黑芝麻戚風

用左飛飛既芝麻粉+美食博覽買既芝麻醬, 整左呢款黑芝麻戚風。

早幾日已經想整, 今日終於整左~ 差d又整左第二樣:p

見amy姐用80g水, 而自己用開48g, 即管試下落多d水。

20g黑芝麻粉+50g低粉+1/4tsp發粉過篩3次拌勻; 3白分次加糖30g打企; 3黃打勻, 油28g+黑芝麻醬20g+水約50g叮20秒, 加入蛋黃中打勻, 加入粉類打勻, 分次拌入蛋白。175'C焗35分鐘, 出爐倒扣即成。

好芝麻啊~

點解由原本黃+白總共70g糖減到依家30g都仲覺得甜既?

 

利賓納戚風

從天拿曲曲提議既好立克中取靈感, 因應屋企既材料, 整左呢個利賓納口味~

(上面徒手甩…甩甩下唔對路用返刀…所以2截色XD)

呢排都係做3白3黃, 唔駛剩蛋黃, 又唔駛切蛋糕

3白+30G糖, 因為利賓納甜甜地; 蛋黃同上幾次一樣冇加糖, 油30g+濃縮利賓納(低糖)48g叮20秒, 加落蛋黃液打勻; 低粉70g+發粉1/4茶匙篩勻, 加入蛋液中打勻, 發覺好杰, 於是著量加多20g-30g水, 分次輕手拌入蛋白。見佢好淺色, 筆起少少又加D利賓納:P 做左少少雲紋, 180'C焗35分鐘出爐倒扣。

依家倒扣中, 未知成唔成功…不過我估未必食得出利賓納味, 可能要將D濃縮利實納再煮一煮煮濃D先用。

失敗左XD有1/3中間空既XDDDD太多水喇~ D利賓納唔夠濃~, D雲紋因太淺色唔出, 又因太稀搞到有洞洞:P

原先落左48G利賓納濃液又覺得太杰, 加左水應該都OK, 因為另一邊冇事, 不過原本既雲紋實在太過亂黎XD

口金1號

一直有個疑問, 究竟點解叫口金呢? 口金係咩文既? 佢既英文名又係咩呢?

呢個就係今日天使老師口金小聚入面既製成品~ ^^ 我既口金一號~

angel老師俾我地既時候已經畫好紙樣, 就係跟住下面呢張粉紅色紙, 剪左個框出黎, 畫o係布上, 剪左外圍之後, 裡面應該仲有一條線, 就係沿住呢條線縫埋。

先將2塊里布用大頭針定位, 回針縫埋, 跟住2塊熨左夾棉既面布又係面對面定位, 縫埋, 跟住o係縫左線既外面剪九牙, 小心唔好剪到自己縫既線; 將里布套入面面布裡面, 又係反返個面出黎, 就係上圖所見咁。

拉返圓D邊跟住再將開口底面布縫埋(唔知點形容呢種針步), 然後可以上口金。

先用筆o係口金正反兩面中間位及左右2端各1cm處畫記號, 然後套上口金。用皮革線o係中間點即係第13同14孔中間定位, 然後再用手縫線o係2端記號處連口金兜2圈定位, 剪線; 皮革線已穿在中間處, 呢個時間可以開始將口金縫上袋上, 由中至左, 再向中, 隔住隔住d孔以行針縫埋, 再繼續縫埋落右邊, 再由右至中, 中間袋面孔內收線, 剪線後拉返入入面, 收埋個結。2邊都係咁就完成架喇~再拉返圓修返靚個外形就OK~

打完一輪唔知大家明唔明我講乜XD 更加唔知下次自己睇返會唔會一頭煙XDDDDD

左起紅色係老師既作品, 右二o個個就係我架喇~ 其實左二四小紅帽同左三六士多啤梨我都好鍾意架~ 仲有小牛既粉藍花花都好靚~>0<老師呢個係兔仔黎架~ 都好得意架~ 有機會我都想試一個四片口金呢~ 不過太多野要預備喇~

天使老師口金小聚

第二次出席angel搞既版聚, 繼上次馬卡龍之約之後, 今次係口金聚會~

地點係tst既cafe peace, 今次老師教8位學生~除左老師同forever friends同學之外其餘都係第一次見面既blog友~ ^0^/ 今次除左天使老師之外, 出席既同學仔有: C詩、Smallcow, Jen, 老米、三樹、Forever Friend、Mabel, 好耐之前已經睇小牛個blog, 記得當時想整佢既麻糬扭紋皇冠包到依家都未整…><

老師準備好一packpack材料俾我地, 入面有紙樣, 剪好既布, 大頭針同粗幼針各一支。

呢個時間已經完成左一大半喇~

一坐低就開工~大約2點開始, 到3點幾4點整左中途等老師教下一步時先有時間睇野飲嗌野食:p 野食黎到之後到接近6點完成口金先有時間食XD

時蘿忌廉汁煙三文魚蟹柳意粉 $55

芒果益力多, 雖然冇益力多味, 都幾好飲喎~ $35

完成品口金1號~ ,下面係材料包~ 較剪仔自備, 呢把o係屋企搵出黎超唔好剪XD 

多謝天使老師既布朗尼同埋老米既針插 ^0^

呢個就係我既第一個口金喇 ^^ 真係好多謝老師咁用心教導!!

黎返張合照先~ ^^v

牛油擠花曲奇

又係呢款曲奇, 大仙幫我買左罐牛油~於是整左d曲奇, 打算聽日做伴手禮。

cherry poon《妙趣曲奇》食譜:(約54塊份)

牛油200g+糖霜50g打起, 篩入低粉150g+粟粉50g拌勻。

180'C焗12-15分鐘至金黃, 出爐放涼即可。

＊　　　＊　　　＊　　　＊　　　＊　　　＊　　　＊　　　＊　　　＊

我留左半份加咖啡香油整咖啡味, 我冇篩過d糖霜, 起晒一粒粒, 見佢咁叮左十秒, 之後粉漿個樣怪怪地, 焗完出黎唔成形, 不過都幾好味, 唔俾得人自己2個食晒, 冇影相:p

再整第三盆, 點知唔夠粟粉= =一陣買完再整, 今次糖霜有過篩喇:p

＊　　　＊　　　＊　　　＊　　　＊　　　＊　　　＊　　　＊　　　＊

過左篩真係好擠好多, 再鬆化d, 不過食返之前o個d發覺有粒粒脆糖好似好食d @@

奶茶戚風

同上次一樣咁深色:p 都係10g紅茶粉

今次用左煉奶, 上次用奶粉, 今次比之前個milk amgel cake落得仲多煉奶, 由30g加到去37g。試左少少邊皮好似都係冇咩奶味既?

3白+40g糖, 3黃+30g油+37g煉奶+40g水叮20秒, 60g低粉+10g紅茶粉+1/4tsp發粉篩3次。液體打勻, 加粉打勻, 分次拌入蛋白。180'C焗35分鐘。倒扣。

食評:
每次都要同事估下係咩口味XD 今次自己都只係食得出紅茶, 大部分同事都估唔倒! 有人估黑糖有人估蜜糖XD估唔到最後2位同事估紅茶, 不過唔係好似, 話似奶茶!!! BINGO!!!!勁呀!!自己都食唔出! 完全冇唸過會有人估倒!!!

香蕉朱古力榛子戚風

今次加左蕉蕉, 榛子粉同朱古力粒粒, 仲有少少LUM酒

照舊3白3黃, 白+40g糖, 黃冇落糖, 今次用左60g蕉所以水唔加咁多, 好似落左30g水, 30g油, 仲有幾g黑朱古力XD 朱古力叮溶左之後加油撈勻, 再加水, 叮20秒。粉類方面照舊70g粉, 今次轉左20g榛子粉, 50g低粉, 1/4茶匙發粉, 過篩3次。低速打勻蛋黃, 加液體打勻, 加粉打勻。最後分次拌入蛋白。 180'C焗35分鐘。倒扣。

攤左好耐都未涼就甩模…明顯下面一寸未涼晒:P

切左一件好朱古力, 可能食正朱古力粒粒。明明係入爐朱力, 點解溶架? 不過溶溶地又好味過完全唔溶。焗緊時都幾蕉, 個蛋糕都應該幾蕉, 不過食正朱古力就咩都蓋過晒XD

菜心(certified)

certified. 20080927

＊　　　＊　　　＊　　　＊　　　＊　　　＊　　　＊　　　＊　　　＊

影相當日仲好地地, 今朝返工前見倒條毛蟲食緊我棵菜心…食到得返支莖><可惡, 即刻捉佢餵瓶子草!! 20080906

＊　　　＊　　　＊　　　＊　　　＊　　　＊　　　＊　　　＊　　　＊

今日放左o係地長時間有日照, 不過如果要返工既日子就驚突然落雨, 又驚肥豬食佢~ 今日臨放之前同佢地噴晒辣椒蒜頭水防肥豬襲擊。20080831

＊　　　＊　　　＊　　　＊　　　＊　　　＊　　　＊　　　＊　　　＊

東歪西倒, 奀桃鬼命 :< 20080830

＊　　　＊　　　＊　　　＊　　　＊　　　＊　　　＊　　　＊　　　＊

＊　　　＊　　　＊　　　＊　　　＊　　　＊　　　＊　　　＊　　　＊

尋日打風, 一早起身就搬左佢地入屋, 照住燈膽個個頭愕愕XD 20080822

＊　　　＊　　　＊　　　＊　　　＊　　　＊　　　＊　　　＊　　　＊

清晰左好多喇 ^0^ 好可愛呀~

放大睇睇先~ 20080821

依家o係街都留意多左d植物呢~

＊　　　＊　　　＊　　　＊　　　＊　　　＊　　　＊　　　＊　　　＊

同生菜同一日浸種同一日生根, 同一日落盆, 都生得幾快~ 希望佢生得健康強壯啦 20080820

925九月之星銀座藏人聚

6月食過一次覺得好抵, 今次依然覺得好抵~ 野食幾好味~4請3每位只係$135!

左上角係饅魚飯定食入面既蒸蛋, 有煙肉菇菇同白果各一件。

左中係串燒拼盤, 有疑似牛舌, 露荀肥牛卷, 魷魚釀三文魚, 鴨舌, 軟骨, 豬紋肉條

當中有件咁既野, 大家都估係咩黎, 新新話係牛肉, 丁屎好醒咁話呢度有個窿呀~ @_@緊係啦………

竹簽黎嘛XDDDDDDDDDDDDDDDD大家睇下從呢個窿估唔估倒呢舊咩黎XDDDDDDDDDD件件都有個喎XDDDDDDDDDD

左下清酒煮蜆, 原本丁屎嗌雞軟骨, 冇晒, 改左呢味, 好細隻, 好少

中上: 丁屎係咁用挑逗既聲線話要食既鰻魚飯~~ =~~~= 定食黎, 跟蒸蛋(左上), 麵豉湯, 刺身一碟(右下一), 一壺茶俾你泡飯, 仲有一個豆腐味炸三文魚(估計用腐皮包住再yam粉炸)(右下二) $108咁多野都幾抵

中下: 日式凱撒沙律, 好多三文魚同吞拿魚

右上: 2碟壽司黎, 分別$56同$64, 各八件。

右中: 海鮮pizza, 好芝士, 唔錯

本月生日之星: 小魚, 雅典娜, 新新

九月之星既Banana Classic Chocolate Gateau

呢度服務唔錯, 妹妹仔幾好笑容, 帶位o個個幾靚女, 入到去又係咁同我地加水…XD 問佢攞叉食蛋糕數倒6個人@@ 佢睇唔倒邊個呢 @~@ XD 跟住黎到冇碟…再幫我地拎, 最後要切餅時我地話點切, 佢醒目聽倒又笑笑口拎把刀俾我地XD不過好搞笑…我地居然要幫手執檯…XD仲要掃埋檯面D垃圾XD搞乜XD

緊係唔少得大合照啦~大仙, 丁屎, 我, 馬丁, 小魚, ATHENA, 新新

9點幾要交檯, 星期四都好多人, 呢度訂位幫你留5分鐘架咋~ 又抵又好味仲唔收切餅費~唔怪得咁多人

＊　　　＊　　　＊　　　＊　　　＊　　　＊　　　＊　　　＊　　　＊

之後athena同大仙走先, 我地過左隔離滿記~我第一次黎咋XD

又係幾多人，唔駛等位，不過食完見出面咁多人都唔坐喇～

左上係我既咩白雪黑珍珠？幾得意，好多野食～我又想試呢度出名既榴槤忘返喎，於是筆左小魚既黎試～仲試埋馬丁既芝麻糊合桃露（杏仁露？ＸＤ）丁屎既馬豆糕（幾滑喎）同新新既芝麻糊黑糯米（我食唔倒黑糯米，覺得同馬丁o個碗一樣XD)

丁屎叫小魚對馬丁呵(榴槤)氣XD小魚作勢想嘔~馬丁話可以介紹個婦產科醫生過佢, 跟住小魚話對住佢先會咁, 馬丁話咁要介紹個精神科醫生俾佢~我話點解你有得介紹?XDDDDDD 之後小魚話, 不如我介紹個整容醫生俾你(雖然我未睇過, 我搵俾你XDDDDDD)

＊　　　＊　　　＊　　　＊　　　＊　　　＊　　　＊　　　＊　　　＊

好可惜今次有幾位生日之星黎唔倒, 不過人少少感覺close d, 但似乎悶親athena同大仙~ ^^"

其實今日心情麻麻, 一向又懶得出街, 放工放假都想o係屋企搞下呢樣o個樣…漫無目的悠悠閒閒咁渡過, 不過原來同朋友出黎食下飯講下笑癲下係咁開心 ^^

最後o係度講返句生日快樂呀新新~生日快樂呀小魚~生日快樂呀雅典娜~^0^

＊　　　＊　　　＊　　　＊　　　＊　　　＊　　　＊　　　＊　　　＊

日期: 9月25日(星期四)
時間: 晚上8時(BOOK左7:30, 可以早既人早D去嗌定野食先)
地點: 沙田藏人

呢間上次友人生日食過, 都唔錯, 又有禮貌, 仲唔收切餅費, 不過就唔係大檯, 我唸4, 5個咁一檯, book幾張檯近近地坐埋一齊都ok

最緊要各位生日之星日子時間地點o唔ok?
9月(九月之星blog聚): 阿心(12)、Sunny(15)、傻軒媽媽(16)、小魚(17)、芬妮(22)、athena (26)、貓姐(28)、catfood.com(30)、何師奶

報名:
1. 蠍
2. 丁屎+sunny
4. 小魚
5. 大仙
6. athena
7. uncle martin

Banana Classic Chocolate Gateau for 九月之星 

預告(暫定)--
10月之星 10月25日(星期六) 南丫島影相, 食CAKE, 食豆花
11月之星 11月29日(星期六) 小白鷺BBQ http://www.taipokau.org/m-restaurant.htm
12月之星 同舊年一樣12月28日(星期日) 九龍城方榮記打邊爐

青椒(certified)

certified. 20080925

＊　　　＊　　　＊　　　＊　　　＊　　　＊　　　＊　　　＊　　　＊好多蟲仔呀…唔同之前見倒食葉既大蟲, 紅色一點點既紅蜘蛛, 今次係白色灰色一點點好多, 比紅蜘蛛大少少既, 噴左辣椒蒜頭水, 又洗一洗塊葉, 有d摘左, 希望唔駛落藥啦 20080916

＊　　　＊　　　＊　　　＊　　　＊　　　＊　　　＊　　　＊　　　＊

高出盆邊喇 20080830

＊　　　＊　　　＊　　　＊　　　＊　　　＊　　　＊　　　＊　　　＊

原來已經成個星期冇update過青椒既相~ 因為佢變化不大, 今日見佢出左一層唔同樣既葉就影低佢~ 呢層係令面架~*0* 呢盆有好多隻野咬過好傷呀>< 唔知係肥豬定雀仔呢>< 20080823

＊　　　＊　　　＊　　　＊　　　＊　　　＊　　　＊　　　＊　　　＊

過左盆2日, D葉開返喇~ ^^ 20080816

＊　　　＊　　　＊　　　＊　　　＊　　　＊　　　＊　　　＊　　　＊

過左盆一日好樣少少喇 :p 下面o個幅落左泥之後剛淋完水好唔精神…

(20080815)

＊　　　＊　　　＊　　　＊　　　＊　　　＊　　　＊　　　＊　　　＊

其實已經係第二批種, 第一批o係紙盒度發左毛= = 今次係用黃椒種既, d種浸左之後晾返乾先播, 今日過盆。

(20080814)

＊　　　＊　　　＊　　　＊　　　＊　　　＊　　　＊　　　＊　　　＊

除左檸檬之外, 煲雜菜湯成日有青椒, 又有紫天椒, 都好似蕃茄咁播左種, 唔知會唔會成功發芽呢~?

(20080804)

＊　　　＊　　　＊　　　＊　　　＊　　　＊　　　＊　　　＊　　　＊

青椒(Capsicum annuum)，又名燈籠椒、西椒，比辣椒圓，是常見蔬菜。各栽培品種又有甜辣椒、甜椒、柿子椒、五彩椒、菜椒等等。有辣的和不辣的或者半辣的，有綠、紅、黃、紫等顏色的。有較尖和較圓的。

Banana Classic Chocolate Gateau

聽日9月之星既蛋糕~

第一次整, 呢款蛋糕可以唔落香蕉, 又可以唔落麵粉, 咁咪同ugly chocolate cake好似囉?

早幾日唸整咩蛋糕時睇左屋企幾本食譜同幾個蛋糕blog, 唔想揀會溶既mousse同cheese雪餅, 戚風又冇咩新意, 最後o係呢款蛋糕同埋檸檬撻(冇馬令)之間揀左呢個~

買左幾隻蕉就整得~ 好在俾我搵倒一檔熟蕉賣~好香~仲好抵~ 5蚊有7, 8隻~

點知第一個居然入左爐先見倒d粉仲未落....... 又黎…!!? =口=

焗左30+1X分鐘放涼發覺好生, 再加錫紙焗多15分鐘~個邊都係好濕, 入面都係, 不過都幾好味, 有D似心太軟~雪硬左又係咋一種口味~

朱古力同蕉蕉真係好朋友~唸起以前BBQ既香蕉夾朱古力~:D~~~~~

見倒兜粉…再黎…

用晒d70%黑朱, 用左d奶朱溝10g70%黑朱+85%黑朱:p 焗左40分鐘

焗完唔似vanlily o個個, d蕉唔見晒…已經一開二都唔見晒XD 得幾個窿… 惟有切幾片加O係面, 又驚佢黑所以灑左少少糖燒一燒, 點知個蛋糕火農左D蕉都未有色= =

VANLILY食譜