冰皮奶黃月

幾年前初初學整野食o個陣整過自溝冰皮月餅, 不過好硬, 之後都係用冰皮粉, 白玉粉咁, 但硬係唔似…今年又再挑戰, 未食, 不過個樣都係咁透咁既? 點先可以白d? 好似白d似d。

搵唔返當年個譜, 跟左呢個。

另外冇買到奶黃餡, 試下自己整, 用左冇椰漿既食譜, 蒸完應該唔好就咁由佢放涼, 會乾, 可以既話兜兜佢, 整皮o個陣都係咁, 熄火後趁熱撈勻佢, 未涼就入袋, 再搓搓, 好過奶黃餡放乾左個面再搓, 搓極都有粒粒= =

加左d切粒鹹蛋黃, 尋日預先焗過, 約160度焗15分鐘。

今次總共整左11個

食評: 有3位試食團團員話個皮唔係幾似, 其中一個話有D彈; 另有3位同事即完即嗌好味, 2位事後再食其他月餅時話我整o個d好味呀~ ^^ 有個一食就認真地問我係美心定大班@@ 另一個問我點整同攞食譜^^

今晚同大班一齊食

原來我個仲細咁多, 不過高D

大班真係好軟, 專員就話鍾意我個多D, 煙un d(今日有另一位同事都話煙un, 我話冰皮係咪唔應該煙un架…2位同事話好食就得), 專員都話鍾意食煙un, 大班o個隻食唔倒層皮又痴手。

我自己就覺得都幾似, 起碼係咁多年黎最好味既自製冰皮XD 如果雪過先包唔知會唔會改善唔夠白既問題?

同大班比較, 我就覺得大班呢隻無糖奶油太甜…今日食過恆香既雙黃白蓮蓉勁甜, 要即刻飲水…