早1, 2星期病左開始煲粥仔食, 屋企包米有好多種米溝埋, 煲出黎紫色:p
由細到大都鍾意送橄欖菜食~ 阿媽返鄉下都會帶返黎~ 另外仲有香筍都好鍾意~不過屋企就唔係時時有
今日o係惠康買左樽大樽既要成廿蚊!! 好貴!!冇唸住呢d送粥野咁貴>< 不過依家罐頭都夠膽賣成廿幾蚊!!>< 但係又真係好鬼好味既樽筍 ^^"
另外上圖仲有白糖貢菜, 都係阿媽o係鄉下帶返黎既, 不過香港都有得賣~XD 我麻麻地:P 仲有菜心蘿蔔我都係麻麻
腐乳都唔錯~
前晚o個餐就送鹹蛋~細個淨係食蛋黃, 依家唔好浪費, 白都KO埋~一隻鹹蛋就一餐~ ^0^
依家已經好得7788, 不過為左D配菜繼續煲粥 :P 不過daddy仔唔食粥, 所以星期124先煲~ 跟住仲可以帶返工做早餐~ 幾歎XD
＊ ＊ ＊ ＊ ＊ ＊ ＊ ＊ ＊
是日寶貝玉照
相入面4款我都唔食。
ReplyDelete[版主回覆10/17/2008 00:20:00]你鍾意送咩架
辣椒蘿白、菜心仔、辣泡菜、辣菜甫。
ReplyDelete[版主回覆10/17/2008 07:58:00]反而呢D我麻麻:P唔係咁鍾意D爽脆野~
我女婿都係潮州人 中意食橄欖菜
ReplyDelete[版主回覆10/17/2008 07:58:00]YEAH~
我都鐘意食辣椒蘿白...另外妳個樽腐乳我早兩日見報紙要回收喎....
ReplyDelete[版主回覆10/17/2008 07:57:00]係?其實我唔係食呢樽XD 影錯左, 跟住發現呢樽冇放雪櫃壞左XD已經掉左~~
橄欖菜我老公全家就好鐘意因為佢地係潮州人，我就唔like。哈！妳唔講我都唔覺全部爽脆野。
ReplyDelete[版主回覆10/17/2008 09:11:00]唔知係咪潮州人特別鍾意食呢? 我都係潮州人黎架
我都好喜歡食粥, 不過家中大小吾多喜歡, 咁就無得食
ReplyDelete[版主回覆10/17/2008 09:18:00]自己食囉
我都係自己食咋
阿媽都鍾意, 鄉下朝朝食粥, 不過阿媽唔係成日返黎
記得細個返鄉下食飯, 有時飯粥都有時俾我揀一定揀食粥
我都唔知咩係橄欖菜tim...等我問下新新先 XDDD
ReplyDelete[版主回覆10/17/2008 12:58:00]上面第二幅圖中間o個樽呀~ 快d試下啦 ^^
我都好中意食欖菜 ka! 有時用黎撈飯食就一餐la! 不過媽咪話欖菜同筍都好毒wor! 你病既話都係少食為妙呀!!!
ReplyDelete[版主回覆10/17/2008 13:20:00]係??筍就聽過, 欖菜都係第一次聽 *0* 不過都好得7788喇 ^0^ 唔該你呀~~
乜咁"轎"。格DE 冷。
ReplyDelete[版主回覆10/18/2008 09:40:00]開一篇格ge冷舉手區我唸都唔少人舉手XD
係呢你識唔識講潮州話?
唔識講、唔識聽，咁妳和家人傾計時否用潮州話呢？
ReplyDelete[版主回覆10/18/2008 20:16:00]我唔係架, 都係返鄉下同阿婆先講, 依家後生o個輩好多都識, 變左我又少講, 愈來愈唔識講:p