討論區讀後感

剛剛把香港討論區中整個【將於2010年結婚人士分享區】一口氣看完，得出以下結論。

1. 08年時大家都只係儲錢階段, 部分特別好日結婚的新人已開始訂酒席;

2. 大部分人最先準備既係買樓同訂酒席

我地唔擺酒, 亦暫時唔會買樓, 即係唔駛咁快準備。

3. 09年初, 大部分年尾好日及星期六日已被下訂, 因而得不到首選日子或場地

我地唔擺酒, 預訂日子亦唔係好日, 而且係夏天, 因為唔難book

4. 大部分分享的都是姊妹, 準新娘比準新郎著緊得多 ^^

5. 大多準新郎對於訂酒席的反應是「唔駛急啦, 呢間唔得咪第二間囉」；而準新娘既反應係「橫掂都係要俾咁多錢，緊係揀間最o岩心水架啦」有d甚至會因而發生爭執。

我地都有呢個情況, 都係我睇好多資料, 佢就話唔駛咁急XD 慶幸我地未有爭執。^^

6. 擇日。又係好重點既一項討論, 主要問未出通勝點擇日? 搵黃大仙擇, email搵師傅擇, 最奇既係一邊book教堂一邊搵黃大仙擇日…

7. 未求婚。好多新人即使已經著手籌備, 但係依然會話男友未求婚。其實都已經搞緊…係咪冇左呢個儀式就唔嫁呢…?

之前有blog友同我話, 呢樣野好重要架, 冇既話第時會後悔! 其實我唔係好明…都有晒共悉…甚至話冇跪冇花唔算求婚…完全唔明白點解要跪…好"火羅"…= =

當初我地都講好10年結婚, 冇唸過佢仲會求婚, 更加估唔到既係原來佢咁記得當日既用字, 佢話一世人講一次點會唔記得

不過就算有左呢個儀式, 收左戒指之後, 我都未落實去準備, 直到今年2, 3月開呢個BLOG既時候先正式睇下有關資料。

8. 6-9個月前拍婚照

我地只係預左4個月時間, 因為要就假期, 而且要時間修身:P 應該冇問題既