同事BBQ

尋晚同事黎我度BBQ, 離上次BBQ已經有5個月, 今年都冇咩燒過野食~咁o岩同事發起, 於是促成今次聚會~
今次既特別食品有第一次燒既自製叉燒~同埋encore既迷你腸仔包~

用返之前醃叉燒既方法早一晚醃定d叉燒, 切件燒

腸仔包就機搓, 不過今次用左鹽牛油, 搓出黎個樣有d唔對路XD同埋第一次發酵o係部機入面發過左龍, 表皮乾硬左d…大家夾手夾腳卷好腸仔之後, 再發第二次就可以上蛋漿跟住燒~

而o係未人齊之前就同賣魚清整左dmuffin仔玩下~

第一次跟呢本食譜~《這些大廚教我做的菜》, 推介呢本書~除左印冊精美非常吸引之外, 內文仲有好多理論, 都係作者睇埋睇埋好多英文食譜既心得, 由甜點到西餐都有, 難得一本我差唔多刨晒既食譜:p

今次仲有2位特別嘉賓, 軒軒同豬豬~2隻都係西施女~ 上面既係joey既軒軒, 下面既係elaine既豬豬~2隻都搞到一身蜜糖XD 豬豬可以訓o係地下望住主人食丸同用d丸丸引佢, 軒軒仲威, 訓o係主人大脾等人餵~ 可憐既肥豬就俾人綁o係老遠望唔倒我地燒野食~冇計啦, 放佢出黎一定撲lum個爐都似! 仲會不論生熟同你食晒所有食物…碳都KO埋…= =

最後黎張大合照先~
可惜仲有幾位黎唔倒

ps1 粟米好難劈
ps2 vani買既番薯好好食! 好似之前o係北京同哈爾濱食倒o個d咁甜!我今朝訓醒又食左2大條!!
ps3 肥豬嚇親豬豬, 但係細細粒既軒軒又走去撩肥豬XD joey話軒軒鍾意大狗~
ps4 今次係o係屋企燒咁多次野食之後好少事後功夫既一次! 唔該晒!!^0^
ps5 是次埋單$45@, 飲品自備