曲奇四重奏 PART II

黎到PART II 終於講到盒曲奇喇

好多人認識曲奇四重奏都係因為謝寧, 同事間講起都係話謝寧開o個間(不過居然有同事唔識謝寧= = 連岑建勳都唔識…)但係對於眾餅友而言, 四重奏吸引之處我唸同我一樣都係因為Tony Wong~(我就加埋Shadow^^)

其實店名之所以叫四重奏, 係因為四個名人主腦：識飲識食的謝寧、烹飪節目主持關琬潼（Shadow）、文藝界名人黃志煒及顧問Tony Wong 。

左上角：夏威夷果仁曲奇(四塊)
先後食左2塊都冇咩印象，寫食評時再試一口，好香果仁味，仲有ｄ複雜既香味，其實幾好味，不過o係云云款式之中又難以令人留下深刻印象。

上排左二：牛油酥條(八塊)
好香、好鬆化

上排左三：咖啡合桃曲奇(五塊)
一致認為最好味呢款! 可惜亦係件數最少！佢o個種鬆脆好特別，隔離夏威夷果仁都好鬆脆，但係兩種口感好唔同！淡淡咖啡香同Jenny唔同。

上排左四及下排左一：高纖五穀籽曲奇(八塊)
同芝麻味口感好似，實淨D，同樣係好香，香味複雜D

中排左及右：黑白芝麻曲奇(十一塊)
daddy最唔鍾意既一款，因為佢唔鍾意芝麻XD佢話勁芝麻，鍾意既人會好鍾意。真係好香芝麻味，好似芝麻脆餅咁濃，帶有少許甘香(原來來自果皮)

正中間黑色哈哈笑：朱古力曲奇(十四塊, 其中面頭2塊哈哈笑)
唔係咁鍾意朱古力既我都覺得勁正!唔係咁鍾意食薄脆野既我對於佢既薄脆口感唔知點解異常受落!

正中間金黃色哈哈笑：牛油杏仁片(十二塊, 其中面頭2塊哈哈笑)
普通D，冇朱古力咁脆

下排中間：川椒榛子曲奇(六塊)
淨係食倒榛子味，我地兩個都食唔倒川椒，要上網睇返先知係佢；知道之後再食，食完之後又好似真係有少少少少辣辣地

右下角：蛋香曲奇(八塊)
未睇名已經食倒一種好熟悉既味道，係蛋黃！原來就叫蛋香曲奇～好好味呀～^0^

大家有興趣可以睇下蘋果日報既報導

原來o個支過千蚊既油係雲呢拿油, 即香子蘭油

曲奇四重奏（2382 2817）
九龍城福佬村道58號地下

開飯食評