患難與共

肥豬呢件事由頭到尾係我地一齊經歷, 一齊帶佢睇醫生, 一齊聽報告, 一齊做決定。
由一致認為唔想佢受2刀, 決定睇多個醫生, 到最終決定接受手術都係我地2個共同面對。
由呢件事睇倒佢都好錫肥豬, 我以為我眼淺, 第一次聽倒呢個消息已經忍住眼淚, 原來佢同我一樣都係咁心痛肥豬。
我地一齊經歷呢個禮拜既生離死別(當初以為好嚴重), 感覺親密左, 感情邁進左一步。(唔知你有冇同感?^^)
咁o岩今個星期放大假可以照顧肥豬, 呢2次出去睇醫生都係一齊出去, 然後佢返工, 我帶肥豬返黎, 但係佢比我仲擔心。
尋日9點幾送左佢去診所之後我地去左食早餐, 跟住佢就擔心左成日驚電話響唔慌有好野, 偏偏電話又係咁響, 搞到食唔落飯; 反而我又冇咩擔心, dr brad講到好似小手術咁XD 我都有想像下唔知依家肥豬係咪o係手術床上呢…唔知佢依家痛唔痛呢…唔知一陣醒返見倒佢會唔會好虛弱呢…(點知一見倒佢鬼咁精靈完全睇唔出做過手術XD)不過相比daddy佢就真係好擔心, 始終年紀唔細又要麻醉。
依家肥豬個大瘤冇左, 不過daddy仲未見倒佢, 心掛掛; 反而我見倒佢乜事都冇就冇乜牽掛, 但係就覺得佢好鬼悶, 呢幾日唔行得咁多, "運"住左佢o係廁所, 間中帶佢出去尿尿。

肥豬係我地2個共同擁有, 共同珍惜既小生命, 今次雖然冇左一筆, 但係就令我地更學會珍惜。
我以為佢唔可以睇住我嫁架喇, 依家睇怕仲有可以繼續陪我地走更長既路^^(醫生話佢雖然十歲但係身體好好呢)