同事生日會

第四年o係度過生日喇~ 入黎第一年咁o岩係星期一, 今年終於等到星期五喇XD

多謝你地既蛋糕^0^

食到今年第五個蛋糕終於記得許願喇~^0^

蛋白戚風+淡忌廉~面頭鋪上焦糖脆脆~好味喎~唔會硬, 蛋糕鬆軟, cream同平時唔同味, 食落原來係有奶味既淡忌廉, 拎左返黎半個鐘先食已經有d溶溶地。整體評價唔錯~

＊　　　＊　　　＊　　　＊　　　＊　　　＊　　　＊　　　＊

鑑於十月有三位生日之星, 於是搞左K聚, 約埋新舊同事去NEWAY慶祝~唔駛大食會喇~

一入到就覺得好熟日面, 舊年間房黎既?*0* 跟住阿YAN都話舊年又係廁所隔離! 我見附近仲有廚房!應該係佢地舊年嚇到衝左入去o個度!!

 

十月之星~(28既yan, 31既我同25既ricky~)

呢個就係我第三個蛋糕喇~

壽包好好味啊~

花花送左札花俾我同阿yan~

好多野食~ d野食都ok喎~我地早去~第一次出去時d野食仲擺得好靚, 不過直至第三轉先記得帶相機…d野食已經少左亂左…都係算啦…= =

花花話變左elmo XD

呢個蛋糕都幾唔好食下, D CREAM好重酒味…大家都食唔晒…"靚仔"仲同人話你地個蛋糕好難食= =

好靚

佢地仲入左猛鬼街, 聽講舊年已經想去, 只係其中幾個唔驚既入去, 我冇入到XD

最後過左對面商場影相~

多謝您

好美味啊~ \^333^/

舊年已經想daddy仔整個蛋糕俾我, 不過安排唔倒時間, 今年差d都整唔成架喇, 我尋晚又同同事去左唱k, 好在十點幾返到黎都趕得切。

睇食譜份量, 磅材料, 打蛋, 溶朱古力牛油, 攪勻各種材料, 最後倒模, 入爐, 出爐, 甩模, 裝飾都係daddy仔一手包辦, 我話我黎佢都唔制 ^皿^ 我就負責監工, 睇住d蛋打得夠唔夠, 提示佢攪o個時快慢輕手。

蛋糕出爐已經11:30, 放左o係風扇前面吹, 凹得勁快XD 趕得切12點影相切蛋糕 ^0^

(可惜屋企冇蠟燭,唔知幾時俾我掉左???@@ 話時話今年食左幾個蛋糕, 吹過一次蠟燭都未許願 *0* !)

個模係daddy仔揀既, 第一次用, 我都唔記得買左個花花模XD 焗完出黎佢話睇唔出係花, 好似縮到變成咁咁XD 唔係丫, 我覺得有D似星形~仲靚~

食O個時仲暖暖地, 好好美呀~~~ >0<

daddy仔就係咁獻出左佢既第一次 ^皿^ 佢都好緊張唔知成唔成功 ^0^

其實o個我返黎之前佢仲預備左個雪糕蛋糕俾我, 不過搵唔倒我個心形模, 用左個好難甩模既jelly杯, 結果唔成形 ^^" 佢唔俾我影相, 話咁肉酸, 不過我都影左留個紀念 ^^ 最多我唔post出黎囉~ ^0^

Happy Birthday to us

今日係我地既生日, 又大一歲喇~

搵返D信封信紙寄信俾你, 鉤起好多中學小學既回憶, 好勁呀d信紙, 咁多年仲好新淨 ^0^

搵你地址時, 睇返本電話簿, 見倒好多人名, 唸返好多唔同階段唔同場合識既朋友, 有好多都唔記得係邊個lu :p

記得當年同你相識亦基於我俾同學填電話同出生日期, 發現你同我同年同月同日, 即刻上前話你知, 就咁開始我地既友誼。^^

不經不覺已經識左你16年 ^^ 你亦都離開左香港13年喇~

自從有左email, icq, msn之後已經好少寄信俾你, 今次隨上附上我第一個手製口金, 粉紅色同白色好襯你, 希望你鍾意 ^^

1996

2006

十年人事, 其實我覺得大家都冇咩轉變 ~ XD

生日快樂呀~我地2個都要快快樂樂呀~ ^0^

HAPPY BIRTHDAY TO US ^3^

寶哥味館

第三餐生日飯~ 都係同blog友仔一齊慶祝~

今次已經係丁屎今年第三次同我慶祝XD

上星期睇新假期見倒介紹呢間任食邊邊, 跟住上開飯睇過食評都好好~ 於是相約邊邊怪丁屎去食, IRENE又出席唔倒MEGA BOX carlifornia飯聚, 於是相約星期一晚黎呢度食飯~

三位美女目標一致, 黎到就嗌和牛餐~ 佢個爐上面有塊小鐵板可以燒烤, 好似$158一個餐, 可以揀和牛/海鮮, 又或者$128既黑豚肉。咁o岩同事食過黑豚話似普通豬肉, 於是3個都嗌和牛~~ 有牛肉粒, 牛肉片, 牛舌同2片牛脂肪(睇返雜誌原來係牛峰)。其餘仲有象拔蚌、生蠔、青口任食(需烚熟), 前菜每人有3片三文魚刺身, 仲可以自取好辣既牛展, 唔辣既麻辣粉皮, 有d冇食到唔記得左; 火鍋配料方面有幾款菜, 菇, 丸, 仲有魚片, 好好味既香草豬肉腸, 菇片同豬閏片都好好食, 仲有牛心"頂"

(未完待續)

鄰人的糕點

唔係我做既, 我只係切片煎黎食~ 其實係業主既鄰居俾佢, 再分俾我既~ 好似話係馬蹄糕, 不過食落係軟既~有d杞子

今晚係難得一個人食飯既星期三, 冇買送, 又煲左煲粥, 不過今晚d配菜好麻麻, 泡菜苦既…螺仔勁多沙…= =冇晒至愛香筍同蝦仁菜甫, 好在仲有另一至愛橄欖菜撐場!

聽朝早餐唔駛愁喇~ 不過午餐就…(其實仲有好多, 夠做lunch, 不過又唔係幾想午餐食粥:p)

o岩o岩煲落粥就有人打黎問我有冇飯食XD 緣盡喇我地~~~你就想呀! 俾你爭住先咋~

Pumpkin Risotto

第一次煮意大利飯。牛油爆香蒜茸洋蔥粒, 加意大利米, 加雞湯(我加水同雞粉), 慢慢逐少逐少加, 一路兜勻佢, 慢慢煮到飯熟。期間加入南瓜粒煮淋, 加少少cream, 最後加黑椒、香草、鹽調味。汁既濃度以水量多少作調較。

之前睇過食譜, 今次自己隨意煮, 冇好似之前睇譜講既咁2湯匙2湯匙加水, 每次加半碗水倒啦, 一路煮緊飯先切南瓜, 南瓜原來煮咁耐先淋, 中途筆左出黎叮左幾分鐘XD臨尾加左片芝士埋汁, 不過食唔出XD

南島風光

＊　　　＊　　　＊　　　＊　　　＊　　　＊　　　＊　　　＊　　　＊

＊　　　＊　　　＊　　　＊　　　＊　　　＊　　　＊　　　＊　　　＊

＊　　　＊　　　＊　　　＊　　　＊　　　＊　　　＊　　　＊　　　＊

＊　　　＊　　　＊　　　＊　　　＊　　　＊　　　＊　　　＊　　　＊

是次活動相關網誌：
1025十月之星南丫島一日遊
南島書蟲。Shelly Cheese Cake
貓。狗。南丫島
南島風光