好耐好耐冇煮過飯喇, 今次放工5點幾買完送返黎煮到9點半:P 一路食飯一路焗泡芙^^"
頭盤有我至愛既三文魚沙律, 配千島醬~(臨時叫DADDY仔買:P)之前食西柚餐發覺唔落汁既話青瓜同番茄絲係最好味既沙律~
咁耐冇煮飯都唔知煮咩好, 最好緊係去大蚊度搵下靈感~ 今次搵倒呢個香草豬肉薯波~醃料改左老抽、生抽、魚露、蒜茸、意大利雜香草、糖, 放O係個兜入面同免治豬肉用筷子用力攪勻, 攪到起膠, 洋蔥切碎炒香, 我加左D煙肉碎入去炒, 薯仔切小塊加水叮十分鐘壓成茸。薯茸加入洋蔥煙肉攪勻, 豬肉加入一隻蛋攪勻, 加入薯茸洋蔥煙肉攪勻, 搓成球狀, 230度焗30分鐘至金黃。
比起大蚊既深色好多, 原來佢冇落老抽~
DADDY食唔出有薯仔, 以為係肉丸XD好抵~ 薯仔既價錢有豬肉既味道XD
本來唸住買多PACK豬肉碎整大份D上面個薯波, 不過唸起好耐冇整沙丹豬扒, 不如整幾件迷你版食下~不過今次攤凍晒先食…食唔倒有芝士 一..一
沙丹豬扒又稱藍帶豬扒, 係仲讀緊IED時O係圖書館搵返黎既食譜, 豬扒中間界開唔好界斷, 夾芝士火腿, 今次冇火腿夾左煙肉, 出面褢粟粉雞蛋麵包糠炸, 不過我每次都係煎…而我煎野…經常都煎火農= = 今次未yaam完其餘幾塊就開始火農>_<
豬扒唔駛醃都夠味架~不過今次食唔出芝士流出黎真係可惜…
配返個茄汁天使麵, 烚麵唔記得落油鹽…乾左d ^^" 茄汁炒勻, 加d橄欖油、雞粉、辣椒仔兜勻。食o個陣加左d香蕉藍莓醬又幾好味 *0* 跟住試過撈沙律食又唔錯 ^0^
甜品係呢個一口泡芙~今次夾雲呢拿雪糕 ^0^
做法：改自《烘焙寶典》食譜話10個份, 不過我整倒20個…
1. 植物油/牛油60g+130g水小火煮沸；篩入70g低粉，小火煮至面粉不黏即可離火，冷卻至約65'C，分3-4次將150G雞蛋(約2.5隻)加入面糊拌勻，拌勻，感覺麵糊愈來愈重，拌至拉起面糊時會慢慢滴下，並呈三角光滑狀即可。
2. 裝入o即袋o即在焗盤上，每個之間預留空位, 入爐前先噴水。200'C焗20-30分鐘即成。
3. 出爐後切開o即餡，表面篩上防潮糖霜即可。
No comments:
Post a Comment