上次母親節個蛋糕冇時間裝飾, 白朱又唔凝固, 今次希望做個好好睇睇既…唔好俾阿媽嫌棄>3<
今次參考食譜係o係圖書館借返黎既《花式蛋糕製作大全》, 入面有幾種清蛋糕同乾果蛋糕, 好襟擺, 裝飾又唔駛雪~下次夏天要再整蛋糕出街可以參考呢種類型呢^^
蛋糕底用左維多利亞軟蛋糕三文治, 不過只係整左一層, 牛油蛋糖粉都係1:1:1:1, 今次用平時整磅蛋糕唔同, 慢慢攪牛油, 糖, 蛋, 粉都攪左成個鐘, 只係用刮慢慢攪, 而入橙皮茸亦用左一個鐘…加左1湯匙檸檬汁, 做成檸檬橙口味既磅蛋糕。
一向整磅蛋糕都有發粉味, 希望今次成功啦~ 食譜話粉類過篩後放o係熱既地方咁會發得好d。
入爐前
面層就用左玻璃糖霜, 150g糖霜+1.25湯匙水可以鋪滿一個7寸蛋糕, 我見我個蛋糕又矮過人, 又得6寸就減到125g份量啦, 點知唔夠…而且要加多d水唔好咁杰, 手慢腳慢要不時叮叮佢, 硬得太快…加左少少黃色色素。
上面既花花同葉用杏仁膏做, 而則邊既白線用字就用返同玻璃糖霜類似做法, 不過糖水比例今次好隨意, 冇加色。
希望呢個你鍾意啦~
No comments:
Post a Comment