《姊姊的守護者》

最初係同事話想買又冇買到，跟住估唔到男友又提起，最後o係書展買左。

呢本一開始已經覺得好睇, 好吸引, 究竟一個生出黎就帶出拯救姊姊使命既小女孩既心態係點呢? 佢同姐姐感情好好, 因為姐姐既病, 2個都冇咩朋友, 住埋同一間房, 手術幾乎都要同期做…不過父母對佢既要求愈來愈多, 甚至要佢捐個腎俾姐姐。可能好多人會覺得唔係問題, 問題係, 佢從來都冇選擇權, 於是今次佢變賣daddy送俾佢用作獎勵佢捐骨髓俾姐姐既頸鍊, 籌錢同父母打官司。案件開始後, 佢同佢既父母兄姊依然相愛, 關係變得複雜。

除左小安娜之外, 哥哥亦因為有個有cancer既妹而被忽略, 因而做好多壞事引父母注意; 本身有病既姐姐係成個故事既核心, 最後o係開庭時會作出交待。期間又加插律師同小安娜監護人既愛情故事。

故事結局出人意表。由於我睇書慢既關係…好鍾意偷睇, 睇倒呢個結局都好意外, 喇喇臨追埋落去~ :p

推介程度：

同燦爛千陽一樣，雖然係2本好唔同既書，不過一樣咁吸引。