自助山@澳門

睇食評好好~o係威尼斯人既渢竹同新葡京既自助山之間, 選擇左後者~

$278+10%@

walk in

超多野食, 冇可能食得晒, 燒味, 龍蝦(星期六日先有), 刺身、串燒、點心、印度咖哩+薄餅(我只係食左龍蝦, 其餘痴daddy仔食)我至愛既冷盤, 淨係火腿同魚已經有6款, 巴馬火腿切得好薄, 不過冇配蜜瓜, 我要再走去生果檔夾XD 生牛肉薄切又係勁薄, 不過好油,

青口好肥美

生蠔基本上都甜美, 少腥味, 龍蝦隻幾好味喎, 右邊呢塊就係吞拿魚沙律既吞拿魚喇~佢D沙律好好味, 我只係食左吞拿魚沙律, 吞拿魚係刺身咁四邊略煎再切到刺身咁既SIZE, 我食左5塊~:P個汁都好好食, DADDY話佢既泰式扎肉沙律都好好味~佢D生果都好甜~

下面既豬扒好似我之前整過既沙丹豬扒, 不過佢整得好淋好好味, 而且夾既係巴馬火腿, 不過daddy就食唔出有火腿XD太薄喇~ 一切落去D芝士漏出喇好正~上面既係他他汁~

左邊既長腳蟹都好鮮甜~右邊既啤酒包好好味呀~我好飽都食埋, 放棄左甜品, 不過個蘑菇湯就鹹左D, 唔知同凍左有冇關係?

例牌即切西冷同火腿, 一般啦

咁飽既情況下朱古力甜品太漏喇, 紅桑子mousse酸酸地好d, 千層糕太多牛油同蛋黃都係食唔晒, 而且略實, 我鍾意加多d蛋白整軟少少。焦糖燉蛋好好味~焦糖薄薄脆脆一層o係面好正!

第一塊食呢塊, 實左d, 味道唔錯

再試綠色, 質感似返平時食喇, 好食d, 不過味道又冇之前o個塊印象咁好

隔離檯話好好味既木糠布甸, daddy話覺得我整既好食d, 我就覺得都係咁啦, 好似度度食都係咁上下。

呢碟係daddy既見d色幾靚同佢影張相 ~

最後黎個大合照~ ^3^

呢度係門口~入面好大~好長~行去攞野食都行好耐, 有好多位。

期間見倒2檯long lai客…唔知係輸左錢定財大氣粗, 男又係咁女又係咁…大大聲對d侍應發惡, 誤會左咩係男子氣慨囉…

食完野落樓下過馬路時影, 我覺得舊葡京靚d

好好食!好多野食~ 一向o係香港最鍾意去都會海逸, 成日食自助餐既朋友都話都會海逸最好, 不過從今我覺得自助山將都會海逸比下去呢~ ^^ 樣樣都幾好食~真係多都食唔晒呀~ 我地2個都好飽好飽XD