uncle martin@applegreen

星期日同uncle martin去左新世紀applegreen慶祝, 仲有新丁同媽媽~今次新抱仔同阿妹都冇黎呀~我地話佢做左ｄ咩激嬲amy姐, 搞到人唔黎呀~ 定係唸住2個人慶祝呀~ 其實一班人慶祝完都可以2個人再慶架~XD

今次又係好近丁屎, 新丁最早攞位, 跟住我同uncle約埋o係大埔一齊出黎, 冇耐媽媽都黎到喇~

呢度果然係the house of salad~ 沙律主菜都有大半版! 我地嗌左2個沙律(一大一細)不過細既都唔野少! 其餘都難左好多野!! 但最後居然係食得晒!!仲要食埋個蛋糕!!!

左邊大既係加州棒棒雞沙律，芝麻薑汁, 右邊係半份華多夫沙律

就咁睇唔出幾巨型, 佢d餐具又大件d, 擺個電話埋去就知喇*0*

跟住上既係特色焗薯皮, 麻麻地, 淋既

丁屎一黎就話要既芝士焗通粉, 幾得意, 好芝士

主角order既拿破崙蕃茄醬意粉

sunny點既芝士野菌烤雞胸, 好味喎~點沙律菜個汁似係用黑醋教出黎既, 甜甜地杰杰地, 薯蓉有薯粒, 好香好好味, 雞都好味

美式墨西哥烤牛肉卷, 好得意要自己捲既, 有3塊皮加3款醬料, 可以揀牛/雞, 見有幾味雞, 要左牛, 又幾好味喎d牛牛

媽媽捲, 仔仔切 XD

 

對於呢間餐廳整體滿意, 服務態度親切, 食物大致好味, 埋單5位約6XX, 其實揀呢度係之前睇開飯食評幾好, 不過去到點菜時完全唔記得有咩必食推介…= =XD

 

食完之後叫佢上蛋糕, 開頭冇雪, 見D蛋白出水, 唔掂, 喇喇聲雪起佢! 跟住見我地食到7788就自動上蛋糕, 仲點埋蠟燭, 點知壽星去左廁所…XD

跟住佢好好咁拎返入去, 之後再點蠟燭出黎, 仲同我地打眼色叫我地唔好出聲, 點知送到UNCLE面前佢一D都唔驚喜XD 人地同佢HAPPY BIRTHDAY又唔識多謝人淨係唔該XD 我叫佢「多謝人啦」個女仔o係度笑XD 鬼咩, 個蛋糕佢幫我拎出黎既~~ 想驚喜有D難度囉XDDDD

 

星期六掛住整娃娃(12-12)整左個最簡單既蛋糕…蛋糕底都冇焗…用左OREO餅底…:P 一層藍莓餡+CREAM同魚膠整既藍莓mousse, 再加一層熱情果茸+ mousse同魚膠整既熱情果mousse, 一個鐘內入雪櫃又繼續整娃娃:p 不過層與層之間雪唔夠時間撞起左d紫色:p

馬令星期日起身先整, 由於上次整士多啤梨蛋糕層馬令太甜, 於是今次入面熱情果mousse冇加糖, 唸住中和返, 不過2位男士都係覺得太酸:p(上次7月小刁個熱情果馬令批, 我記得SUNNY又係話好酸:P 其實真係同呢個差唔多呢 ^^")  呢個餅一定要打棟食架XD 絕對唔可以淨食熱情果mousseXD

今次馬令打得唔好…打極都唔企, 下次慢慢加糖水

最後當然離不開大合照~ ^0^

http://www.openrice.com/restaurant/sr2.htm?shopid=26033

 

去年一月北上