曳曳

20081106
今日都總算有進步, 話晒o岩o岩話完, 唔知下星期一仲keep唔keep倒…

＊　　　＊　　　＊　　　＊　　　＊　　　＊　　　＊　　　＊　　　＊

 

20081105
年年功輔班總有一個特別曳特別反叛, 不過之前幾年雖然激心, 但我其實都特別鍾意呢d學生

今年唔同…今年都有個日日都激死我既學生, 不過一d好感都冇, 因為係我最討厭既類型

小朋友曳唔緊要傾偈唔緊要, 最乞人憎係衰格!之前都遇過呢類型, 自私, 幸災樂禍, 心地唔好。

之前作文講對孤兒既感想, 「我覺得佢地好lucky! 好少人係孤兒黎家嘛, 咁佢地咪lucky囉~」你會捐d咩俾佢地呀?「穿窿衫」你寫信俾佢地會寫d咩呀?「問佢地有冇殘廢」呢件事我呢幾日已經講過好幾次! 衰到爆!

今日學校派一人一花俾小朋友種, 佢o個棵好奀, 佢仲係咁搖佢話想佢快d死!

唔知佢係玩野定真係心地咁差, 希望係前者。

好啦我不厭其煩咁慢慢開道佢, 問佢知唔知點解要守秩序, 佢話「你頭先講o個d呀?」即係咩呢? 你講返俾我知等我知你知「知黎做乜?」連點解要知咩係秩序都問得出!!點會唸住要守…

每次上堂就仆出黎問野, 呢個唔係問題, 一堂得一個鐘, 你問左9個字都問緊同一樣功課, 仲要唔專心係咁玩--(上面講孤兒o個份作文)跟住得返3個字我叫佢返埋位, 佢話未做完唔肯走, 咁其他同學唔駛問啦, 一班12人, 淨係教你一個…此為自私…

我既規矩係, 如果已經有2個問緊就唔好出黎住, 佢出左黎又唔肯走, 明明已經冇位! 我話佢地問完再嗌佢佢都唔聽, 唔肯返去做其他功課或者溫書, 浪費自己時間

擾亂秩序, 鬧得佢黎又對唔倒功課教唔倒功課, 浪費同學時間…

同佢講野企到軟皮蛇咁, 對手fingfing下…問佢咩都答「唔知」, 叫佢唸下就問「點唸」…話答倒我先走, 就擔天望地話要補習…好喇我唔駛你唸喇, 你講返我知我問咩「…唔記得…」= =|||

救命呀…

 

唸起以前o個d, 雖然一班人時激心, 唔肯做, 訓覺, 同佢咁賴皮既都有, 但係單對單時態度唔會好似佢咁, 真係覺得可以動之以情, 呢個嘛…

 

最後問佢聽日可唔可以守秩序依然答我唔知…ok…再問「可唔可以盡量做好呀」「嗯」咩叫嗯!「可以定唔可以呀」佢都幾老實…真係唔敢答我可以守秩序…

鬧親佢就笑…唸起以前實習既一位一年班, 真係唔知好嬲定好笑, 不過一年班就話可愛je…五年班嘛…

今日明明冇堂唔駛對住佢都企o係度同佢訓話左半個鐘…鬧又試過, 慢慢細心講解又試過, 佢根本完全冇上心…可以話冇聽…原本佢應該上緊籃球, 叫佢返去仲話要走, 去食野= =

我真係唔適合教書, 依家已經咁, 真係會短命…