手術成功

(攝於手術後翌日午睡中)
今日930帶左肥豬去梭椏道做第一次手術, 今日先知原來我地睇o個個係dr brad:p
其實我地本來係想book dr brad既, 不過book o個陣話佢星期日唔返於是bok左dr tint, 點知原來同肥豬睇o個個係dr brad *0*

對佢好有好感, 佢對小動物真係好好, 不過原來d姑娘對佢有d不滿, 可能多客做野趕忙d, 冇時間飲水同去廁所…

今日去到等左陣, 放低佢我地就走, 首先照X光睇下有冇擴散去肺, 如果冇就可以做手術切除腫瘤, 有就切都冇用就唔會同佢切, 好好彩, 張X光好清, 其他器官都冇事^0^ 萬幸!

佢打俾DADDY時話個肺冇事, 不過有一個壞消息(嚇死佢…)原來有心絲蟲…
其實我地對心絲蟲都唔係好了解, 不過相信應該冇cancer咁大鑊…不過我去接肥豬時醫生都講得幾得人驚… 有2種方法醫, 可以打針或者食藥, 打針感覺危險d…頭2日可能會有中風現象, 唔可以俾佢郁得太快…要留院2日…= = 食藥就攤長d好, 12-18個月先好返晒, 不過我地都prefer食藥, 好似冇咁危險。

今次切瘤同上次o係大埔睇好唔同, 上次講到有2, 3成失敗風險…今次就提都冇提過, 好似好小事, 所以我都輕鬆好多。

手術期間同DADDY食完早餐就去左行旺角, 行上海街、睇衫、睇書，行到支力唸住去圖書館坐，點知未去到診所就打黎話肥豬醒左，叫我返去接佢～（預計６點前，結果４點就打俾我，不過到離開o個陣都差唔多6點…)

等緊o個陣聽倒入面有狗狗既哀號都好擔心, 會唔會佢痛到叫聲都唔同平時…點知見倒佢o個陣一個矇樣…仲fing尾…真係唔得佢死XD

爭住落地行黎行去, 同醫生商量緊如果佢痛有冇止痛藥既同事, 隻衰野o係度伸懶腰…醫生姑娘都笑XD 醫生原本準備左止痛針都話咁可以唔駛都得…XD而且醫生話佢今次只係切到皮層, 絕育要切到肌肉, 佢應該係冇絕育咁痛既, 另外佢多皮(好似沙皮咁…)對傷口縫埋都有利 XD 我地話肥豬去拉皮…叫醫生拉埋DXD

出到出面其他病wow既主人都話佢好堅強, 可以自己行…我都覺得佢好堅!!不過明顯係支力左, 冇咁興奮, 一上車就伏低, 到站仲唔想落車@@ 抱佢居然縮…

返到黎即刻呢入自己個竇(話說知道佢有病之後放左佢入屋, 尋日車左個軟墊俾佢, 再放o係紙皮箱入面俾佢窿), 訓左3個鐘先起身食野, 叮左半條龍利柳佢食(醫生話今晚既食量係平時既1/3-1/2)再加多廿幾粒狗糧, 不過自此就聽倒佢"好肚餓…"既哀號…

依家總算冇左最大O個粒瘤，不過切片SEND左去外國化驗，仲未知良性定惡性，但係佢未有擴散去其他地方我都相信係良性既

２星期後返去拆線，之後仲要做多一次手術，切埋另一邊既細瘤、絕育、仲要洗牙…跟住再決定心絲蟲點醫，醫生話唔差o個2星期，同埋非常抱歉今日冇時間同我講解心絲蟲既野，叫我如果有需要三日後可以帶肥豬返去幫我拆紗布，到時再同我講解。