8個鐘3點都未壞。而另外一部係vanlili同仙姐用既gierre, 佢買時5700, 之後已經加到6500…23'x21.5'23', 好大! 最多仲可以分6層焗!可以用時焗6層馬卡龍真係好吸引…咁我就唔駛分幾日每日焗幾個鐘…>< 但真係好貴…如果2樣買晒要成萬蚊…點好呢!? 心郁郁…
另一gierre blogger網上用家意見唔多, 因為好少人屋企會擺部咁大既非入牆式焗爐, 不過vanlily同仙姐既意見令我好有信心。另外皇子都推介呢款！
有blogger話保用3個月, 問過人話應該有一年，仲上門整！(實在太重)
我覺得我買既機會都幾大, 問題係好唔好同埋ka一齊買呢?一齊買唔知會唔會r倒少少折頭, 同埋可以一次過送貨, 2樣野對我整大份量既食物都會幫助好大, 但係一次過放血又好傷…一係買左焗爐先, 遲下再買ka, 但咁又要再推遲, 已經拖左幾年都未買…
「KitchenAid 貴, 但都貴唔過一部手機」頭先睇blog睇倒既, 又係喎…雖然我都唔會買咁貴既手機~ 但係我又唸「焗爐貴, 都貴唔過一部相機」大家買相機咁捨得, 咁有用既野係咪更值得買呢:P
我最近都買左部 gierre , 4層是o.k.既 , 可以焗cookie 用, 因為每層距離唔大, 如果 6層, 可能會好迫
ReplyDelete我試過可以同時放 2個 20cm chiffon cake 模 或者 3-4 個 17cm 模, 但未焗過, 唔知火力夠唔夠
至於 KA, 我覺得無 kenwood 咁夠力， 做蛋糕， ｃｏｏｋｉｅ 還可以， 搓麵包就可能唔夠力， 我都有ｄ後悔為左貪靚買左部黃色， 終於又係用番部 Kenwood .
[版主回覆11/09/2010 13:07:00]KA係咪買5L?
KENWOOD係咪貴過KA?
其實我少搓包, 主要用黎整大份量既蛋糕/曲奇
你覺得GIEERE好唔好用呀? 有咩優缺點?網上好少用家評語呢~~ 點解你會揀佢既呢?
我都見過仙姐用果部焗爐，比相像中細。其實妳成日要焗爐用，真係唔怕 "dum" 本買部好 啲，唔駛好似依家咁焗到中途先 嚟出事。 至於 KA，唔係真係好急趕 嘅咪遲少少先買囉，真係想 "流血不止" 咩！！不過好多人都話買 KM 好過 KA，因為馬力大好多，無咁易燒，我個 friend 都買 咗部 KM。
ReplyDelete[版主回覆11/09/2010 14:40:00]唔知係咪就係我舊年o係藍色大門見過o個部呢?
點樣焗到中途先出事呀?
ka我已經拖左幾年…嗚…又買唔成…不過我都會遲下先架喇, 唔想一次過放血…不過我都係終情ka呀…同埋km又再貴d…
Kitchen Aid Artisan 4.7L 325W , Sweetie sell at $3,450.
ReplyDelete好處係可以處理較少量既蛋液, Kenwood 就要2-3 隻蛋.
我架 Kenwood 有 6/7 年歷史, 約 750w, 但衣家果d好勁, 好似係1200w, 大約 $5,000.
個爐剩係用過黎焗 cookie, 燉蛋 同埋焗 chiffon cake, so far so good. 買佢係因為仙姐，vanlily 既影響， 本來都想買 roller grill 60L, 因此始終香港都有代理， 而且牌子好似多人識ｄ， 但係最終因為焗身太深， 放左入廚房， 驚出出入入時 俾個手柄“hum” 爆隻眼，所以就買左 Gierre.
仙姐推介， 尤其是用黎焗餅， 我諗一定 O.K.
[版主回覆11/09/2010 14:43:00]之前問過仙姐話唔同買4.5同6L叫我買5L, 不過唔知咩原因, 上海街賣緊3080
5000太貴喇, 唔想連續放血…>_<
我唸我都好大機會買GIEERE架喇, KA就遲一步先
妳有冇去過 Rachel 個 workshop 呀？佢果部咪就係仙姐果部囉！ " 點樣焗到中途先出事呀? " 妳之前話焗緊 cupcake 時個爐火有問題， 啲 cupcake 又唔對路嘛！
ReplyDelete[版主回覆11/09/2010 14:54:00]冇呀
啊~咁部部爐壞既時候都係咁架啦…
~_~ 我明你E+既感受~ 我睇緊打蛋器~又未去到死晒~但都未半~ 想買大坐D 但家又冇位~
ReplyDelete[版主回覆11/09/2010 16:41:00]買ka啦XD
發熱線係可以換架, 幾十蚊有交易, 上次我老公咪話壞左就掉左我個焗爐, 後來一問之下原來幾十蚊就可以起死回生, 真係激死呀!
ReplyDelete[版主回覆11/10/2010 01:00:00]係??去邊度問呀應該?
我仲唸住買靚野…咁點好…不過點都整左先~!
去d門市部問呢個牌子嘅保養係邊間代理公司, 而後打電話去問, 講妳部機有乜野問題, 同埋要收幾錢。
ReplyDelete[版主回覆11/10/2010 09:50:00]o~要搵返代理整呀? 好似好遠o係葵涌定屯門…=.=部野鬼咁大部…唔該你先~ 我都會整! 尋晚聽你講完我又亂左…可能唔買爐住買左ka先…不過部爐真係好吸引…
再問清楚個電話啦, 係屯門我可以幫妳攞去修理吖!
ReplyDelete[版主回覆11/10/2010 13:30:00]唔該晒你, 但我都要攞俾你, 咪一樣… ^^"
官網個電話都係錯既…
http://client.webpower.hk/iceblue/chi_product.php
我有車可以幫妳車過去, 攞落樓下都賴???
ReplyDelete[版主回覆11/10/2010 19:27:00]哇~點好意思叫你黎幫我車
呀! 妳去d門市部問吖嘛, 賣電氣嘅門市呀, 即係豐澤、百老匯、國美之類嘅門市呀, 我上次果個咪就係土豆牌籮!
ReplyDelete[版主回覆11/10/2010 20:52:00]問土豆電話?定整要幾錢?
咁你整左幾錢呀?
哎呀! 妳可以攞土豆牌嘅catalog, 裏面咪有電話籮, 直情問D sales啦, 我上次打電話去問, 換條發熱線都係80蚊咋, 不過我老公叻唔切幫我掉左個焗爐呀!
ReplyDelete[版主回覆11/10/2010 21:15:00]人工駛唔駛另計?你之前用土豆幾多L呀?依家轉左邊隻?
細節就唔記得咁多嘞, 而家果部係 kenwood 都幾好用架, 好似700蚊左右啦!
ReplyDelete[版主回覆11/10/2010 22:45:00]但係唔夠大, 我都係心思思想買O個度GIERRE…不過都會整TUTTO
妳有好多攪作咩, 有就算啦! 如果要大不如買個座地嘅大焗爐啦, 咁夠大嘞掛!
ReplyDelete[版主回覆11/10/2010 23:40:00]咁買唔到最盡個喎~~ 我見呢部仙姐推介咪試下囉~已經大過我依家呢部好多
咁妳自己諗吓先啦!
ReplyDelete[版主回覆11/11/2010 13:12:00]我唸我會買, 但都會整:p
難敵心魔。
ReplyDelete[版主回覆11/11/2010 20:45:00]我仲未唸定, 究竟ka實用d定焗爐
我睇唔明呢句 "究竟ka實用d定焗爐 "
ReplyDelete[版主回覆11/11/2010 22:05:00]KA vs 焗爐
係兩樣唔同嘅野嚟喎! 最好兩樣都有, 係咪???
ReplyDelete其實應該整返好個焗爐, 然後就買 呢個, 咁就最完美嘞!
[版主回覆11/11/2010 23:01:00]但係我個爐其實火力唔係好均勻…心思思想買部好D…但係依家攪漿又好費力同費時, KA都好吸引…不過2樣買晒要成皮…
焗爐可以修理返好, 或者買部 kenwood 700蚊, 再買部 就得籮!
ReplyDelete[版主回覆11/12/2010 10:30:00]
再買爐就買部好d架喇, 如果唔係我2部用住先都得
唉…打左去問, 報唔倒價, 佢話要拎上去師傅望過先知幾錢, 檢查費40, 送貨100, 仲要星期六開半晝星期日唔開…
星期六開半晝星期日唔開??? 咁我都幫妳唔到嘞!
ReplyDelete[版主回覆11/12/2010 13:18:00]我懷疑佢轉左代理, 頭先打去唔記得問佢公司名, 地址電話就同網上搵倒既唔同, 好在有得送返黎, 自己call車入去仲貴…
咁就不如買 kitchenaid 先, 可以舒服好多,
ReplyDelete[版主回覆11/12/2010 14:58:00]但係火力均勻同容量大又真係好吸引…
KA就唔駛手支力…又攪得勻D…
其實我2樣都好想買…
就買晒佢啦, 橫掂你整餅咁叻, 遲d買, 又貴 d
ReplyDelete[版主回覆11/12/2010 17:01:00]一次過出血好傷呀…好處係可以一次過送貨…
的確遲D又會加價…KA都貴左幾百, 爐又貴左幾百…
老公怕我買左唔用呢…
我都曾經好似妳咁, 想買一樣野諗左好耐, 最終都買左, 但係買左返嚟又後悔, 呢D都係心魔令我地時時都好想買心頭好, 今次就考吓妳嘅定力嘞!
ReplyDelete[版主回覆11/13/2010 02:09:00]我買野好少後悔
哈哈! 咁就得啦!
ReplyDelete"椅" !.......
ReplyDelete買左KA 拿, 有無買GIERRE 呀?
[版主回覆11/15/2010 21:05:00]買唔倒呀, 冇貨…佢話要3個月倒先返…叫我到時再打去…
當堂有鬆一口氣既感覺XD 唔駛揀~~XD 喇喇臨買左KA, 剛剛收倒貨喇~^0^
都好呀, 以後隻手就舒服哂啦.
ReplyDelete不過尋晚用GIERRE做左 D CUPCAKE,用左兩層 (應夠係層半), 就以經可以有50個, 真係大,大,大
而且兩層的火力平均, 唔同舊時D細機, 時時要 "CUP" 實, 不時仲要上下左右調位,
當然就要付出代價$$$$$$
[版主回覆11/16/2010 00:20:00]我都會買架! 依家整返個舊爐先~:P
不過我個爐本身都可以焗40個