書展2007'

今次係第二次自己一個行書展, 同舊年一樣行左6個鐘~7:30已經頂唔住…仲有hall5同7未行…都係放棄, 留返d氣力行去搭車…

同舊年唔同, 今次經紅磡轉101再o係修頓行天橋過去~o係入面兜左好耐先去到grand hall~之後行2號最後行1號…去到5號同出口既交界, 唸左一陣都係決定放棄喇…

咩住15磅行左6個鐘我覺得已經好驚人= = (呢係我最後飲晒d水返到屋企既磅數…)

由入去o個陣已經想搵廁所, 到離開之後返到屋企至去…*.*

 

講返D書

取的－－(都係食譜為主~)

1-8. 一開始就經過二手漫畫檔, 好多都係十幾年前既漫畫! 正正係我睇漫畫既年代~身旁有2個男仔話: 「都唔係我地睇o個個年代」XD 但係我既年代喎~~有我細個睇開既作者, 有D我都未睇過, 例如高瀨由香, 杉惠美子, 篠原千繪, 仲有後期睇到冇野睇既牧村久實, 高田惠理等, 一心唸住搵下有冇o個套我好鍾意既超能力愛情漫畫, 只記得4個字既名…點知真係俾我搵倒!!!*0* $10本, 即買!! 2手漫畫黎講唔算好平, 佢仲係出租漫畫店o個d, 不過好過出去搵! 咁難得見倒即刻買返黎! 拎左成日…不過男友見倒就話唔o岩佢睇, 又係o個d手指同塊面尖到插死人既漫畫XD

9-10. 100蚊4本, 30蚊1本, 我只係買左2本, 一本撻批、一本中或酥餅, 好似都係呢d吸引d, 麵包書好似本本差唔多, 最後都o係第二檔考慮過日式麵包, 不過太貴, 原價要成98蚊又唔係好特別, 都係冇要到!

11. 見倒3本狗仔書, 居然有英曲!! 首先揭下有冇大肚要幾耐呢d資料, 雖然冇講幾耐…不過都有講好多得意野；唔係咁常見倒英曲飼養手冊, d相又咁得意~折實$78, 買俾肥豬啦~~

12. Tong Wong既第二本食譜~本身已經有佢第一本~不過第二本太貴~要成$138!! 就算有人推介都係唔捨得買…不過尋日見倒$88有交易! 即買!! (第一本好似只係$5x咁上下)

13. 最後買既一本係blog友Panny既《莓莓我愛你》~七折$55~ 其實我買o個陣唔知係佢~o係幾本之前都有留意既過食譜入面發現左佢, 其中擺檔既仲係《名草有煮》既作者, 不過我揀左呢本~臨走睇牆上既作者簡介見倒幅相咁面善先醒起呢隻blog友最近出左本食譜!! 佢個blog之前都有講解下d烹飪理論, 例如比較下3種唔同既海綿蛋糕食譜然後作出歸納。

14. 行過隔離聽倒有人嗌咩blog唔知咩, 一睇先知係鄒凱光!! 男友落左order要買呢本~居然俾我見倒真人~即刻買完攞埋簽名~佢好nice~恭恭敬敬咁~本來想叫佢寫Chris, 點知前面o個個又叫Chris= = 唸唸下不如俾埋我啦~^^佢唔知係咪每本都會俾個No., 佢見我個名問我係咪天蠍座, 寫左CS(我話係2個人)之後好快寫左11...然後話:「天蠍座應該係11月」「10月架…」跟住佢好驚慌咁既樣話「我識o個d多數係11月」XDDDD好搞笑~

捨的－－

之後見倒原先O係大眾封住左唔知入面係點既3本巨型烘焙書--《完美西點》同2本唔記得個名, 一本係好多香港酒店名廚每人教一樣蛋糕麵包, 仲有一本係《烘焙XX》, 原價百幾數本, 8折, 有套裝$23X/2本, 不過好似太深奧結果冇買到。反而有考慮過區倩兒既簡易蛋糕食譜同袁彩雲既浪漫晚餐(呢2個唔係書名黎), $5X本不過又好似好簡單加上唔鍾意明星寫書所以放棄左。另外陳慧既《拾香紀》睇過好鍾意, $55 再7折, 不過唸住短期內都唔會睇所以冇買到。(舊年買佢幾本新書都未睇晒…係呢本最好睇) 仲有一本《每天都是情人節》講點解製造浪漫, 有D都幾得意~例如用汽球佈置, 考慮過, 結果都冇買到…仲有本《不想戀愛》係幾格漫畫講戀愛點滴趣事, 不過太少字太快睇完好似好唔抵冇買^^"

(附上書展例景一幅)