11號發現佢可能有cancer, 手術風險又大之後成個人down晒, 開頭我地都唔想俾佢做手術, 唸住佢年紀咁大, 唔想要佢捱。
daddy話唔做手術既話, 到佢痛苦就帶去人道毀滅, 我即刻眼濕濕…
我考慮既係, 依家見佢開開心心行得走得食得訓得, 怕做完手術情況會差左…
daddy考慮既係, 最緊要唔好要佢受…長短命都係其次, 只怕佢辛苦
上星期知道佢有事之後, 放左佢入屋, 睇住佢走黎走去, 你行去邊佢行去邊, 新既相處方法, 感覺好新鮮, 感覺更親蜜。
其實業主唔俾佢入屋, daddy亦怕佢周圍屙(試過幾次臭到淵…), 肥豬都習慣左開左門都唔入屋; 不過經過幾日之後佢已經好快習慣開門就入黎…= =
入左屋之後跟住我行黎行去, 我整野食佢就望住, 學識坐就有得食既佢, 見倒我整野食就坐XD 有次我切緊檸檬(整果醬)佢又要, 仲吠添! 我切完就俾D渣佢lam, lam一下就掉頭走XD 如果我o係度車野(尋晚車左個軟墊俾佢訓)佢又會伏o係隔離。
不過俾佢見倒你隻手得閒就一定要摸佢, 佢最叻用個頭頂你隻手上佢頭頂XD仲一定要郁喎, 唔郁佢會投訴XD好煩XD
不過如果你唔理佢自己上網呢, 佢好快就會放棄, 伏o係你後面撻地 ^^"
o個日攬住佢, 唸到"點解你咁乖, 要咁早帶走你"不禁悲從中來…攬住佢喊…佢見倒你喊又會lam你, 你又更加覺得佢乖…
其實佢真係一隻好乖既狗狗, 從來都唔咬人(即係看唔倒門口, 第一次見都lam人…= =), 都算聽話, 又嗲又熱情, 係為食d同懶d…睇見佢咁抵錫, 然後唸到佢要受苦就好難過…就算依家已經做完手術, 見佢又冇咩大礙, 唸起都仲好心酸…
你呢篇文 好感人。
ReplyDelete[版主回覆07/23/2009 11:40:00]其實佢真係唔似有受苦…鬼咁生猛XD 不過依家仲有心絲蟲要解決, 另一邊既細瘤似乎仲冇咁緊要, 最煩係心絲蟲打左針之後要有3星期完全靜養…邊咁多假睇住佢呀…
因為你同佢有感情,又養左佢咁耐,你的生活就有佢的影子 點可以話去就去呢 我都好似你咁,會用個心去感受同coco的相處 我會記得coco的一切點滴 自己的狗仔就算係懶都覺得佢懶得嚟好得意又可愛 肥豬會無事的
ReplyDelete[版主回覆07/29/2009 21:13:00]我依家都當佢冇病一樣XD 過幾日返去拆線再同醫生傾心絲蟲同第二次手術既野
心絲蟲唔係咁難醫的,當然無病就最好啦,比起我哋以前養狗,e +的藥已經越來越好的了 肥豬真係抵鍚囉,咁堅強,做ma mi的都真的為佢而驕傲架,你唔洗咁担心啦,最緊要就係揾到個有愛心的好醫生睇佢 時常都聽到人哋話珍惜眼前人,其實需要珍惜的又豈止係人呢 你對肥豬的愛心佢都知道的 狗仔都是喜歡用lam嚟作溝通的 coco bb時每朝早我醒咗就會幫我好認真咁洗面,我真多得佢唔少架 肥豬treat 心絲蟲頭幾日,可唔可以寄養喺獸醫到架 咁你就算返工都可以放心d
ReplyDelete[版主回覆07/30/2009 10:07:00]頭2日要留院囉
其實做手術前我都好擔心, 好在冇事; 點知又話有蟲…仲話打天針D蟲會四散=0=...
肥豬進展如何呀？
ReplyDeleteoh no!咩事呀?
ReplyDelete[版主回覆09/28/2009 21:48:00]今次係切埋2粒細瘤, 絕育同洗牙
麻醉藥未過, 依家睡死左
coco上個月都洗咗牙,A$290細狗,香港要幾錢? 絕育就一歲前做咗,因我帶coco去puppy school時,個 coach 話唔凖備生的話都係絕育好d,少d病 心絲蟲醫好未?
ReplyDelete