五周年@沙爹軒

再次鳴謝米卡路既介紹同AMY姐幫忙打電話訂位同問優惠~^0^

唸左好耐都唔知呢晚去邊度好, 最後決定黎TST中港城既沙爹軒。

米卡路推介海南雞飯同蘿蔔糕, 不過我地放棄左蘿蔔糕, 而揀左串燒同沙律~

呢度個MENU就得呢款沙爹, 究竟點解叫沙爹軒呢?

除左雞之外, 分唔倒豬同牛^^" 不過都幾好味, 沙爹醬甜甜地~ $75/6串, 自選豬牛雞配搭。

食唔倒砵酒味:P 不過雞翼好大隻好香脆, 放耐左都仲脆, 食到尾都仲咁好味^0^ 沙律同荔枝山差唔多。冇記錯好似係$90。

阿蘇介紹既, 不過係北角店, 呢間都好味~ 好嫩滑~daddy話d油飯有d似糯米飯, 個湯好油…份量好細。daddy問佢出名在邊度, 好味, 不過未至於哇一聲o個種。$75
紅色o個個醬好奇怪, 苦苦地既…另外2個好味d。

好奇怪, 第一次見啡色既, 仲隱約有d咖啡味? 彩色條條好幼好似食緊麵咁XD $40有D貴。

整體黎講, 我覺得樣樣都好味, daddy就最鍾意串燒~

環境方面好清靜, 成間餐廳得大約2-3檯客, 講野不自覺勁細聲。服務好唔錯, 好有笑容。