藍色大門 PART II ~ 韭菜餃

約左阿Anne同Tend10:30o係大埔墟街市, 車埋我入黎~ 好耐冇試過星期日咁早起身 ^^"

Anne話佢地一般會食左早餐先入去食晏, 咁我就o係大埔墟買左個包啦, 入到去媽媽已經到左o係度整緊乳鴿, 其餘大部份女工都到左喇~

四圍影下相, 跟住就量份搓餃皮~

之前o係屋企包餃都有搓過餃皮, 其實都好簡單, 不過冇機就要搓成長條形之後逐粒圓形壓平, 今次都係第一次用機壓餅皮~ 

1, 3, 4, 6咁由闊到窄, 將麵糰過機4次, 每次都o係度機同麵糰既接觸面灑少少粉

壓好之後就用模吸出一個個圓形, 不過個底記得灑粉, 唔係痴住張檯就拎唔起架喇

包好喇~由於出自唔同女工手筆, 所以隻隻唔同款XD向前彎o個款就係我架喇:p

灼完之後加麻油芫茜蔥~搞掂!

另外仙姐仲用鎮江醋, 糖, 魚露, 蒜茸整左個汁愛黎點餃子食~

差d唔記得介紹d餡, 餡用機攪過, 一路攪一路加雞湯, 而韭菜切碎之後加少少鹽拿拿佢, 一來可以拿軟, 二來唔食韭菜既人都可以食倒呢d餃, 因為會冇左韭菜味

呢樣係我當日有份整既2樣野之中其中一樣 :p 唔記得自己食左幾多隻~食完都飽, 跟住仲有好多好多野食…真係早知唔食早餐 = ="

明天預告: 博多士多啤梨批